سرائیکی شاگرد سانجھ۔ ہک لُنڈا حال|| مشتاق گاڈی

سرائیکی لوک سانجھ دی جڑت دی کجھ مدت پچھوں ای سرائیکی شاگرد سانجھ وی ٹھہیج ڳئی۔ 1987 وچ بہاالدین یونیورسٹی، گومل یونیورسٹی تے اسلامیہ یونیورسٹی دے نال نال ایندے سرگرم یونٹس بوسن روڈ کالج ملتان، انٹر کالج بہاول پور، ڈگری کالج ڈیرہ غازی خان، راجن پور، پولی ٹیکنیک کالج لیہ، خواجہ فرید ڈگری کالج رحیم یار خان، ڈگری کالج لیاقت پور تے ٻنہیں کئی تعلیمی اداریں وچ اپݨے پورے تنظیمی سٹرکچر نال موجود ہئین، ایندی سنٹرل کمیٹی تے کیبنٹ ہئی۔ 1988 وچ جݙاں سٹوڈنٹس یونین دے ننویں سروں الیکشن تھئے تاں سرائیکی شاگرد سانجھ دے کئی امیدوار ٻہوں سارے تعلیمی اداریں وچ جیتے۔

جݙاں نوے دے ݙہاکے لوک سانجھ کھینڈو کھانڈ تھئی تاں اوندے کجھ سال پچھوں سرائیکی شاگرد سانجھ نال وی ایہو تھیا۔

اڄوکی سرائیکی سٹوڈنٹس پالیٹکس (جے ایں ناں دی کوئی شے ہے تاں) وچ میچورٹی تے آرگنائزیشن گھٹ نظردی ہے۔ ایندا کیا کارݨ ہے؟ کیوں پروگریسو ڈیموکریٹک سرائیکی سٹوڈنٹس پالیٹکس اڳوں نئیں ودھ سڳی؟ اے ڳالھ پرکھ پرچول منگدی ہے۔