شہری کے گھر سے 100 ملین ڈالرز کا ہیرا برآمد

دنیا کا سب سے بڑا ہیرا سری لنکا کے گھر میں کھدائی کے دوران برآمد ہوا۔

قیمتی پتھر نیلم، رتنا پور شہر میں گھر کے آنگن میں ایک کنوے کی کھدائی کے دوران مزدوروں کو ملا، اس شہر کو جواہرات کا شہر بھی کہا جاتا ہے۔

پچیس لاکھ قیرات کے ستارہ نیلم کا وزن پانچ سو دس کلوگرام بتایا گیا ہے

جبکہ عالمی منڈی میں اس کی قیمت کا تخمینہ ایک سو ملین ڈالر لگایا گیا ہے۔

پتھر کے مالک مسٹر گیمج کا کہنا تھا کہ جو شخص کنویں کی کھودائی کر رہا تھا

اس نے انہیں وہاں موجود کچھ نایاب پتھروں کے بارے میں آگاہ کیا، جس کے کچھ دیر بعد وہ اس خوبصورت شاہکار تک پہنچ گئے۔

مسٹر گیمج خاندانی لحاظ سے بھی جواہرات کے پیشے تعلق رکھتے ہیں

لیکن سیکورٹی وجوہات کی بنا پر انہوں نے اپنا پہلا نام بتانے سے انکار کیا ہے۔

ماہرین کا صحیح تجزیہ کرنے سے پہلے اس پتھر سے کیچڑ اور دیگر غیر ضروری اجزا کو صاف کرنے میں ایک سال سے زیادہ کا عرصہ لگا۔

جس کے دوران اس سے کئی نایاب اور قیمتی پتھر بھی برآمد ہوئے۔

سری لنکا کے قومی جیولری اتھارٹی کے چیئرمین نے دریافت شدہ ہیرے کو نایاب اور مخصوص قسم قرار دیا ہے اور کہا ہے کہ

یہ دنیا کا سب سے بڑا ہیرا ہو سکتا ہے۔

سری لنکا میں جواہرات کی صنعت سالانہ لاکھوں ڈالرز مالیت کی ہے اور نیلم کا شمار اس کی اہم برآمدات میں ہوتا ہے۔

تازہ ترین خبریں