پرنسپل دانش سکول فاضل پور کا شرمناک عمل۔۔۔رؤف لُنڈ

رؤف لُنڈ

۔۔۔۔۔۔۔۔۔۔۔۔۔۔۔۔۔۔۔

ظلم کی کوئی سرحد نہیں ہوتی ، جبر کا کوئی ایک علاقہ نہیں ہوتا ۔۔۔۔۔۔ ظلم ہو کہ جبر سب طبقاتی نظام کی جُڑواں اولادیں ہیں ۔۔۔۔۔۔۔ اسی اولاد کی خباثت کے زور پر مظلوم و مجبور ہر کہیں کچل دئیے جاتے ہیں ۔۔۔۔۔۔۔

شرمناک ، شرمناک ! پرنسپل دانش سکول فاضل پور کا شرمناک عمل ۔۔۔۔۔۔۔ ایک چور نالے چتر ۔۔۔۔۔ خود ملزم خود مدعی ۔۔۔۔۔۔ ڈپٹی کمشنر ڈسٹرکٹ راجن پور کی حقائق سے چشم پوشی ۔۔۔۔۔۔ معروف نوجوان انقلابی ، سیاسی کارکن اور دانشور قسور بزدار کی گمشدگی ، نا معلوم مقام پر منتقلی اور اس کے ساتھیوں خضرخلیل بھٹی و دیگران کے خلاف جھوٹی ایف آئی آر کے اخراج اور پرنسپل دانش سکول فاضل پور کے خلاف کاروائی کرنے کیلئے ڈویزنل ، صوبائی ، ملکی انتظامیہ اور اعلیٰ عدالتوں کے ججز سے ازخود نوٹس لینے کا مطالبہ ۔۔۔۔۔۔۔۔۔۔۔۔۔۔۔۔۔۔۔۔۔۔۔

ذرا ایف آئی آر پڑھیں ۔ کسی ساتھ بیٹھے سادہ لوح اور ان پڑھ شہری کو ایف آئی آر کی کہانی پڑھ کر سنائیں ۔ مدعی پرنسپل جو یقیناً پاگل پن کی حد تک پڑھا لکھا ہونے کے زعم کی بیماری میں مبتلا بھی ہوگا۔۔۔۔۔اس کی کہانی جھوٹ کے پلندے کے سوا کچھ نہیں۔ وہ پرنسپل کہتا ھے میرے بچے سکول کے اندر تھے۔

سکول جو کسی قلعے سے کم نہیں۔ جسکی سیکورٹی پر مسلح ملازمین کی ڈیوٹی ہوتی ھے۔ جس سکول کے کلاس رومز مین سیکورٹی گیٹ حدِ نگاہ سے بھی کہیں دور فاصلے پر ہیں۔۔۔۔

وہاں سے بچے باہر کے موجود دوچار لوگوں کا شور سن کر آ جاتے ہیں۔ ان سے پہلے پرنسپل آ جاتا ھے ۔۔۔۔ یہ سب مل کے سنتے ہیں کہ باہر کے لوگ پرنسپل کو دھمکیاں دے رہے ہیں وہ بھی صرف اس بات پر کہ فلاں بچے سے بہتر سلوک نہیں ہوا۔۔۔۔ بچے کتنے سادہ ہیں اور سکول کی سیکورٹی کتنا مضبوط ھے کہ بچے سکول کی فلک بوس دیواروں اور مسلح سیکورٹی گارڈز کے ہوتے ہوئے اپنے محبوب پرنسپل کی آنکھوں کے سامنے پرنسپل کو دھمکیاں دینے والے دشمنوں کے ساتھ کثیر تعداد میں مین بین الصوبائی روڈ پر جمع ہو کر اس قدر شدید احتجاج کرنے لگ جاتے ہیں کہ روڈ کئی گھنٹے بلاک ہو جاتی ھے۔۔۔۔۔

اس ساری داستان میں قصور وار ؟ قسور بزدار، خضر خلیل بھٹی اور ان کے ساتھی۔۔۔۔۔۔۔ واہ رے واہ ۔۔۔۔۔۔ مقامی پولیس ملازم سب لکھتے گئے کیونکہ یہ ہوئے بیچارے رٹے رٹائے دفعات لکھنے اور سنانے والے طوطے۔۔۔۔۔۔۔

ورنہ ایف آئی آر کی کہانی کا ایک ایک لفظ چلا چلا کے کہہ رہا ھے کہ دانش سکول کے معصوم بچے خود غیر دانشمند پرنسپل کےسلوک اور پالیسیوں سے تنگ و نالاں ہیں۔۔۔۔۔۔۔

اربابِ اقتدار ! ھم عام لوگوں کے پاس کہنے کو بہت کچھ ھے اور کرنے کو بھی بہت کچھ ۔۔۔۔۔ اپنے کرتوتوں کو اس حد میں رہنے دو جو تمہیں زیبا ہو ۔۔۔۔۔ اگرچہ تمہارے نامہ اعمال پر نہ کچھ بہتر جچتا ھے نہ سجتا ھے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اس وقت ھمارا وھی مطالبہ جو پہلے کر چکے ایف آئی آر کا اخراج۔ قسور بزدار وغیرہ کی رہائی۔۔۔۔ اضافی بات یہ کہ جس ملزم مدعی پرنسپل کے خلاف دلوں میں نفرت رکھتے بچوں نے بے قابو ہو کے احتجاج کیا۔ اسے فوراً بچوں کی نظروں سے اوجھل کرو تاکہ بچے نفسیاتی مریض ہونے سے بچ جائیں۔۔۔۔۔۔ اور جو بے گناہ تمہاری حراست میں ہیں انہیں عدالت میں پیش کریں۔۔۔۔ کہ دودھ کا دودھ اور پانی کا پانی ہو سکے ۔۔

یہ بھی پڑھیے:

 مبارک باد اور سرخ سلام۔۔۔رؤف لُنڈ

اک ذرا صبر کہ جبر کے دن تھوڑے ہیں۔۔۔رؤف لُنڈ

 کامریڈ نتھومل کی جدائی ، وداع کا سفر اور سرخ سویرے کا عزم۔۔۔رؤف لُنڈ

زندگی کا سفر سر بلندی سے طے کر جانے والے کامریڈ کھبڑ خان سیلرو کو سُرخ سلام۔۔۔رؤف لُنڈ

About The Author

ویب ڈیسک

See author's posts