مٹھی :ڈائری دا پنا : 57||رفعت عباس

امر کوٹ میر پور خاص روڈ تے اڈہ صوفی فقیر ہا ‘ اتھاں تارا چند صوفی صادق فقیر دے روضے اگوں گاڈی آپے روک ڈتی ” یہ صوفی فقیر کا مزار ہے دیکھو ” تارا چند کوں پتہ ہا ملتانوں میں آیاں تے ملتان مزاریں دا شہر ہے ‘ اوندے نال رستے وچ تل جایاں والی تند رُل گئی ہئی ‘ اونکوں یقینا پتہ ہا جو میڈے نال ہک جلوس وی پندھ پیا کریندا ہے پر اوں حجت نہ کیتی :

ہکے بھاڑے وچ مہانڑا کینویں پار پُچاوے……

دل ساڈے وچ ایڈی وڈی جَنج اللہ دی سائیاں

صوفی صادق فقیر صاحب دیوان شاعر ہا ‘ اوندا سلسلہ صوفی شاہ عنایت شہید نال ونج رلدا ہا ‘ اساں اِتھاں سَبھے , کارونجھر دی ساری چِتر , کاسبو دے مور , راما پیر , فرسا رام , بُگھار دی جنگل جلیبی , کانٹیو دی بیر , گاڈی وچوں لتھے تے فقیر دے بوہے تے پُج گئے ‘ تارا چند وی رَل آیا ‘ رب اِتھاہیں پہلے توں موجود ہا ‘ مزار دے بوہے اگوں سنگری دے ونڑ تلے ترے تریمتیں تے ڈو جوان بیٹھے ہَن ‘ ایں جاہ تے ویلے وچ اوہ لوک وی شامل ہَن جنہاں دی ” میں ” اوں ” اساں ” وچ رَلا ڈتی گئی ہئی جیڑھی اُنہاں دی ” اساں” نہ ہئی ‘ ایہا گالھ ہئی ‘ لوکیں دا ” جزو” اوں ” کُل” نال گنڈھ ڈتا گیا ہا جیڑھا اُنہاں دا ” کُل” نہ ہا ‘ خلق دی ” کثرت ” اوں ” وحدت ” وچ سلہاڑی گئی ہئی جیڑھی اُنہاں دی "وحدت” نہ ہئی ‘ اج ایں اکیں دے گڑگاڈے تے خلق ہک نویں معاہدے کیتے نکھتی ہئی ‘ اج لوک اوں ” اساں ” , ” کُل ” تے ” وحدت ” کیتے ٹُریے ہَن جیڑھی اُنہاں دی اپنڑی ہئی ‘ سبھے رَل بیٹھے تے 20 اپریل 2018 کوں ڈوپہراں دے 12:40 تے آپس وچ ایہ گالہیں سِتریاں :

1) ” میں ” دی اجوکی پارت وچوں انسان جانور جنگل جیوت سبھ دا آدر

2)ایں ” میں ” وچ تریمت مرد دی برابری

3)ایں ” میں ” وچ پکھی واسیں خانہ بدوشیں رُل گئیں دی واپسی ڈائری دا پنا : 57

امر کوٹ میر پور خاص روڈ تے اڈہ صوفی فقیر ہا ‘ اتھاں تارا چند صوفی صادق فقیر دے روضے اگوں گاڈی آپے روک ڈتی ” یہ صوفی فقیر کا مزار ہے دیکھو ” تارا چند کوں پتہ ہا ملتانوں میں آیاں تے ملتان مزاریں دا شہر ہے ‘ اوندے نال رستے وچ تل جایاں والی تند رُل گئی ہئی ‘ اونکوں یقینا پتہ ہا جو میڈے نال ہک جلوس وی پندھ پیا کریندا ہے پر اوں حجت نہ کیتی :

ہکے بھاڑے وچ مہانڑا کینویں پار پُچاوے……

دل ساڈے وچ ایڈی وڈی جَنج اللہ دی سائیاں

صوفی صادق فقیر صاحب دیوان شاعر ہا ‘ اوندا سلسلہ صوفی شاہ عنایت شہید نال ونج رلدا ہا ‘ اساں اِتھاں سَبھے , کارونجھر دی ساری چِتر , کاسبو دے مور , راما پیر , فرسا رام , بُگھار دی جنگل جلیبی , کانٹیو دی بیر , گاڈی وچوں لتھے تے فقیر دے بوہے تے پُج گئے ‘ تارا چند وی رَل آیا ‘ رب اِتھاہیں پہلے توں موجود ہا ‘ مزار دے بوہے اگوں سنگری دے ونڑ تلے ترے تریمتیں تے ڈو جوان بیٹھے ہَن ‘ ایں جاہ تے ویلے وچ اوہ لوک وی شامل ہَن جنہاں دی ” میں ” اوں ” اساں ” وچ رَلا ڈتی گئی ہئی جیڑھی اُنہاں دی ” اساں” نہ ہئی ‘ ایہا گالھ ہئی ‘ لوکیں دا ” جزو” اوں ” کُل” نال گنڈھ ڈتا گیا ہا جیڑھا اُنہاں دا ” کُل” نہ ہا ‘ خلق دی ” کثرت ” اوں ” وحدت ” وچ سلہاڑی گئی ہئی جیڑھی اُنہاں دی "وحدت” نہ ہئی ‘ اج ایں اکیں دے گڑگاڈے تے خلق ہک نویں معاہدے کیتے نکھتی ہئی ‘ اج لوک اوں ” اساں ” , ” کُل ” تے ” وحدت ” کیتے ٹُریے ہَن جیڑھی اُنہاں دی اپنڑی ہئی ‘ سبھے رَل بیٹھے تے 20 اپریل 2018 کوں ڈوپہراں دے 12:40 تے آپس وچ ایہ گالہیں سِتریاں :

1) ” میں ” دی اجوکی پارت وچوں انسان جانور جنگل جیوت سبھ دا آدر

2)ایں ” میں ” وچ تریمت مرد دی برابری

3)ایں ” میں ” وچ پکھی واسیں خانہ بدوشیں رُل گئیں دی واپسی

4) ایں ” میں ” دی رضامندی وچوں ” اساں ” دے نویں معنی دی نشابری

5)ایں ” اساں ” وچ تخلیقی سماجی تہزیبی سیاسی سطح تے ساریاں دی کُھلی ڈِکھالی

6) ایں ” اساں ” وچ انسان تے کُل جیوت بارے لکانواں کم کرن والیاں دی مناہی جیویں جو اکثر صورتاں وچ ملاں باہمنڑ حاکم قاضی سوداگر جاسوس / مخبر / ادارے……

7) ایں ” اساں ” دے پنے / سمجھوتے تے دارالحکومت / راجدھانی توں باہر گوٹھ بزاریں وچ خلق دے دستخط/ نشان

ایں ” اساں ” دی سانجھ وچوں سماج سیاست مذہب عسکریت تجارت بارے تل وطنی موقف

9) ہر طرح دے ودھپ تے ڈڈھپ دی ہٹک

10) ایں ” میں "تے "اساں ” دے پندھ وچوں ڈِٹھے ان ڈِٹھے مرکزاں اگوں تَڈ

11) وحدت الوجود دے قلعے توں باہروں تَل جایاں دی رَلت

12) تل وطنیاں دی خوشی تے خوش حالی دا سانجھا ہک اَہر

4) ایں ” میں ” دی رضامندی وچوں ” اساں ” دے نویں معنی دی نشابری

5)ایں ” اساں ” وچ تخلیقی سماجی تہزیبی سیاسی سطح تے ساریاں دی کُھلی ڈِکھالی

6) ایں ” اساں ” وچ انسان تے کُل جیوت بارے لکانواں کم کرن والیاں دی مناہی جیویں جو اکثر صورتاں وچ ملاں باہمنڑ حاکم قاضی سوداگر جاسوس / مخبر / ادارے……

7) ایں ” اساں ” دے پنے / سمجھوتے تے دارالحکومت / راجدھانی توں باہر گوٹھ بزاریں وچ خلق دے دستخط/ نشان

ایں ” اساں ” دی سانجھ وچوں،سماج،سیاست،مذہب، عسکریت،صحافت،تجارت بارے تل وطنی موقف

9) ہر طرح دے ودھپ تے ڈڈھپ دی ہٹک

10) ایں ” میں "تے "اساں ” دے پندھ وچوں ڈِٹھے ان ڈِٹھے مرکزاں اگوں تَڈ

11) وحدت الوجود دے قلعے توں باہروں تَل جایاں دی رَلت

12) تل وطنیاں دی خوشی تے خوش حالی دا سانجھا ہک اَہر