ڈکھ دی سانجھ۔۔۔اکبرملکانی دا وصال۔۔|| حسن مرتضی

سرائیکی الیکشن دا بائیکاٹ کرن ۔ جے ڈھیر مجبوری وی ہے تاں پیپلز پارٹی کوں ووٹ ونج ڈیون ۔

نا وے چاچا بائیکاٹ کیوں اساں پیپلز پارٹی دے نال تھیووں تاں صوبہ بنڑسی ۔

بس اتھائیں ساݙا کھٹا مٹھا جھیڑا شروع تھی ویندا ہئی تے آخر وچ چاچا اکبر میکوں کمینہ آکھ تے چپ کر ویندا ہئی۔

اکبر خان ہک روایتی جوان ہا ۔ رونقی بندہ ہا ۔ سرائیکی تحریک وچ شاید انھیں کجھ لوکیں وچوں ہوسی جیہرے پیپلز پارٹی نال نفرت دی بجائے اوندا آدر کریندن۔

ہݨ نندروں اٹھیاں تے میسج آیا کھڑا ہا اکبر خان ملکاݨی جھوک لݙا گے ۔ میں سمجھے ایویں کہیں ٻٹ بݨائی اے ۔ اے تے چاچے دی روٹین اے ۔ جے تک ہفتہ ہسپتال نا لاوے چس نسی آندی ۔ پر کتھاں اج شئیت او ہمیشاں کیتے لگا گے ۔

اینجھے بزرگ ہک وݙی نعمت ہوندن جنھاں نال جھیڑے جھٹے وی لا سگو تے بٹ کڑاک وی ہووے پئی ۔ چاچا اکبر اے رونق وی ختم کیتی گے ۔

میں چاچے اکبر خان ملکاݨی دے پراݨے سنگتی تے یار کامریڈ عمر بزدار تے سرائیکستان ہاوس دے پروگراماں دی رونق نعیم الحسن نقوی کوں مکاݨ پیش کرینداں