آزاد کشمیر:بس کھائی میں گر گئی، 18افراد جاں بحق

 آزاد کشمیرکے ضلع سدھنوتی کی تحصیل پلندری میں منجھاڑی کے قریب بس کھائی میں گرنے سے18 افراد جاں بحق ہوگئے ہیں۔

بس راولاکوٹ سے کوٹلی جارہی تھی کہ حادثہ پیش آیا۔ ریسکیوذرائع کا کہنا ہے کہ امدادی کارروائیاں جاری ہیں۔ بس مکمل طور پر تباہ ہو چکی ہے اور لوگوں کو اسپتال منتقل کیا جا رہا ہے۔

امدادی کارروائیوں میں مقامی افراد نے بھی حصہ لیا۔ پولیس کا کہنا ہے کہ حادثے کی وجہ فی الحال معلوم نہیں ہو سکی۔ جاں بحق افراد کی شناخت کی جا رہی ہے اور ان کے لواحقین سے بھی رابطہ کیا جائے گا۔

وزیراعظم آزاد جموں وکشمیرعبد القیوم نیازی نے حادثے میں جانی نقصان پر اظہارافسوس کیا اورانتظامیہ کو امدادی کاروائیاں تیز کرنے کی ہدایت کی ہے۔

About The Author

dailyswail

See author's posts