ملازمت چھوڑنے پر ناراض باس کا انوکھا انتقام

ملازمت چھوڑنے پر ناراض باس کا انوکھا انتقام

جارجیا کے ایک شخص کو اس وقت جھٹکا لگا جب اس کے سابق منیجر نے آخری تنخواہ90 ہزار سکوں کی صورت میں بھجوائی وہ بھی تیل اور گریس میں لتھڑی ہوئی۔

اندریس فلیٹن نامی شخص نے ملازمت چھوڑنے سے قبل 15 دن کا نوٹس دیا تھا اور کمپنی کی طرف اس کے915 ڈالر تھے۔

فلیٹن کا کہنا ہے کہ اسے اپنی آخری تنخواہ حاصل کرنے کیلئے بہت مشکلات کا سامنا پڑا اور جارجیا میں مزدوروں کیلئے بنائے گئے محکمے سے بھی رابطہ کرنا پڑا۔

گندے سکوں کی صورت میں ملنے والی تنخواہ کے ساتھ ایک لفافہ بھی دیا گیا جس پر انتہائی نامناسب الفاظ درج تھے۔ ان سکوں کو استعمال کرنے کیلئے صاف کرنا پڑے گا۔

اندریس کا کہنا ہے کہ یہ نامناسب رویہ ہے اور اب میں ہر رات بیٹھ کر سکوں سے تیل اور گریس صاف کرتا ہوں تاکہ خرچ کر سکوں۔

اس نے مقامی ٹی وی کو دیئے گئے انٹرویو میں کہا مجھے ان سکوں کو خرچ کرنے کیلئے بھی محنت کرنی پڑے گی جو میں نے محنت سے کمائے تھے۔

About The Author

نمائندہ

See author's posts