چیف جسٹس گلزار احمد کی سربراہی میں پانچ رکنی بینچ نے دائر صدارتی ریفرنس کی سماعت کی۔ عدالتی استفسار پر اٹارنی جنرل خالد جاوید خان نے دلائل دئیے کہ ریفرنس میں سینیٹ الیکشن خفیہ رائے شماری سے نہ کرانے کا قانونی سوال اٹھایا گیا ہے ۔عام انتخابات الیکشن ایکٹ 2017 کے تحت ہوئے آئین کے نہیں۔
چیف جسٹس نے ریمارکس دئیے کہ چاروں صوبائی حکومتوں اور الیکشن کمیشن کو نوٹس جاری کر رہے ہیں اور ان کے جواب کا جائزہ لیں گے۔
جسٹس اعجاز الاحسن نے ریمارکس دئیے کہ آپ چاہتے ہیں عدالت آئین اور قانون کے تحت ہونے والے انتخابات میں فرق واضح کرے۔آئین میں سینیٹ اور اسمبلی انتخابات کا ذکر ہےلیکن مقامی حکومتوں کے انتخابات کا نہیں۔سینیٹ انتخابات کیسے ہونے ہیں یہ بات الیکشن ایکٹ میں درج ہوگی اور الیکشن ایکٹ بھی آئین کے تحت ہی بنا ہوگا۔ کیا کوئی قانون آئین سے بالاتر ہو سکتا ہے؟
جسٹس اعجاز الاحسن نے کہا کہ سینیٹ کا الیکشن اوپن بیلٹ سے کرانے کیلئے سیاسی اتفاق رائے کیوں پیدا نہیں کیا جاتا؟ کیا کسی مرحلے پر قومی اسمبلی کا الیکشن بھی اوپن بیلٹ کے ذریعے کرایا جاسکتا ہے۔
اٹارنی جنرل نے کہا کہ یہ کوئی سیاسی معاملہ نہیں ، عدالت سے آئینی اور قانونی رائے مانگی گئی ہے۔جسٹس جسٹس یحیحٰی آفریدی نے ریمارکس دئیے کہ چارٹر آف ڈیموکریسی میں سیاسی جماعتوں کا اسی نکتے پر اتفاق رائے ہوا تھا۔
صدارتی ریفرنس کی مزید سماعت 11 جنوری کو ہوگی۔
جسٹس قاضی فائز کیس: نظر ثانی اپیل میں سرینا عیسٰی کے اضافی دلائل کیا ہیں؟۔۔۔اسد علی طور
نظر ثانی اپیل میں جسٹس قاضی فائز عیسی کے اہم انکشافات۔۔اسد علی طور
About The Author
اے وی پڑھو
سیت پور کا دیوان اور کرکشیترا کا آشرم||ڈاکٹر سید عظیم شاہ بخاری
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ