فہیم قیصرانی
۔۔۔۔۔۔۔۔۔۔۔۔۔۔۔۔۔۔
یاد نہیں کیہرھا ویلھا ھا ایویں بیٹھی بیٹھی جاہ تاں پیچھو تیں ٹر پیاں ٹردیں ٹردیں کئی ڈینھ لگ گئے
ھک وستی ٹپ تیں ڈوجھی اچ پیھ ھک شہر توں ٹپ تیں ولے اگلے اچ پیھ ، جیتھاں ڈینھ لہونڑ تیں آویے اوں وستی جھوک دا مہمان
سامان دا لڈیا ھویا بورا لہا تیں رات اوتھہاں ول سویرے سفر تیں میں ھک ڈوجھے دے پندھیڑو،،
سفر اپنڑی منزل دو جاری ھا راہ اچ ھک سفید ریش بزرگ اللہ دا ملنگ ملیے پوچھیس جوان آں کیتھاں ماریا ماریا لائ ویندیں،،،
میں آکھیے بزرگ آ میڈی منزل ھک پل ھیے بزرگ پوچھیے وئے اللہ دا فقیر آ کیہرا پل میں آکھیے بزرگ او پل جیہرا میکوں رج پیارا ھیے،،،
بزرگ آکھیے وئے تخیلاتی فقیر آ او پل تاں لنگھ گیا بھلا گزریا پل وی ولا ول سگدے ،،
میں آکھیے جی ھا بزرگ آ ول سگدے بزرگ آکھیے میکوں ڈس کیویں ول سگدے ، میں آکھیے آ بیلی بزرگ ھونڑ اگوں تیں سفر نہیں کرنڑ ڈیندا ایکوں ڈسی ونجاں جو گزریا ھویا کیویں ول سگدے ،،
میں آکھیے بزرگ اوں پل ایں ول سگدے جو اوں پل اچ گزری حیات دے تخیل اچ آپ کوں غرق کر ڈیونڑ محبت دے اوں پل اچ آپ کوں ونجا ڈیونڑ ایجھا ونجا ڈیونڑ جو
اوں محبت دے پل اچ پلی محبت سامنڑے آ کیں محبت دے گیت گاونڑ لگ ونجے او محبت دے گن گاندی محبت دی پلوڑی اپنڑے بوچھنڑ دے لڑ کوں میڈے منہ تیں مار کیں میڈے نال ان بہے
ول قول وعدے قسماں یاد کر تیں رونڑ لگ ونجے ول روندی جاہ تیں ڈھیر سارا کھیلنڑ لگ ونجے
ول کھلیھ کھلیھ آکھنڑ لگے ونجے او پل تاں ذندہ ھیے جندڈی او پل تاں حیات ھیے کیا محبت دا پل وی مر سگدے کملا
او سوہنڑے پل پیپل دے درخت ہیٹھ واہندی کسیی اوتیں رکھیے کھٹڑے تیں ڈھیر گالھیں او اج وی زندہ ھین،،،،،،
میں تیکوں ڈھیر یاد کریندی ھاں توں تاں خوبصورت منظر ھویں میڈی ذندگی دا تیڈے نال گزریے پل روز میڈی در درسال تیں جوگی بنڑ تیں محبت دی مورلی ان ونجدین ،،،
توں کڈاں ول آسیں میں محبت دے بول اچ سوریلے ترانے سوہنڑ واسطے ترس گئ ھاں
تیکوں کہیں غلط خبر ان ڈتی ھیے جو میں پرائی تھی گئ ھاں آ ول آ تیکوں اللہ دا ناں ھیے ول آ ،،
بزرگ میڈے راہ توں ھٹ ونج میڈی محبت میکوں تخیل اچ اللہ دا واسطہ ڈے کیں آکھ آ گئ ھیے توں ول آ میں تیڈی تانگھ اچ ھاں
تیں ھر ہمیش تیڈی راھساں
ھٹ ونج بزرگ باہوں دیر کر ڈتی میکوں ونجنڑ ڈے،،
بزرگ ول پوچھیے تیکوں ویندیں ویندیں کتنی دیر لگ ویسی،،،،
میں پٹکے دے ول نال ہنجھ اوگھ کیں آکھیے اللہ دا ولی خدا دا نیک بندا تقریبا” موت تک دی دیر لگ ویسی 
۔۔۔۔۔۔۔۔۔ وسلام
۔۔۔۔۔۔۔۔۔ وسلامفہیم قیصرانی کی مزید تحریرں پڑھیں
یہ بھی پڑھیے
سرائیکی وسیب کے شہر لیہ میں نایاب آوازوں کا ذخیرہ
فیمینسٹ!!!۔۔۔۔۔|| ذلفی
کہانی چرنوبیل ایٹمی پلانٹ اچ تھائے حادثے دی!!!۔۔۔۔۔|| ذلفی