جی آیاں کوں تریمت||رفعت عباس

اساں تریمت دے نعرے میݙا جسم میݙی مرضی دی تائید کریندے ہیں۔مردانہ ݙڈھپ دے سماج وچوں تریمت دی ایہ الاوݨی اوندا سچ اے۔ایں ٻول دے شیشے وچ ٻہوں سارے لوکیں تے اداریں کوں اپݨے چہرے دا وِڳاڑ پیا نظردے تاں تریمت تیں کیہاں ݙوہ اے۔تریمت نال صدیاں دی گزران وچ جو تھئے اوندے ساہمیں اڄ اوہ ٻولی ہِے تاں کاوڑ کیوں؟کیا ایہ سچ نئیں جو تریمت دا بدن اوندی اپݨی مِلک اے؟کیا ایندے اپٹھ،تیݙا جسم میݙی مرضی،دا وِہار چالو رہوے؟کیا انسانی جسم وی کوئی ٹوٹا بھوئیں دا ہے جیندی کاشت دا جھیڑا ہووے؟ایں موقعے تے مرد تے اوندے ٻہوں سارے اداریاں کوں حوصلہ کرݨا پوسی جو عورت اپݨی تقدیر دا بینر آپ لکھݨ جوگی تھئی ہِے۔جی آیاں کوں تریمت !!