تحسین بخاری
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چاچا زرداری میکوں سنجاتی۔
کونا یار سنجاتا تاں کونھم ۔
چاچا زردار ی میں شریف آں شریف ۔
شکلوں تاں نٸیں لگدا۔اچھا کیرھا شریف ایں۔ کریمے آلا جا بھلا ڈیواٸے آلا
نا چاچا زرداری نا ممھدے لہوری آلا شریف آں ۔
اچھا اچھا۔توں بھلا وڈا شریف ایں جا چھوٹا۔
میں چھوٹا شریف آں چاچا
اچھاااااااااااااا۔اوھو جیرھا میڈے ناں اکھیندا ھا جو میں اینکوں لہور دیں سڑکیں تے گھلیساں ۔اوھو شریف ایں نا ؟؟
ھا چاچا ھا ۔تیڈے گھر آیا کھڑاں ۔ھنڑ نک ناں کپ۔
نا شریف پتر نا پریشان نا تھی ۔ نک کپنڑ آلی چھری ڈوجھا سال اے ایہو پٹھانڑ منگ گے اجنڑ تٸیں نسی ڈتی۔نک او ودا کپیندے بدنام میں ودا تھینداں۔
تے شریف پتر اے ستھنڑ کیوں پسی پی۔
واہ چاچاواہ۔ کراچی سارا بوڑی کھڑیں تے ولا پچھدیں جو ستھنڑ کیوہں پسی پی۔
ھی ھی ھی ھی ۔چوکھا کراچی بڈا پے ۔کتھاٸیں ڈس جے گچی کنوں اتے پانڑی ھے تاں۔
بس چاچا ڈو ڈینہ بیا وسنڑ ڈے مینہہ۔ول ایہا گچی وی نا لبھسے۔
واہ وٸے چبل آ ۔لہور کوں سدھاری کھڑیں باقی تیکوں کراچی دی فکر پۓ گی اے ۔
اچھا خیر مزاق چھوڑ ۔تے اے ڈس جواوبا وڈا بھرا کتھ ای۔
چاچا او لکیا ودے پتہ تاں ہی ایہو پٹھانڑ پچھوں لگا پس ۔آکھدے جو توں پیسے کھا گیں ۔ڈیکھ چاچا توں سیانڑا ں بیانڑاں جوان ایں ۔پیسے اوندے پیو دے کونا ھن ۔تیڈا میڈا پیسہ ھا ۔ول جیکر کھادھے نس تاں کم وی تاں کیتس۔او تھٸے ھوے کم ہیں چریے پٹھانڑ کوں نظردے نی ۔ہیں سانگوں ادا بیماری دا بہانہ کر تے لکا ودے۔
تے چھوکری مریم دا سنڑا ٹھیک اے ۔
وٸے چاچا ٹھیک تاں ھے پر کیا پچھدیں ۔ایہا وی ڈاٸنڑ آلی کارمیڈے پچھوں لگ پی اے ۔لیڈر بنڑنڑ دا شونق اس۔میں تاں چاچا وڈا پریشان تھی گیاں۔ دنیاں جہان کوں میں لٹیا ۔ھک ھک کنوں گالھیں مندے کھلے بجے میں کھادھم ۔ادھ کنوں زیادہ مڈی انھاٸیں کوں ڈتم ۔وساے دیاں پنج مینہیں بدھیم تراے انھیں کوں ڈتیم ڈو میں رکھیاں۔گامے آلے چار بکرے تے ماجے آلا دھنی ڈاند سمورے دا سمورا ایہے کھا گے تںٸیں وی میں کوی گالھ نا کیتی ۔آکھیم او جانڑے وت ای بھرا ھے ۔تیکوں جیرھا میں جلسے وچ ودھ گھٹ الانڑاں ھم او وی ساری سکھالت وڈے ادے دی ھٸی ۔تیڈے ناں آکھدا ھا اے کیرھا چنگا جوان اے ۔سارے سندھ کوں لٹ تے کھا گے ۔سالے کوں ہیں قتل کراے ۔زال دا سر آپ کھادی کھڑے ۔پتاٸے تیڈے ناں کیا تے کیا آکھدا ھا۔
ھک ھک کنوں شرمشار میکوں کرواٸس ۔ھنڑ آپ لکا ودے ۔پچھوں بھگیندا میں وداں۔
شریف پتر بھگیندے ودو تاں اپڑیاں کیتیاں ھن وے ۔بھوگو۔
اچھا ھنڑ کیویں اٸیں
بس چاچا میں آکھیے ھک تاں تیکوں ایہو حال حویلا ڈیواں ۔تے بیا اے جو ایہو پٹھانڑ جو پچھوں لگا پے ہیں دا کجھ رل تے سوچوں ھا۔
ڈیکھ شریف پتر ۔تساں ھو ڈاہ نمبر دے ٹھگی ۔آکھدے کجھ او کریندے کجھ او ۔تساں چھڑا ناں دے شریف او ۔باقی کم تساڈا کوٸ چنگا کونھی ۔میں کنوں جو تھیسے آپ کریساں پر ھنڑ تساں تے اعتبار نا کریساں۔
رحیمنڑ تے رسولاشودے سراٸیکی صوبہ منگ منگ تھک گن ۔ ھک انھیں دا حق ماری ودو ولا ناں میڈا گھندو جو ایہو نی بنڑنڑ ڈیندا۔بھلا میکوں کیا تکیلف اے جو میں نی بنڑنڑ ڈیندا ۔میڈے کیتے فجر دا بنڑدا اج بنڑ ونجے ۔
ڈیکھ چاچا تیڈی گالھ ٹھیک اے ۔رسولے ھوریں شدے چھوٹے ھن تے صوبہ منگنڑ پن ھنڑ انھاں دیاں چٹیاں ڈاڑھیاں تھی گن ۔میں ادے کوں آکھدا رہ گیاں جو ادا ایویں نا کر انھیں آپڑیں نال بھلا کیتا ھا ۔ملک بنڑیا تاں انھیں دے نواب آپڑیں فوج آپاں کوں ڈتی ۔سرکاری خزانے اچ ھوں ویلھے ککھ نا ھا سرکاری نوکریں دی سبھو تنخواہ انھیں ڈتی ۔انڈیا کنوں اپڑیں جتنے بھرا لڈ تے اے تاں جاہ انھیں ڈتی ۔کیرھا کیرھا احسان نی کیتا انھاں اساں تے ۔ہتھوں انھاں نال آپاں بھلے دا برا اے کیتے جو انھاں دا صوبہ وی کھسی بیٹھوں ۔رسولے تے رحیمنڑ کوں سندھ آلے آکھدن جو تساں پنجابی او اساڈے مارکہ آکھدن جو تساں سندھی او ۔او تاں شدے اپڑیں پرکھ پچھانڑ ای کھسوا بیٹھن ۔پر چاچا میکوں تیڈے سر دی قسم اے۔ اے سارا قصور ادے دا ہی ۔میکوں سکھاونڑ آلا ایہو ای جو توں رسولے ھوریں کوں کوڑ مار جو صوبہ زرداری نی بنڑنڑ ڈیندا۔پر سمجی ھنڑ رحیمنڑ ھوریں وی ودن ۔
وٸے چریے ایہے چندرایاں چھوڑ ڈیو ۔رسولے ھوریں کوں صوبہ ڈے ڈیو او ھنڑ تٸیں شرافت نال منگدے ودن جے رسولا پھٹ کھڑا تھیووے تاں تساڈی مکھ کڈھ رکھیسے ۔
پر چاچا ھنڑ تاں اساڈے وس کونھی نا۔ھنڑ پٹھانڑ کنیں منگن۔
بھلا چریا تاں نٸیں تھی گیا ۔پٹھانڑ کنیں کیویں منگن ۔جنگھ تاں ھنڑ وی تیڈے وڈکے اڑاٸ پن۔پٹھانڑ دی کیا جورات اے ۔اے ھنڑ جڈاں تیڈے مامے قمرو دی نوکری کوں اگی تے ودھاونڑ دا رولا ھا ۔کیویں منٹ تھے ۔سارے مارکہ لاٸن اچ ھتھ بدھی کھڑے ھن ۔توں جے رسولے ھوریں کوں حق ڈیونڑ چنہدیں تاں آکھ چااپڑیں مامے قمرو کوں۔ میں آکھداں فجر دے سجھ اچ نا بنڑے تاں میکوں بھٹو دا جماترا نا آکھیں ۔
پر چاچا کم تاں رسولے دا میں کرواواں تے ناں تاں تھیسے ہیں چبے منہ آلے پٹھانڑ دا۔
گالھ سنڑ وٸے۔زندگی اچ بندہ کڈاہیں اپڑیں ناں دی لاج ای رکھ گھندے۔ منہہ چنگا نا ھووے تاں بندہ گالھ تاں چنگی کر ے چا۔ھر گالھ اچ سیاست۔ھر گالھ اچ سیاست ۔انھیں کرتوتیں کنوں نا فضلو کوں بھمدو نا سراجے کوں ۔جے شیدے کوں ڈیکھو چا تاں او تساکوں اٹھے ویلھے بد رد الیندے۔۔انھیں عادتیں کنوں کہیں کوں ٹکا نوے بھمدے ۔جیرھا رسولے ھوریں دا حق اے انھاں کوں ڈیو ۔رسولا بال کونھی او سارا کجھ سمجی ودے ۔ھنڑ میڈی گالھ کوں غور نال سنڑ۔ جیرھےویلھے وی پٹھانڑ رسولے کوں اوندا حق ڈیونڑ دی گالھ ٹورٕے تاں توں بھج تے وچ جنگھ نا اڑاویں ۔نتاں بھٹو دی قسم اے کتھاوں دا نا راہسیں ۔
بس چاچا بس ۔میں تیڈی گالھ سمجھ گیاں ۔توں ٹھیک آکھدا پیں۔جے میں ھنڑیں ھنڑیں ونج تٕےرسولے ھوریں کوں نا ملاں تاں توں میکوں ضیا دی پیداوار نا آکھیں ۔
میکوں ھنڑ موکل ڈے ۔
۔باقی میں جیرھے تیکوں ادے وڈے دی سکھالت تے مندے کڈھیے ھم انھاں دی معافی منگداں۔
تے اگی تے دی میڈی پارت ھووی چاچا۔
مینہہ ولا وسنڑ پٸے گے ۔او نا ھووے جو لحظے بعد میڈی ایہا گچی وی نالبھے۔
میں ھنڑ بھجدا پیاں
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر