ارشد لاشاری
۔۔۔۔۔۔۔۔۔۔۔۔۔۔۔۔۔۔۔۔
مشتری ہوشیار،، اے جملہ لوکیں کو اشاک کرݨ سانگے استمعال کیتا ویندے، پر تہاکو پتہ ھے کہ سیارا مشتری دے حقائق سچ وچ لوکیں دے ہوش اݙا ݙیندے،?
جیا!
سیارا مشتری (جوپیٹر )ملکی وے گیلکسی وچ اساݙے سجھ دے وہیڑے (سولر سسٹم)دا پنجواں نمبر سیارا (گولہ)ھے، جیکر سولر سسٹم (نظام شمسی)وچوں سجھ کو کڈھ گھدا ونڄیں تاں پورے سولر سسٹم دے تمام سیاریاں(مرکری، وینس، ارتھ، مارس، سیٹرن، یورنس، تے نیپچون) دے کل حجم تو وی وݙا,, مشتری،، ھے،
ایندا رقبہ (حجم)وچ 1300 دھرتی جیے سیارے آسکدن ایندا ڈائی میٹر ھک لکھ چالھی ہزار کلو میٹر ھے. تے اے زیادہ تر گیسی سیارا ھے ایندی ٹھوس سطح ٻہوں گھٹ یا ولا ناں ھووݨ دے برابر ھے، ایندا زمین(دھرتی) کنے پندھ تقریباً 60 تو 70 کروڑ کلومیٹر ھے، اے سیارا اتنا وݙا ھے جو ایندا ھک طوفان رتا دانگ (سرخ نشان )اتھاں کئی صدیاں تو جاری ھے اور ایں طوفان دے رقبے وچ ہی تقریباً ترے دھرتی جے سیارے آ ویسن جیندی فوٹو ناسا ویب سائٹ تو ڈانلوڈ کر تے لا ݙتی ھے تے نال ہی اپݨے موبائل نال چھکی فوٹو کو تساݙی آسانی سانگے کجھ ایڈیٹ کیتم، (باقی فوٹو موبائل کیمرے نال سویلے چار تو پنج دے دمیان چھکے ڳن )، اے سیارا اجکل رات ترے وڄے تو بعد عین پچھم آلے پاسے سجھ دی ابھرݨ والی جھا تے نظردے، اور تقریباً چھے وڄے تک موجود ھوندے ایندا نظارا کرݨ سانگے. فجر دی نماز والا بہترین وقت ھے
ایندے علاوہ مشتری (جوپیٹر) کجھ سال پہلے تئیں نظام شمسی وچ سب تو زیادہ چندر رکھݨ والا سیارا وی ھا، اے سیارا 70دے قریب چندر رکھیندے،
سیارا مشتری نظام شمسی دے ݙوجھے سیاریاں سانگے ویکیوم کلینر دا کم وی کریندے یعنی اینکوں سولر سسسٹم دا جمعدار وی آکھ سکدے ھیں،
کیونجو، اے اپݨے سائز تے وسع گریئوٹی دی وجہ تو خلا وچ رلدے شہبایاں تے ݙوجھے آوارہ اجسام کو اپݨے کولو چھک گھندے جیندی وجہ تو ݙوجھے سیارے محفوظ راہندن،،،،،
نوٹ!
اے تحریر مختلف سائنس فورم تو معلومات دے زریعے لکھی ڳئی ھے تے لکھاری دا مقصد صرف ماء ٻولی سرائیکی وچ موضوعات دا ودھارا کرݨ ھے، اختلافی یا سوالیہ کمنٹ تے اپݨی معلومات مطابق جواب ݙتا ویسی جو غیر حتمی ھوسی
About The Author
اے وی پڑھو
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر
سرائیکی وسیب کے شہر لیہ میں نایاب آوازوں کا ذخیرہ