قومی سلامتی کے سابق مشیر طارق عزیزمرحوم کے لئے تعزیتی ریفرنس

سابق قومی سلامتی کے مشیر اور اس وقت کے صدر پاکستان کے پرنسپل سیکرٹری مرحوم طارق عزیز کے اعزاز میں جمعہ کو اسلام آباد کلب میں تعزیتی ریفرنس کا انعقاد کیا گیا۔ جناب طارق عزیز انکم ٹیکس سروس کے ایک سینئر سرکاری افسر تھے اور 81 سال کی عمر میں انتقال کرگئے، وہ خدمت اور بے مثال ایمانداری، پیشہ ورانہ قابلیت کی وجہ سے قابل احترام تھے۔

دوست احباب، ساتھی، خاندان اور کاروباری برادری اور سیاست سے تعلق رکھنے والی نامور شخصیات بشمول رانا سیرت، سمریہ قاضی، پروین ق آغا، سلمان نبی، سعید اختر، فریدہ امجد، طارق صادق، عمر کامران، عبدالشکور، عبدالجلیل، شریف احمد، سید اعجاز۔ شاہ، ظفر بختاوری، محبوبہ رزاق، عاطف عارف شیخ، ظاہر کلیم، برادرم خالد عزیز، پوتے میکائیل ایلین، سلیمان، بیٹیاں طاہرہ عزیز اور ہاجرہ عزیز، جاوید ظفر اور شمیم ​​احمد نےریفرنس میں شرکت کی.

خراج تحسین پیش کرتے ہوئے مقررین نے کہا کہ جناب طارق عزیز نے قانون کی حکمرانی کے لیے وقف زندگی گزاری اور انہوں نے کیریئر کی ہر پوزیشن کو بہتر بنا کر چھوڑ ا۔

مقررین نے طارق عزیز مرحوم کے انتقال کو ناقابل تلافی نقصان قرار دیا۔ انہوں نے کہا کہ وہ بہت مہربان اور اچھے ساتھی اور دوست تھے۔
انہوں نے دعا کی کہ اللہ تعالیٰ مرحوم کی روح کو جوار رحمت میں جگہ دے اور سوگوار خاندان کو صبر جمیل عطا فرمائے۔
انہوں نے لواحقین سے ہمدردی کا اظہار بھی کیا۔

ریفرنس کا اہتمام انکم ٹیکس گروپ کے سینئر افسران نے کیا تھا۔

About The Author

dailyswail

See author's posts