صدر مملکت ڈاکٹر عارف علوی اور وزیراعظم عمران خان نے قوم کو پاکستان کے 75ویں یوم آزادی پر مبارکباد دی ہے۔
صدرمملکت عارف علوی نے اپنے پیغام میں کہا کہ قائداعظم محمد علی جناح اور تحریک پاکستان کے رہنماؤں کوخراج تحسین پیش کرتے ہیں۔
طویل سفرکے دوران ہم محنت اور قربانیوں سے چیلنجزمیں سرخروہوئے۔
صدر مملکت نے کہا کہ پاکستانی ایک ذہین اور بہادرقوم ہے۔ پاکستان کی نمایاں کامیابیاں ہمیں دوسری اقوام سےممتازکرتی ہیں۔
پاکستان کاجوہری طاقت بننابڑی کامیابی ہے۔ جوہری صلاحیتوں نے ملک کے دفاع کو ناقابل تسخیر بنادیا۔
انہوں نے کہا کہ پاکستان کئی دہائیوں سے افغان پناہ گزینوں کی میزبانی کررہاہے۔ کورونا وبا کیخلاف پاکستان کے مؤثر اقدامات کوعالمی سطح پرسراہا گیا۔
کورونا کیخلاف کامیابی پرڈاکٹرز اور پیرا میڈیکس کوخراج تحسین پیش کرتا ہوں۔
اپنے پیغام میں وزیراعظم عمران خان نے کہا کہ ہم نے متحد اور پرامن اور پرعزم قوم کی حیثیت سے کٹھن چیلنجزعبورکیے۔
درپیش مسائل خطے کی بدلتی صورتحال ہمارے عزم کا امتحان ہے۔
وزیراعظم عمران خان نے کہا کہ ہم رکاوٹوں پر قابو پالیں گے اور مضبوط قوم کے طورپر ابھریں گے۔
پاکستان آج اقوام عالم کے درمیان سر اٹھا کرکھڑا ہوسکتا ہے۔ انسداد کورونا اور ماحولیاتی تحفظ بارے پالیسیوں کو دنیا بھرمیں پذیرائی ملی۔
انہوں نے کہا کہ ہمیں اپنے کشمیری بہن بھائیوں کونہیں بھولناچاہیے۔ کشمیری نامساعد حالات میں حق خودارادیت کیلئے جدوجہد کررہے ہیں۔
پاکستان کشمیریوں کی بھرپورحمایت جاری رکھے گا۔
وزیراعظم عمران خان نے کہا کہ پاکستان نے مغربی سرحدوں پربڑی قربانیاں اور بھاری قیمت چکائی۔
ہمیشہ اس بات پر زور دیا کہ افغان مسئلے کا کوئی فوجی حل نہیں۔ افغانستان میں دیرپا امن کیلئے سیاسی حمایت جاری رکھیں گے۔
انہوں نے کہا کہ اپنے معاشی وسماجی ایجنڈے کی پیروی کیلئے ہم امن چاہتے ہیں۔ پاکستانی عوام کی فلاح وبہبوداورخوشحالی پرتوجہ دے رہے ہیں۔
پاکستان کو قابل فخر اور خوشحال اور پرامن ملک بنانے میں اپنا کردارادا کریں۔ آج ہمیں ایمان، اتحاد، تنظیم کےعزم کا اعادہ کرنا چاہیے۔
About The Author
اے وی پڑھو
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر
قومی اسمبلی دا تاریخی سیشن ،،26ویں آئینی ترمیم منظور