مواصلاتی کیپٹلزم وت اپݨی نویں سٹریٹیجی نال آندا پئے|| حسن مرتضی

سرمایہ دارانہ نظام ورکنگ کلاس تے ایندی نوکرشاہی دی تخلیق وستے اپݨا تعلیمی نظام ݙتا ۔ ڈگریں ، کورسسز دے انبار لاکے لوکاں دا دماغ کڈھݨ ول انھاں دے دماغ وچ خبط عظمت پا ݙیوݨ جو اساں تے سبھ کجھ جاݨ ڳئے ہئیں. مکمل شعور رکھدے ہئیں ساکوں کہیں دے پچھوں کھڑنڑ دی لوڑھ نئیں

اے سچ اے کمیونٹی کوں راہ تے ہٹاوڻ وݙا اوکھا اے پر individual یا کلھے بندے کوں ہٹاوݨ وݙا سوکھ اے۔

اج جتھاں کجھ سیاسی مزاحمت بچی ودی اے مثلا سندھ ، بلوچستان تے سابقہ فاٹا اتھاں لوک جڑے کھڑن ۔ وݙے شہریں اے فینامینا کینی ۔ خصوصا پنجاب وچ تاں بلکل کینی۔ تریجھی دنیا وچ ماڈرن ٹیکنالوجی بھرپور پنجے نئیں لاتے ایندا ہک فیدہ ایہو وی تھئے جو ہالی انفرادیت یا کلھیپ زیادہ نئیں پھیلیا۔

پر ہولے ہولے اے کم ودھدا ویندے۔ سیاسی جماعتاں پچھوہیاں تھیندیاں ویندین ۔ غیرسیاسی دی فضول اصطلاح استعمال کرکے لوکاں کو ذہنی غلام کیتا ویندے۔ مطلب جیویں چلدا پئے چلے پیا۔ تساں مشہوری کیتے نظام تے عمومی تنقید کر چھوڑو مشکلات دے حل وستے نا کوئی راہ ہووے نا جھا

تل وطنیت یا nativism دی گالھ اپݨے بیلے جنگل وݨ پکھی تہذیب ما بولی بچاوݨ دی گالھ کتھا کروں ؟ ایہو ویہلا اے تکڑے تھیووں اپݨے سیاسی اگواݨ نال کھڑوں ۔ ناتے انفرادیت وچ پھس کے سرمایہ داری اپݨے مطلب دے نتائج برآمد کریسی رہندی. لوک غیر سیاسی ہووݨ دا نعرہ لا کے گھر بیٹھے رہسن ۔ ناسٹلجیا وچ روندے رہسن ۔

بھٹو کیا ہا ۔ ؟ بھٹو تل وطنی ہئی ۔ سیاسی پارٹیاں ، الیکشن ، جمہوریت ، آئین اے سبھ تاں اج دی صدی دے چونچلے ہن ۔ جے اے قصہ کوئی ست اٹھ سو سال پہلوں ہوندا تے بھٹو اج سندھ وادی وچ مقام رکھدا۔ ݙساوݨ دی لوڑھ کینی۔

تل وطنی تاں اپݨے ہیرو دے سر تے سو وطن وی قربان کرݨ کوں تیار ہن ۔ پر ساݙا ہیرو وی او ہے جیہرا آہدا رہیا میں اپݨا ہک ہک ٻال مرتضی ، شاہنواز ، بے نظیر ایں دھرتی تے وار چھوڑیساں۔

اساں تل وطنی مزاحمت آلے لوک ہئیں ۔ اساں سمجھدے ہئیں ایں گلوبلایزیشن دی یلغار وچوں جے کجھ بچا سگدے ہئیں تاں اپݨی تاریخ چاکے اپݨے سچ نا کھڑ کے بچا سگدے ہئیں ۔ تے سچ پاکستان پیپلز پارٹی اے۔