صوبہ چھڑا ساݙی سنڄاݨ دا مسئلہ نئیں||عمار یاسر

ساکوں چھڑا ݙکھالی دا صوبہ نئیں چاہیدا جتھاں اکھریں شبدیں دا جھیڑا، مذہب دا پاوڈر تھپ کے ریت دا بوتا بنڑا کاں ہکلو کھڑے۔۔۔اساں اپڑاں کلہا صوبہ اینجھے صفحے تے نِسے لِکھوا سڳڊے جتھاں مُوہر کہیں بُوٹ نال لئی ونجے _۔۔ساکوں اینجھا صوبہ چاہئیدے جتھاں اساݙے کُل وسائل ساڈے پھائے لڳن۔جتھاں جی ایچ کیو ݙتے سبق پاروں بلوچ سنجاݨ کوں مندا ناں بنڑایا ونجے جتھاں سرائیکی ہوونڑ دا معنی باقی سندھیں پختونیں، بلوچیں کوں دشمن منݨ نہ ݙسایا ونجے۔جتھاں مقامیت تہاݙی ہک لفظ دی محتاج نہ ہووے۔جتھاں پُچھے بغیر بھوریاں ہِلیں دامان دے کرینہہ نہ مَل سڳن۔

اینجھا صوبہ کیڑھے کھوہ کھݙے لئوں جتھاں ہک سامراج کولو پٹیج ساکوں بئے سامراج دی دُھوڑ اچ پُور ݙتا ونجے؟۔البتہ تہاکوں لازم پُور سڳدوں جیڑھے نینگریں دے مُونڈھے اپڑی ہٹی چلاونڑ خاطر بِلہائی ویندو۔۔۔روز شامی ہکو سُر سِترِیندئے؛ مہور جو” اساں ست کروڑ ہئوں تخت ڈھہا ݙیسوں”۔(بھانویں ست کروڑ دی کئو کوئی "پِنڑاں” سݙ گئے وت وی کٙنیں نہ پٙئی؛ ہک۔احتجاجی ریلی نہ نِکھتی)۔ݙینہہ تھیندے تاں مٹی دے مُنارے ݙٹھے پئے ہوندن۔ہک ہِینڑاں ݙوجھا ہٙریار۔بودک بازی دے بُلاک بݨا نینگریں دی ساری پوٹینشل تے سیسار بنڑیے ٻیٹھو تساں ٻیا کجھ کائینی۔۔۔ناں ایں خود مختار صوبہ ٹکردے ناں پنجاب کوں فرق پوندے۔۔۔ہاء۔ کھوہ دے ݙیݙر وانگ اپڑے کھݙے تاریاں ضرور تردے کھڑوں

جیکر کوئی سیاسی سٹانس ہی کائنی تاں ایہہ دھمچر ھِے۔۔ہمجھوں دا جھیڑا ھِے۔۔مزاحمت کولو خالی۔۔مذمت کولو خالی۔خوش گمانی۔۔نندر دا درِگھا جُھوٹا۔جیڑھا اُداڑا ترٹݨ بعد جھوٹے وانگے بھڄ ویندے۔ولا ہتھیں نئیں اندا۔

"من ترا حاجی بگویم تٙو منا حاجی بگو۔۔۔”

Five Fingures upon ; So called nationallity/Nationalists just like _ Curse on all religious & state interests that go against social and individual benefits.