مشتاق گاڈی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ جات: بلوچ یا سرائیکی دا سوال
[ ہک دوست اللہ بشک بزدار دا کتابچہ "ڈیرہ غازی خان۔ بلوچستان: بلوچ یا سرائیکی” دا مُکھ پناں "شئیر کیتے۔ اوں کتابچے اُتیں ہک جنرل کمنٹ کیتے۔ ٹو۔دی۔ پوائنٹ کمنٹ کیتے کتابچہ چاہیدے ]
” اے جتھاں "یا” دا سوال آ ویندے، اتھائیں کنیں اتہاس” کمپرومائز” تھی ویندے (اتہاس مطلب اِتھ۔ ہَس)۔ اتہاس کڈاھیں ہک رنگ، ہک روپ تے ہک دھارے وچ نئیں ہوندا۔ ایندے وچ بہوں کُجھ دی رَلت ہوندی ہے۔ کیمسٹری وانگ ایندی خاصیت ہے جو اے کرپٹ ہوندے تے وکھرپ اوندا نتیجہ ہوندے۔
نیشلسٹ ہاسٹاریوگرافی دی مجبوری ہوندی ہے جو اوں اَتہاس کوں ہک خالص تے من بھاونڑی تعبیر ڈیونڑی ہوندی ہے۔ ایں کیتے نیشلسٹ ہسٹاریوگرافی ہمیش "ادھے سچ” نال اُسری ہوندی ہے۔ جیویں جو اے ہک جاری "اچکزئی ۔ پنجابی” جھیڑے وچ نظردا پئے۔ اچکزئی دی اے گالھ سچ ہے جو اے پنجاب ہئی جئیں "برٹش ایمپائر” دا ودھ ساتھ ڈتے۔ پر ہک بیا سچ اے وی ہئی جو احمد شاہ ابدالی بابے لہور تے سکھیں دی کئی واری تاراج وی کیتی ہے تے "احمد شاہے” دا عوامی ناں ملے اونکوں۔ اُتر پردیش وچ "روہیل کھنڈ” دے حوالے اجاں وی کھنڈرے پئین۔
ہک پوسٹ کالوئیل تحریک دی حیثیت وچ سرائیکی بہوں سارے سوالیں وات ہن۔ کُجھ سوال ویلھے طے کر ڈتن، جیویں جو زبان دا ناں، سکرپٹ وغیرہ۔ کُجھ سوال ویلھے نال چلدے پئین۔ ڈیرہ جات وچ بلوچ۔سرائیکی دا سوال بہوں کجھ طے تھی گئے تے کُجھ پروسس وچ ہے۔
ڈیرہ جات دے کُجھ بلوچ دوست چاہندن جو او قومیت دے سوال کوں "نسل” دے پچھوکڑ وچ ڈیکھن۔ ایں نسل دی شناخت کوں او ہک اینجھے اتہاس دے "اُول” وچ ڈیہدن جیڑھا آپ "کرپٹ ہے”۔ جے ڈیرہ جات دا کُجھ حصہ احمد شاہ ابدالی دے تحفہ دے طور کُجھ مُدت کیتے قلات ریاست دا حصہ ریہے تاں اوں کنیں پیلھوں کئی ڈہاکیں اے کلہوڑہ ریاست دا وی حصہ ہئی۔ وت کُجھ مُدت کیتے راجن پور دے مزاری خان آف قلات دے خلاف سندھ دی تالپور ریاست دے اتحادی وی رییہ گئین۔ جیویں نیشلسٹ ہسٹاریوگرافی اتہاس کوں "یونی لینئر” ڈیکھنڑ چاہندی ہے، اویں اے ہوندا نئیں۔
سوال وڈا واضح ہے۔ کیا ڈیرہ جات دے لوکیں دی اکثریت "نسل” جہیں ہک مغالطے کوں اپنڑی قومیتی سُنجانڑ بنڑیندن یا وت بولی دے وڈے گھییر تے علامت کوں قومیتی سُنجانڑ دی بنیاد بنڑیندن؟”۔
اے وی پڑھو:
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر