دیرے دی سیاست||مخمور قلندری

ڈیرہ وچ الیکشن تھی گئے جیندے وچ پیپلز پارٹی تریجھے نمبر تے ہے یعنی چھیکڑی نمبر اوندی وجہ اے ہے جو جڈاں پیپلز پارٹی دی حکومت ہئ اونہہ دور وچ ڈیرہ وچ دھشت گردی عروج تے ہئ تے ساڈا ڈپٹی سپیکر فیصل کریم خان کنڈی اپݨی حکومت وچ اپݨے ڈیرہ اسماعیل خان وچ ہک چکر وی نئیں لا سگا کم تاں کم اونہہ ایں پاسے ڈیکھن وی گوارہ نئیں کیتا اساں کیوں جو عام آدمی نال جڑے ہووئے ہیں ایں کیتے عام آدمی دا اے خیال ہئ جو یار اے اونہہ ویلے کیتھاں ہئ بہوں ساریاں لوگاں دا اے خیال ہئ جو اگر پیپلز پارٹی دی سیٹ تے فیصل کنڈی ناں ہووے ہا تاں شاید جیت ونجے ہا 296 پولنک اسٹیشن توں 32,786 ووٹ گھدے ہنس جیرے اوکوں پیپلز پارٹی دی وجہ توں ملے ہن یا پیسہ چلا کے ملین

ڈوجھا نمبر جمعیت دے امیدوار کفیل دا ہئ کفیل دا سیاست وچ پہلا قدم ہے پہلی واری او سیاست وچ آئے ایں حوالے نال ڈٹھا ونجے تاں آوندا ڈوجھے نمبر تے آون اوندی کامیابی ہے اے تاں ول بعددے قصے ہن جو او ڈیرہ والاں دے کیتے کیا کریندے او ڈیرہ اسماعیل خان کوں کتنا اپݨا سمجھیندے اے مسلہ تاں ہئ وی بعد دا فی الحال اے وڈی گال ہے کفیل ڈوجھے نمبر تے آ گئے کفیل نظامی دا ووٹ ہئ 38,898

پہلا نمبر علی امین خان گنڈہ پور دا ہئ علی امین خان گنڈہ پور بھاویں لوگاں کوں مندے کڈھدے بھاویں لڑدے یا او پاک فوج اوکوں گھن آئ ہے گال اے ہے جو اونہہ دی اے خوبی ہے جو او رہے ڈیرہ وچ ویندے اگر او ڈیرہ وچ ناں وی ہووے تاں ڈیرے نال جڑا رہے ویندے اونہہ ڈیرہ وچ بہوں سارے کم وی کیتن تے بہوں سارے ڈیرہ وال اوندی فین ہے اے گال سچی ہے باقی اونہہ بھاویں ووٹ پیساں نال گھندن یا نوکریاں ڈے کے گھندن یا جیویں وی کیتا ہسی اونہہ اپݨے بھرا عمر امین کوں سٹی مئیر بنا ڈتا ہے تے اے پیسے ۔ آلے پاسوں کہیں پارٹی وی کمی نئیں چھوڑی آپوں جاݨ ہر کہیں ہر رنگ اچ ووٹ گھنݨ دی کوشش کیتی ہے اصل گال اے ہے جو ڈیرہ وچ ڈیرہ دی خوشحالی کیتے کیندا کتنا حصہ ہے عمر امین علی امین دا بھرا ہے تے او جیت گئے اوندے پچھوں اوندا کم اے تے اونہہ 63753 ووٹ گھدے ہن

اگر جمعیت تے پیپلزپارٹی دا ووٹ اکٹھا کرو تاں ستر بہتر ہزار ووٹ بݨدے تے اتنا عمر امین ہک دا بݨدے ہݨ سارا ووٹ دھاندلی نال یا پیسے نال تاں تھی نئیں سگدا کجھ ناں کجھ کم نال وی ہوندے ایں کیتے اگر پیپلز پارٹی اپݨے آپ کوں مضبوط اگر ڈیرہ وچ کرݨا ہے تاں امیدوار تبدیل کرے جیرا دیرہ اسماعیل خان اچ راہووے تے دیرے دے کم کرے تے عام آدمی نال جڑے جمعیت دا ووٹ بینک مذہبی حوالے نال زیادہ ہے جیرا پکا ہے جمعیت دا اپݨا ہک سیاسی مزاج ہے جیندے وچ اوندی سیاست تھیندی ہے تے جمعیت ہک معتبر پارٹی ہے اوندے ڈیرہ وچ اجتماعی کم وی بہوں سارے ہن پی ٹی آئ کوں جیرا ووٹ ملا ہے او پارٹی دی وجہ توں اتنا نئیں ملا جتنا علی امین گنڈہ پور دی وجہ توں ملا ہے کیوں جو او ڈیرہ وچ رہے ویندے لوگاں کوں مندے کڈھدے مگر گال سݨدے او عام آدمی نال جڑا ہویا ہے

میڈی یونی کونسل کوٹلہ سیدان ہے جتھاں پیپلز پارٹی فیصل کریم کنڈی دی وجہ توں ہر گئ ہے نئیں تاں اے شہر پیپلز پارٹی دا بدھا لگا مرید ہئ