متن کا تصور متن سے پہلے پیدا ہوتا ہے۔۔۔مژدم خان

1- متن کی لامتناہیت و امکانیت کا اِس سے بہت گہرا رشتہ ہے ہمارے ہاں کتاب کو اس درجہ مقدس قرار دے دیا گیا اور یہ ان دنوں کا واقعہ ہے جب واحد کتاب لوگوں کے پاس مقددس کتاب ہوتی تھی، اور کتاب کو مقدس بنانے کی بنیادی وجہ بھی وہی قدِمی لاشعوری ممانعت ہے، جو عام طور پر خیال پیش کیا جاتا ہے وہ یہ ہے کہ کتابیں تفہیمی و فہیمی طور پر مشکل ہوتی ہیں یا متنی طور پر یا زبانی سطح پر،

یہ بات اس لئے ناقابلِ فہم ہے کہ اگر یہ سچ ہے تو پھر یہ جھوٹ ہے کہ متن کا تصور متن سے پہلے پیدا ہوتا ہے، منطقی منطقہ یہ ہے کہ کتاب اپنے ساتھ مطالعے کا تقاضا خلقی طور پر لاتی ہے ورنہ متن کا کوئی وجودی تصور نہ ہوتا

2- متن کے امکانات اور سوشل میڈیائی کنڈیشنز متن پڑھنے کی وجوہات متن کے امکانی ہونے سے زیادہ اُس کے چٹ پٹے ہونے پر منحصر ہوتی ہیں یا اُس کے محدود و مختصر ہونے پر، جب کہ متن کو اِس سے کوئی فرق نہیں پڑتا کہ وہ مختصر ہے یا لامحدود ،مگر مختصر ایک کنڈیشن ہے تخلیق کار کے لئے اگر تخلیق پر یہ کنڈیشن لاگو ہو جائے تو اپنی خلاقیت کو بروائے کار تو لاتا رہے گا مگر وہ لامتناہی و لامحدود ہونے کے بجائے محدود ہو گی،

3- محدود متن کی تخلیق کے بنیادی مخرک ریاستی خبری و اشاعتی و اطلاعاتی ادارے ہیں زبان کا عمومی تصور ذہنوں میں لامتناہی ہوتا ہے، ریاستی کنڈیشنز اسے محدود بناتی ہیں، مثلاََ ٹی وی میں آداب کے لئے مختص الفاظ کا بنیادی مقصد محض یہ ہوتا ہے کہ تمام لوگ اسی طرح آداب کو بروئے کار لائیں

اطلاعاتی تقاریر کے پہلے اور آخری حصے ہمیشہ مستحکم و سلسلاتی ہوتے ہیں

اسکی بنیادی وجہ یہ ہے کہ اس منصب کو کلیشے کر دیا جائے تاکہ لوگوں کی ریاست کی سرگرمیوں پر نظر نہ رہے اور وہ کان نہ دھریں بیزاری خلقی ہے متن کے تقاضات کی طرح، دوم یہ متنی صورت میں اخباروں کا حصہ بنتی ہے

اور اس میں زبان کا چناؤ وہ نہیں ہوتا ماسوائے کسی ایک خاص خبر کے جس کے پیسے لئے جاتے ہیں، الغرض متن پڑھانے سے زیادہ متن سنانے کا کام ہوتا ہے

سنانا بھی ایک کنڈیشن ہے جسکی بدولت امکانِ معنی تک نہیں پہنچا جا سکتا