حکایت: ناول بارے۔۔۔۔||رفعت عباس

اوہ ناول بارے پچھدن۔انہاں کوں ولدا ملدے۔”نئیں بلکل نئیں۔”انہاں کوں تھوڑی جہی ترسلا تھی ویندی۔اوہ ول گھابر ویندن تے پچھدن۔”اینکوں اساں ناول اکھ سگدے ہیں۔انہاں کوں ولدا ملدے۔”بلکل نئیں،ایہ نواں ہک لڑھ ہے کہیں پاسوں وی ناول نئیں۔”اوہ دھمی اٹھدن تے انہاں دی گھابر بئی ودھ ویندی ہے۔انہاں کوں چڑھدے ڈینہ تیں ناول دا جھاکا پوندے،جینویں کوئی سئہڑ یا لومڑی دھپ وچ درکے،یا جینویں کوئی لیلی یا بھڈوری گھا تے بھجے،یا جینویں کوئی بڈاوا پچھوں لگ ونجے۔انہاں کوں بزاروں لنگھدیاں بھو آندا ہے جیویں کوئی تماشا تھیسی شیشے ترٹسن۔اوہ تکھے تکھے گھر بھجدن تے ولدا پچھدن۔ ” ایں ناول بارے اوڑک تساں کیا اہدے ہو۔”اوہ راتیں ولدے گھابر دے وچ سمدن۔

کہیں وسوں وچ ناول وی تاں بہوں خوار کریندے۔