سرائیکی صوبہ، ترائے جماعتاں اتیں قوم پرست (رائٹ ونگ)||مشتاق گاڈی

پی پی۔۔

1974 ءِچ کوٹہ سسٹم Introduce کرا کیں پنجاب ءِچ سرائیکی وسیب دا تعلیم اتیں نوکریاں ءِچ انج کوٹہ رکھیا گیا۔ بھٹو دے اینھ دور وچ پہلی دفعہ سرکاری سطح تیں منیا گیاء جو سرائیکی وسیب اُتلے پنجاب کولو بہوں پسماندہ ہے۔ (اے کوٹہ سسٹم پورے پاکستاں واسطے ہی۔ پنجاب ءِچ ݙو زون بڑے۔ ہک زون اڄوکا سرائیکی وسیب ہے)۔

ستر دے ݙہاکے ملتان وچ سرکاری چھترچھایا ءِچ ہک سرائیکی کانفرس تھی۔

گومل، بی زیڈ یو، اسلامیہ یونیورسٹیاں ݙتیاں ڳیاں۔

ہر واری سرائیکی وسیب کوں اہم کولو اہم عہدے ݙتے۔ (وزارت عظمی، خارجہ، وزیر آعلی شپ اتیں گورنرشپ وغیرہ وغیرہ)۔

پی پی سرائیکی صوبے دی ڈیمانڈ کوں پارلیمانی اتیں وفاقی سیاست دے ڈسکورس دا حصہ ٻنڑایا۔ڄیندی وجہ کولو مینسٹریم پارٹیاں تیں پریشر ٻنڑیا تیں انہاں کہیں ناں کہیں صورت وچ سرائیکی صوبے دی حمائیت کیتی۔

پنجاب وچ نویں صوبے دے قیام تیں پارلیمانی کمشن بنڑیا۔ جیندی رپورٹ سرائیکی صوبے دا ہک مُنڈھ بدھیا۔ اینھ رپورٹ ءِچ بُہوں تفصیل نال ݙسیا گیا جو سرائیکی علاقے دے کیݙا وݙا استحصال کیتا ویندا پائے۔

قومی اسمبلی وچوسرائیکی صوبے دی قرار دا پاس کرائ (قرارداد سادہ اکثریت نال پاس تھی سگدی اے)

سینٹ وچوں سرائیکی صوبہ دا آئینی ترمیمی بل پاس کرایا جبکہ قومی اسمبلی وچ اکثریت نا ہوونڑ پاروں پاس نہ کرا سگی (بل پاس کراونڑ واسطے ڈو ترہای اکثریت دی لوڑھ ہوندی اے)۔

وفاقی بجٹ وچوں سرائیکی وسیب تیں ریکارڈ خرچ کیتے۔

بی زیڈ یو یونیورسٹی ءِچ سرائیکی ڈیپارٹمنٹ ڈتا۔

ہیڈ محمد اتیں چاچٹراں شریف آلا بے نظیر پل ݙتے۔

سرائیکی قوم پرست: پی پی سرائیکی کارڈ کھیڈدی اے۔ بلاول جنوبی پنجاب آہدے۔ 23 ضلعیں مُتوں سرائیکی صوبہ قبول کینی۔ پتلے ساڑو۔ مشرف کوں اجرک پیسن۔

نون لیگ۔۔۔

سرائیکی صوبے دی دشمن جماعت ہے۔ اییندے تیں بی کوئی رائے وی کینی۔

پی ٹی آی۔۔۔۔

پی ٹی آی دے مجوزہ سرائیکی صوبے وچ صرف ترائے ڈویژن شامل ہن۔ بھکر میانوالی وی شامل کینی۔

سو ݙینہہ وچ سرائیکی صوبے دا ݙٹ پیل کیں مپ مار گئی۔

سیکٹریٹ دا علان کیتا۔ لُولا لنگڑا متنازع سیکٹریٹ ݙے کیں بند کرݨ دا نوٹیفیکیشن کھݙ چھوڑیا۔

عوام دے پاسوں تنقید اتیں ترین فیکٹر دی وجہ کولو مکر گئین جو اے نوٹیفیکشن ہک کلرک دی غلطی ہی۔ ملتاں بہاولپور وچ انج انج سیکڑیٹ بنڑسی۔ مطلب اے مستقبل وچ یدھ دار خلافے تیں مچسی۔

پی ٹی دی حکومت آونڑ دے بعد پی پی پارلیمان دے اندر اور باہر حکومت کوں ہک تجویز ݙتی جو ساݙے دور وچ پاس تھئے ہووے بل تیں اپڑاں ناں پاوو تیں پارلیمان وچ گھن آو، اساں صوبے دے حق ءِچ ووٹ ݙیسوں۔ پر پی ٹی آی دے پاسو کوئ جواب نہی آیا۔

سرائیکی قوم پرست: پی ٹی آی بارے چپ ہن۔ن لیگ بارے مپ ماری پائن۔ پی پی گندی اے۔ پی پی ہمیش سرائیکیاں کوں استعمال کیتے۔

اصل ڳالھ اے ہے جو سرائیکی قوم پرستیں دی اکثریت رائٹ ونگ نال تعلق رکھدی اے۔ او پی پی دے ازلی دشمن ہن تہاں توں پی پی کوں صرف مندے کھݙہدن ُپتلے سڑیدن۔ اڄ الیکشن کوں ݙو سال باقی ہن پر انہاں دا ٹارگٹ پی پی ہے۔ ڄݙاں جو رائٹ ونگ دی پاڑٹیاں پیٹی بھرا ہن، اُنہاں بارے مپ مار کیں رہسن۔ ولا کہیں دریشک کوں ووٹ ݙیسن اتیں کوئ وینس گیلانی دے خلاف کھڑا کریسن۔۔۔۔۔۔