اکبر ملکانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اج فرخو سئیں دی قل خوانی ھئی.تڈے تیں عزیز شاھداپڑیں ڈو بھرانویں حمید خاں.مجید خاں.اپڑیں پتریں شاھدجمیل.محمد ندیم طاہر.محمد سلیمان.اپڑیں تازے موئے فرخو پتر دے یتیم پتر اپڑیں پوترے واصف علی سمیت مکانڑیں بنڑ بے سدھ.گم سم ہک جیندی جاگدی لاش بنڑ کیں جیرھا ہر انونڑ آلے دوست دو ترتر بیٹھا ڈہدا ھا. لوک ھن جیرھے کافی تعداد وچ کویلیں دی قطار الی کار فرخو دی قل خوانی وچ شریک پئے تھیندے ھن.میں آپڑیں ڳوݙیں دی تکلیف دی وجہ نال موے عزیز شاھد دے پچھو کرسی تیں ٻہے کیں ہر انونڑ الے مکانڑیں کوں غور نال ڈہدا بیٹھا ہم.میکوں آنونڑ آلیں ٻندیں وچ لوک نہ پئے نظردے ھن.تقریبن سارے عزیز شاھد دے نال محبت کرنڑ آلے دوست ھن.اتھاں سارے عزیز شاھد. فرخو تیں فرخو دے بھرانویں دا مکانڑیں کٹھ ھا.ایں مکانڑیں کٹھ وچ ہر کوئی ھا.صرف ہک عزیز شاھد کئیناں ھا.عزیز شاھد بےجان بوتا فقط خالی خولی کھوکھے دی شکل وچ ہک انسان بیٹھا ھا.لیکن لگدا نہ ھا بیٹھا ھووے.عزیز شاھد شئیت فرخو دی قبر تیں ڳیا بیٹھا ھا.سارے پتر پیارے ھوندن.مگر فرخو ڈھیر پیارا ھس.اپڑیں کتابیں وچ وی فرخو نال محبت دا اظہار اکثر کریندا رھے ویندا ھا.جتلا فرخو عزیز شاھد دا پتر ھا.اوں کنوں زیادہ فرخو عزیز شاھد دا یار ھا.عزیز شاھد فرخو نال کڈاہیں ایں کر کیں وی الیندا ھا.
کون تھی سگدے سانویں تیڈے.
چندر چمدے پچھانویں تیڈے.
……… …………. ………..
تیڈی سک سرمایہ سینے دا.
تیڈا غم ھ غازہ پلکیں دا.
تیڈا درد شریک ھ شہ رگ دا.
تیڈی یاد یقین حیاتی دا.
تیڈی تات تندیر ھ تاریں دی.
تیڈی جوت جگیر جگاریں دی.
تیڈا زکر زواری زندگی دی.
تیڈا فکر اے فقر فقیریں دا.
اے سلسلہ ھ زنجریں دا.
اے رشتے کیویں ترٹ سگدن.
اے ھ عزیز شاھد نفیس لہجیں دا شاعر.اے ھئی اوندی فرخو نال محبت.جیرھا عزیز شاھد مسکدیں ھوئیں شعر سنڑا کیں مجمعے کوں ساکت کر ڈیندا ھا.اج اوھو عزیز شاھد آپ ساکت تھیا بیٹھا ھا. شاھد یتیم تھیونڑ الے پوترے واصف علی دے سرتیں پیو دی پگ بدھویندیں ھوئیں صرف آپ نئیں رناں پورے مجمعے کوں روائس.میں پہلی واری عزیز شاھد کوں روندا ڈٹھے.اللھ کرے واصف علی.علیزہ رباب تیں اوندی چھوٹی بھینڑ سانگے ڈھیر دیر تک جیندا رہ ونجے.مگر لگدا نئیں اے ڈھیر جیہاڑیں تک جیوے.دعا منگو شالا ایں عمر وچ کوئی یتیم نہ تھیوے.عوام دی پراپرٹی کائینات نال پیار کرنڑ آلے دھرتی واس عزیز شاھد کوں ڈیکھوں فرخو دو ویندے.یا فرخو دے یتیم بالیں کیتے جیندے.میڈی ناقص رائے دے مطابق عزیز شاھد کوں فرخو دے بالیں کیتے جیونڑاں چاہیدا اے.کریم کبریا دی وت آپڑیں ونڑت اے .آنونڑ دی ترتیب تیں سمجھ اندی اے.ونجنڑدی ترتیب اوں صرف اپ تک محدود رکھی اے.ہینکوں لوک اہدن اللہ سئیں.
کون تھی سگدے سانویں تیڈے.
چندر چمدے پچھانویں تیڈے.
آکھنڑ آلا وی جیندا بیٹھے.سنڑنڑ الے وی سارے جیندے بیٹھن.جینکوں أکھیا گئے.
کون تھی سگدے سانویں تیڈے.
چندر چمدے پچھانویں تیڈے.
او سکھیں لدھا فرخو مر ستے.
عزیز شاھد دی تربیت ھئی.فرخو انتہائی نیاز مند ہر ہک نال محبت کرنڑ الا بال ھا.عزیز شاھد دے ہردوست کوں ڳوݙیں تیں ہتھ رکھ کیں وڈے ادب احترام نال کھلدیں ھوئیں ملدا ھا.نرا پھرا.ھو بہو عزیز شاھد ھا.اٹامک وچ نوکری ملنڑ نال وڈا خش ھا.فرخو اوندا ہمزاد ھا.فرخو اوندا یار ھا.فرخو دے بغیر او ادھورا ھا.فرخو اوندا محبوب ھا.عزیز شاھد دی ساری شاعری فرخو تیں ھ.دعا منگو شالا ایہو عزیز شاھد بچ پووے.ڈکھ کوں بھل ونجنڑ انسانی فطرت اے.کجھ ݙکھ غم اینجھے اندوہناک ھوندن.جیرھے انسانی فطرت کوں وی تبدیل کر کیں رکھ ڈیندن.عزیز شاھد دا المیہ وی کجھ ایویں ھ.اللہ خیر کرے.عزیز شاھد وی مویا جیندا ھ پیا.خیش قبیلہ وی سلامت اے.یار دوست وی سارے دے سارے انویں ھن.کئینی تیں صرف فرخو کئینی.عزیز شاھد دے کہیں لیکھے.
فرخو کافی عرصے کنوں کینسر دے موزی مرض وچ مبتلا ھا.جیندا علاج عزیز شاھد دے وس وچ تیں نہ ھا.مگر عزیز شاھد نیں ھوں مثال دے مصداق گھر پھوک تماشہ ݙہدا جُل الا کم کرکیں اِسلام آبادے مہنگے ہسپتالیں وچ علاج کرانونڑ دی مثال قائم کیتی اے.لیکن کہیں صاحب اے حیثیت دوست دے اگو ہتھ اݙنڑ گوارہ نئیں کیتا.جیرھاکجھ مرشد نیں مہرے الے دی سٹیج تیں اکھیا ھا.
……. ……… …… ……….
سنڑ ائے وخت توں شاھد ہیں
کہیں یار دا دم نئیں ویچا.
اپڑاں سینہ خالی کیتے
کوئی محرم نئیں ویچا.
کہیں دا اُنس خلوص محبت بھیم بھرم نئیں ویچا.
قسم ھ لوح قلم دی
میں کہیں حال قلم نئیں ویچا.
دل دا سودا کیتے
کہیں دا نقش قدم نئیں ویچا
اپڑاں سیت ازمائم
کہیں دی ذلف دا خم نئیں ویچا.
دل جیہاں کعبہ ویچ ڈتے
او شوخ صنعم نئیں ویچا.
اگر ایں فرخو دے ݙکھ وچ میں فرخو دے بھرانویں دا زکر نہ کراں.میڈے خیال وچ او میڈی بہوں وڈی بددیانتی ھوسی.حیاتی الے ھوون کمال بھرا اِن فرخو دے.جنہیں فرخو کوں بچانونڑ دے حیلے ہُو ٹے تیں ݙاݙھے کیتن.پورے بانڑمارین.لیکن اللھ سئیں دے تیں اپڑیں فیصلے ھوندن.کہیں دے پورھیئے داکیا نقصان تھئے .اوندا کیا.اے جیڈے نقصان دا او خود ای ازالہ کرسگدے.عزیز شاھد دا اپڑاں نصیب.دھک اے.لگ گئے.برداشت کر سگے کرے.نہ کر سگے تیں ول بیا کیا کرے.اج فرخو دی فوتگی دی تریجھی ڈیونہار اے.قلخوانی دے ناں نال پرسے دی اج آخری ڈیونہاراے.اج دے بعد عزیز شاھد ھوسی.بیٹھک ھوسی.کلہیپا ھوسی.قیامت ھوسی.یقینن عزیز شاھد دی شاعری ھوسی.بے ترتیب کاغز ھوسن. جیویں بےترتیب ڈكھ ہوندن . فقیر دے ڈکھ اچ سانجھ کرنڑ آلے کجھ سجنڑیں دے ناں.
حاجی غلام شبیر خاں بزدار.عمر خاں بزدار.ملک سلیم بھٹہ ایڈوکیٹ.ایاز عباس خاں کندانی.عماریاسر خاں میرانی سب انسپکٹر.عارف خاں ملغانی.عاشق خاں بزدار.منور خاں بزدار.علاؤالدین خاں بزدار.فریدبخش ڈاھا.واجد خاں بزدار.سجاد خاں ملکانڑیں.احمد نواز سومرو ملتان.سردار حضور بخش خاں گلفاز.عبدالکریم خاں دریشک.علی شاندار خاں گشکوری.سید نعیم الحسن شاہ.ستار خاں پٹھان.غلام اکبر خاں ک ھوسہ.ابوالحسن خاں لغاری.ڈاکٹر احسان چنگوانی .اسلم خاں ملکانڑیں.طارق برمانی.خلیل خاں برمانی ایڈو کیٹ.محمود مہے.ڈاکٹر عباس برمانی.اسلم گورمانی.اصغر گورمانی.افتخار علوی.فرید ساجد لغاری.اللھ نواز خاں گوپانگ.غلام یسین خاں لغاری ایڈو کیٹ.ذوالفقار خاں بزدار.ملک سجاد ماڑھا.حفیظ خاں ملکانڑیں.اسلم کلاچی.اعظم لشاری.منظور ٹھلا.سیف اللھ خاں ملکانڑیں.ریاض فارس چانڈیہ.ملک اصغر ارائیں.میاں عرفان کانگڑ.ڈاکٹر غضنفرعباس کندانی.مولانا عطا محمد خاں جتوئی.عاشق حسین مسکین.سردار بشیر خاں علیانی.سردار اکرم خاں علیانی.محبوب تابش.ریاض عصمت.مصطفے خادم.فاروق محرم.سیف اللہ آصف.ناصر جروار.رشید اُشتر.منور عباس منور.ملک غلام مصطفے موھانہ.فیض کاسی.عشرت لغاری.ڈاکٹر جلال قیصر.اِرشادناصر.محمدآصف.خلیل فریدی.آفتاب نواز مستوئی.مرتظے ناظر.تیمور فراز لغاری.ملک آفتاب احمد.آصف رحیم مجددی.ظفر تھیم.لالہ جاوید تھیم.سعید اطہر.سردار عرفان اللہ خاں کھوسہ.عبدالمنان شاکر قریشی.انعام اللہ بادل.نزیر خاں احمدانی.ظریف خاں احمدانی.ملک عزیز ارائیں.سردار منظور خاں دریشک.سردار عبدالرؤف خاں لنڈ.قصور خاں دریشک.قصور خاں بزدار.رزاق سالک.فیصل نزیر مگی.عنصر نزیر مگی.عابدخاں میرانی.ممتاز جوعیہ.حاجی افضل خاں مزاور.رفیق خاں بدوئی.درمحمد راوی سنجرانی.محمد شفیع خاں سنجرانی جگ مشہور گودا بچل خاں.مشتاق خاں احمدانی.نور محمد خاں رستمانی.ملک محمد بخش سپرا.مختیار بھٹہ کوٹ ادو.قیصر بھٹہ کوٹ ادو.استاد حکیم مہرے آلا.بے وی دریھے دوست ھن.کجھ دوست اینجھے وی ھن جیرھے میڈے جانڑو نہ ہن.ڈھیر دوست ہن جنہیں کوں میں ݙٹھا وی ھ.جیرھے میکوں یاد نئیں پئے اندے انہیں نال اِنتہائی معزرت.جیویں یاد اندے ویسن.ائیذ کریندا رہ ویساں.حالی حال اِجازت.عزیز شاھد اور اُوندے پری وار کیتے دعا کریسو.اللھ توھاݙا بھلا کریسی.اپڑیں ٻچیں نال وسدے رھو.اللھ حافظ
طالب اِے دعا.توھاڈا آپڑاں. اکبر خاں ملکانڑیں.
سرآئیکستان ھاوس.رشید آباد کالونی.حمید اصغر شاہین روڈ.نزد پل ݙاٹ دیرہ غازیخان.
25,9,2020.زماں
About The Author
اے وی پڑھو
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر
موہری سرائیکی تحریک دی کہاݨی…||ڈاکٹر احسن واگھا