تونسہ شریف دی ہک ڈہینہ دی یاترا||عبدالہادی بلوچ

عبدالہادی بلوچ

………………………

فورٹ منرو توں واپسی دے بعد ڈھیر ڈہنہ توں ساڈا پروگرام تونسہ دا بنڑدا کھڑا ہا خضر عباس ملکانڑی تیں او کولہو پہلے دا آہدا کھڑا ہا جو سک ہای پیر پٹھان دی نگر تونسہ شریف ڈیکھو میڈا رو تیں ہای جو رات ہک تونسے گزارو ول سندھو دی منڑ تیں روح دی سک لہاو تیں دامان دی ونج کے تریح وی ڈیکھو جہری وقت دے فرعونے کو مسلسل اہدی کھڑی ہے جو میکوں آباد کرو میں بہوں زرخیز ہا میڈے اندرو سونے توں میڈے دھرتی واس اپڑی حالت زار توں نکلن اور ایندی آبادی دا واحد حل کالا باغ ڈیم دی تعمیر ہے. کالا باغ ڈیم دی تعمیر دا مطالبہ کوی وکھرا مطالبہ نہی! ملخ وچ بے ڈیم وی تیں موجود ہن اور اے ساڈے ملخ دی تاریخ ہے جو عوام کولہو چندے گھن کے دیا میر تیں بھاشا ڈیم دی تعمیر شروع کیتی گی ہے جیندے تیں اج وی کم جاری ہے لیکن اے گال سمجھ نہی اندی جو کالا باغ ڈیم دی تعمیر کوں ہمشہ متنازع کیوں بڑایا ویندے ایندے نال تھل تیں دامان دے ہزارہ مربعہ زمین آباد تھندی ہے ول اخر پتہ نہی کیا اینجھی مجبوری جہری حل نہی تھی سگدی ؟

خیر گال تھیندی پای ہای جو وسیب یاترا دی خضر عباس ملکانڑی رات راہونڑ کولہو معذرت کیتی حکم کیتا پروگرام مختصر کرو ول دامان دے دورہ دا زندگی ساتھ ڈیتا تیں وت کڈاہی پروگرام بڑیسو دا ارادہ کر کے تونسے دو روانہ تھیے سے .ہالی اساں فرید ثانی احمد خان طارق دی دھرتی شاہصدر دین کولہو ہاسے سونہڑے تیں فقیر شاعر شاکر حسین راقب نال رابطہ تھیا جناب نے اکھیا ساڈے کولہوں ضرور تشریف گھن آو اسان جناب نال وعدہ کیتا واپسی تیں تسلی نال سٸیں نال بٹ گپ لیسو . ہالی گال فون تیں مکدی ودی ہای تیں روڈ دے پودھی پاسو ہاتھ چا ہک نیگر سلام دا اشارہ کیتا بریک مار کے جہریلے دید پای او جناب شعیب جروار ہن ول گرم جوشی نال جناب کوں اساں ملیے پہلے تیں شعیب جروار ڈھیر سارا کوڑیجے جو تساں ڈسیاں وی نہی ایں وے لنکھیے ویندو اساں اکھیاں جناب دی مصروفيات دا اندازہ ہا کیو جو اج غازی یونيورسٹی وچ پیپر ہن اور جناب دا وی پیپر ہے شعیب جروار وی پیپر ڈیونڑ غازی یونیورسٹی ویندے پاے ہن جناب ساکوں پانڑی پلایا ول اساں اجازت گیدی خضر عباس ملکانڑی دا حکم تھیا جو صدردین وچ استاد شریف دستی دےچاول مشہور ہن او کھا کے اگو تیں روانہ تھیسو گھروں ناشتہ کر کے نکلے ہاسے چاولیں دا ناہ سنڑ بھکھ والا لگ گٸ ساڈے پہنچنڑ تیں دیگ مگ گٸ ہای اساکو ڈسیا گیا جو ڈاھ پندرہ منٹ بھالا گنو نویں دیگ آ وںیندی خیر اساں بہ گے چاول آے پلیٹ ایوے لگدی ہای جیوے چاول گھٹ بوٹیاں ذیادہ ہوون وڈے گوشت الے چاول ہن چس چا گے اساں کھادے ایں دوران سردار طیب خان ٹھنگانی نال رابطہ تھیا ہمشہ الی کار
آسمان سے گرا کھجور میں اٹکا
سردار صاحب ڈسیا جو میں ملتان کولہو لیہ ویندا پیا خیر ساڈی سک سک رہ گٸ اساں جہریلے کالے پہچے سردار دی وستی رامنڑ دو منہ کر ہتھ بدھ نیازمندی نال سلام کیتا روح کو کجھ سکون ملیا کیو جو وستی رامنڑ نال ساڈا ساہ دا سانکھا ہا وستی رامنڑ دا ٹھنگانی ھاوس پنجاب کالج الی سنگت دا سانجھہ چھپر ہا زندگی ساتھ ڈیتا موقع بڑیا سردار طیب خان ٹھنگانی ,ٹھنگانی ھاوس تیں وستی رامنڑ تیں ضرور مضمون لکھسا اور اپڑاں قرض لہیسا.
خیر اساں پل قمبر کولہو تھیندے ہوے ھیڈ تونسے پہچنے اے ھینڈ ایوب خان دے دور وچ بنڑیا جڈا قاٸد عوام شہید ذوالفقار علی بھٹو وزیر خارجہ ہن گرمی وی زور پکڑ آی ہای ڈہینہ دے بارہ تھیندے پاے ہن اوڈو سوکڑ دے نال نہر تیں جھوک سرائيکی تیں عبدالله خان ملغانی ساڈی تانکھ وچ ہا مسلسل عبدالله خان ملغانی ساڈے نال رابطے وچ ہا جہریلے اساں ڈی جی خان وچوں روانہ تھیے ہاسے انہں کوں ڈس ڈیتا ہاسے جو جھوک سرائيکی تیں اساں حاضری ضرور ڈیسو خیر پل باوی ہزار والی کولہو اساں وستی مکول کلام کولہو تھیندے چوکی آلے تیں پہنچے ول گاڈی موڑ کولہو پچھہ تیں جھوک سرائيکی تیں پہچنے عبدالله خان ملغانی ساڈے بھالے تیں ہا نکے مجنو ساکوں جی ایاں کوں اکھیا عرفان خان ملغانی اپڑے فارم دا وزٹ کرایا اتنے وچ نکا مجنو خان ملغانی پانڑی چھری ٹرے ساراݨے چادر گھوڑی تیں رکھ آگیا وݨ دے تازہ پٹیے ہوے امبیں جموں تیں امرود نال ساڈی تواضوں کیتی گی رج گے کھادے اساں ہر شے ڈھیر ہای پچ گی دل تیں نہ اہدا ہا اٹھر دا تیں معارکہ وی مسلسل بضد ہن جو رات رہو اج لیکن اوڈو شاکر حسین راقب نال وی وعدہ ہا جو شام دا لازمی آسوں خیر اساں عبدالله خان دے نال وستی سوکڑ وچو تھیندے تونسے دو روانہ تھیو سے میں سمجھدا سوکڑ ونجا تیں حافظ آفاق نال رابطہ نہ کرا تیں اے ممکن وی کینی حافظ صاحب رشتے وچ تیں ماما ہے لیکن مامے گھٹ تیں سنگتی ڈھیر اے حافظ آفاق نال تیں روح دا رشتہ وی ہے جو اے روایتی تیں کمرشل حافظ کولہو وکھرا مزاج رکھدے خیر میں فون کیتا ڈو منٹ دیدار لو منگیے جناب نے ڈسیا جو او چنیوٹ ہن ڈیوٹی تیں اے کوی میڈے واسطے حیرانگی الی گال نہ ہای کیو جو میں جڈر وی سوکڑ گیا حافظ صاحب کہی نویں جاہ تیں ڈیوٹی تیں ہودن اے ڈسنڑ ضروری سمجھدا متاں سمجھو جو حافظ صاحب فوجی ہن پیشے دے لحاظ نال جانوریں دے ڈاکٹر ہن گونگدان دا علاج وی ثواب کہولہو گھٹ کینی ہی ثواب دی سک وچ ہند سندھ حافظ صاحب ودے رہدن ہا ول فون تیں حافظ صاحب حیران کن گال کیتی جو سوکڑ قسمت تیں ملسوں جتھ پیر ہوے اتھ خیر ہوے مولا عزت ڈیوے .
ول اساں تونسے پہچے چار دا ٹاٸم تھی چکا ہا پیر پٹھان جواجہ سلمیان تونسوی دے دربار حاضری ڈیتی ول ڈی جی خان دو روانہ تھیسو عبدالله خان دے کٹھے سوکڑ وچوں تھیندے جھوک سرائيکی تیں عبدالله خان ملغانی نہی ساکوں اجازت ڈیتی ولا ہالی چوکیوالے تیں پہچنڑ الے ہاسے تیں ماموں نور محمد خان ملغانی دا فون ایا جو چوری چوری ڈیرے نکتھے ویندے ہو میں سوجی تیں برف منگوای بیٹھا تہاکوں سوجی کھویندا امب ڈھڈے کریندے ہیں دیسی کوکڑ کہندے ہیں ول آو پجھوں تیں اے وی آفر ٹیتی نے جو لیٹر پٹرول دا وی سٹوا ڈیسو ول پٹرول دا سنڑ کے موڈ بڑیے جو ول جلو لیکن شاکر حسین راقب نال وی ملنڑا ہا او وی فجروکے ساڈی تانکھ وچ ہن ول سرائيکی شاعر جہانگير چاند اکھیا جو میں وی صدردین ہا تہاڈی تانکھ وچ ہا خیر اساں ماموں نور محمد خان دی آفر ملخ تیں قرض الی کار ادھار کیتی .
شاکر حسین راقب حکم ڈیتا شاہصدر دین الخادم مکھن ہوٹل تیں آ ونجو اتھا پہچو تیں سرائيکی نیگرشاعر شاکر حسین راقب سرائيکی شاعر جہانگير چاند موجود ہن ول قسمت نال ملنگ شاعر خضر عباس ملکانڑی میڈے نال ہا ڈھیر عرصے توں سک ہای کڈاہی استاداشعرا عبدالکریم ساجن سٸیں کوں ملو ہا الله گواہ ہے اساں ہک بے نال خیر خش کریندے بیٹھے ہاسے تیں میں ڈہٹھے ہتھ وچ انگورے دا شاپر چاتی عبدالکریم ساجن سٸں وی سامھڑے ساڈے کھٹ دے آ گے کلام تیں سنڑے ہاسے آمنٹھرے سامنھڑے میڈی پہلی ملاقات ہای عبدالکریم ساجن سٸیں ساکوں انگور گھواے راقب سٸیں ساڈے ڈھیر ہٹکنڑ دے باوجود پھرپور کھانہ منگوایا بھوک اسلو کینا ہای راقب سٸں دی محبت ڈیکھ کے ٹکر کھادا ول ظاہر اے وسیب دے نیگر شاعر کھٹے ہون ول استاد صاحب وی آے بیٹھے ہوون کلام نہ سنڑو محفل آدہوری ہے جہانگر چاند اپڑا کلام سنڑایا ول راقب سٸیں ول خضر عباس ملکانڑی تیں آخیر وچ استادالشعرا عبدالکریم وی اپڑاں کلام سنڑایا سج لھ گیا سٸیں شمس واسی صاحب ڈی جی خان ساڈے بھالے وچ ہن ول رات بارہ تیں شمس واسی خضر عباس ملکانڑی احمد خان الیاس ملکانڑی تیں بندہ ناچیز انجینر عبدالہادی خان گاڈی پل ڈاٹ تیں بٹا ماریا ول ہر کوی اپڑے اپڑے گھر دو روانہ تھیا
خیر تیں ہر دم خیر
تہاڈا نیارمند عبدالہادی خان گاڈی مرکزی صدر یوتھ ونگ پاکستان عوامی سرائيکی پارٹی
نوٹ :جنگیاں بھاوے گندیاں کچھ تصویراں سنگت دی خاطر قبول کریسوں بھنے ترٹے الفاظ میڈے قبول کریسوں کمی پیشی ڈھیر ہوسی کومنٹ تیں اصلاح کریسوں کوشش کیتی می جو حال احوال ڈیو جہرا میڈا فرض ہے

تہاڈا نیازمند انجینر عبدالہادی خان گاڈی مرکزی صدر یوتھ ونگ پاکستان عوامی سرائيکی پارٹی

.

طلبہ یونين بحال کرو۔۔۔عبدالہادی بلوچ

سرائيکی صوبہ ناگزیر کیوں۔۔۔عبدالہادی بلوچ

ہادی بلوچ دیاں بیاں لکھتاں پڑھو

About The Author

dailyswail

See author's posts