سرائیکی وسیب دا جاب کوٹہ ۔۔ چھڑا کُوڑ||اسد بزدار

سرائیکی وسیب دا جاب کوٹہ ۔۔ چھڑا کُوڑ

موجودہ حکومت دا سرائیکی وسیب نال وانجھ جاری اے۔ اڄ کولو کُجھ مہینے پہلے گورنر ہاوس پینجاب ءچوں ساوتھ پنجاب سیکڑیٹ کو تحلیل کرݨ دا ہک نوٹیفیکیشن جاری تھیا، ڄیندے تیں سرائیکی وسیب ءِچوں ہک بھرپور احتجاج سامنڑے آیا۔ پچھیں پنجاب حکومت اُونھ ںوٹیفیکیشن توں مُکر گئی۔ وت کُجھ ݙینہہ بعد عمران خان سرائیکی وسیب دے الیکٹیبلز نال ملیا اتیں سرائیکی وسیب واسطے ہک جاب کوٹے دا علان کیتا۔ اینھ مہینے عثمان بزدار ڈیرہ غازی وزٹ دے دوران وت ہک واری سرائیکی وسیب کیتے جاب کوٹے دا شوشہ چھوڑیا۔

اے بیک گراونڈ ݙسنڑ دے بعد میں اصل مُدعے تیں آساں، او اے ہے جو ڄݙاں تک پنجاب دے سول سرونٹ ایکٹ 1974 وچ ترمیم نہ کیتی وسیی تݙاں تئیں اے سبھ علان زبانی جمع خرچ ہوسن۔ مثال دے طور تیں شہباز شریف آپںڑیں حکومت دے مُکݨ کولوں کُجھ عرصہ پہلے ساوتھ پیجاب دے ترائے ڈویژنز(ڈیرہ غازی خان، ملتان تیں بہاولپور) اتیں ݙو ضلعیں(بکھر، میانوالی) دا ٢٠ فی صد جاب کوٹے دا علان کیتا۔(اوندا نوٹیفیکیشن وی اینھ پوسٹ نال اٹیچ ہے)

اینھ دوران لاہور ہائیکورٹ ءِچ کوٹہ سسٹم دے خلاف فیصلہ آیا۔ اپڑیں فیصلہ ءِچ لاہورہائیکورٹ آکھیا جو جے تک کوٹے سسٹم تیں بِنہیں صوبیں وانگ قانون سازی نہ تھیسی اے غیر قانونی ہوسی۔ وت پنجاب حکومت اینھ فیصلے تیں ریویو پٹیشن پاتی ڄیڑھی اڄاں تک پیڈنگ (Pending) اے۔

2019 ءِچ ہی پی ایم ایس پنجاب دے رٹن رزلٹ دے نوٹیفیکشن ءِچ عدالتی فیصلے کوں جواز بنڑا کیں سرائیکی وسیٻ دے حصے وچ آونڑ آلیاں سولھاں (16) سیٹاں اوپن میڑت وچ تبدیل کر ڈتیاں گیاں۔

وت ڄݙاں آخری سال پی ایم ایس دا فائنل رزلٹ آیا تاں پی پی اسی سی (PPSC) سرائیکی وسیب دی 16 سیٹاں دا رزلٹ روک گھدے کیونک معاملہ کوٹ ءِچ جو ہے۔ آخر تیں میں اے آکھساں جو حکومت اگر سرائیکی واسطے کوٹہ رکھنڑ چاہندی ہے تاں اینھ حوالے نال مناسب قانون سازی کرے۔ صرف کُوڑے لارے نہ لاوے۔