پاکستان سمیت دنیا بھر سے آج کی خبریں،مختصر مختصر

۔۔۔۔۔۔۔۔۔۔۔۔

کراچی میں طوفانی بارش کے بعد مشکلات ہی مشکلات، شہری پریشان مگر کوئی پرسان حال نہیں، کئی مقامات پر اب بھی بارش کا پانی موجود، مختلف علاقوں میں بجلی غائب، موبائل فونز اور انٹرنیٹ سروسز بھی بحال نہ ہو سکیں، شہر میں بیشتر انڈرپاسز تاحال کھل نہ سکے، کے پی ٹی انڈر پاس اور پنجاب چورنگی انڈرپاس میں کئی فٹ پانی جمع، آئی آئی چندریگر روڈ، اولڈ سٹی ایریا سے بھی پانی نہ نکالا جا سکا، پی ای سی ایچ سوسائٹی، نارتھ ناظم آباد کی گلیاں زیرِآب، پاک فوج نے ڈرگ روڈ انڈرپاس سے نکاسی کا عمل مکمل کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاق، سندھ حکومت کے ساتھ مل کر تین بڑے مسائل حل کرنے جا رہا ہے، وزیراعظم عمران خان کا ٹوئٹر پر پیغام، کہا، کراچی کے نالوں کی صفائی کریں گے، پانی کی نکاسی میں حائل تجاوزات کا خاتمہ، سالڈ ویسٹ اور سیوریج کے مسائل کا مستقل حل نکالنا ترجیح ہے، کراچی کے عوام کا درد پوری قوم محسوس کر رہی ہے، مشکل اور تباہی کے بعد مثبت سمت میں جا رہے ہیں، صدر مملکت عارف علوی نے ٹویٹ میں کہا، کراچی اور سندھ کو تنہا نہیں چھوڑیں گے، وفاقی اور صوبائی حکومت کا تعاون مثبت پیش رفت ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پانی کی نکاسی میں رکاوٹ بننے والی سرکاری اور نجی عمارتیں گرا دیں، وزیراعلیٰ سندھ کا حکم، اجلاس میں کہا، بارش کے پانی کے بہاؤ کو روکنے والے تمام مقامات کی نشاندہی کریں، شہر کو ٹھیک کرنا ہے چاہے کتنے ہی سخت اقدامات کیوں نہ کرنے پڑیں، بورڈ آف ریونیو کو تمام اضلاع کے سروے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی والے ہوشیار، بادل پھر برسنے کو تیار، محکمہ موسمیات نے شہر میں بارشوں کے نئے سلسلے کی پیشگوئی کر دی، کل سے پیر تک موسلا دھار بارشوں کا امکان، حیدرآباد، ٹھٹھہ، بدین، نواب شاہ، دادو، تھرپارکر، میرپور خاص، سکھر اور لاڑکانہ سمیت کئی شہروں میں بادل برسیں گے، محکمہ موسمیات نے کراچی سمیت صوبے کے دیگر شہروں میں ایک بار پھر اربن فلڈنگ کا خدشہ بھی ظاہر کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حضرت امام حسینؓ سمیت شہدائے کربلا کی عظیم قربانی کی یاد میں شہر شہر جلوس، عزاداری کا سلسلہ جاری، لاہور میں پانڈو اسٹریٹ اسلام پورہ سے جلوس برآمد، کراچی میں مرکزی جلوس نشتر پارک سے برآمد ہو کر روایتی راستوں پر رواں دواں، پشاور میں امام بارگاہ حسینیہ صدر سے ذوالجناح کا مرکزی جلوس برآمد ہوا، اسلام آباد، کوئٹہ، گلگت سمیت دیگر شہروں میں بھی مجالس اور جلوس

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نو محرم کے جلوسوں کی سیکیورٹی کیلئے سخت انتظامات، کوئٹہ، اسلام آباد، لاہور اور پشاورسمیت کئی شہروں میں موبائل سروس جزوی طور پر بند، جلوسوں کے روٹ پر پولیس اہل کار تعینات، داخلی راستوں پر واک تھرو گیٹ بھی لگائے گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نواز شریف کی طبیعت بہتر لگ رہی ہے، انہیں واپس آنا چاہیے، وزیر خارجہ شاہ محمود قریشی کہتے ہیں، نواز شریف لندن میں بیٹھ کر سیاست کر رہے ہیں، شہباز شریف نے اپنے حلف نامے کی خلاف ورزی کی، کراچی کے مسائل کی ذمہ دار سندھ حکومت ہے، انتظامیہ نے صرف اپنی تجوریاں بھریں، اپوزیشن ایف اے ٹی ایف بل کی حمایت کرے، آل پارٹیز کانفرنس سے حکومت کو کوئی خطرہ نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اپوزیشن لیڈر شہباز شریف کہتے ہیں، سیلاب اور طوفانی بارشوں سے نقصانات کی اطلاعات پہلے سے موجود تھیں، حیرانی ہے کہ حکومت نے کیا تیاری کی تھی، وفاقی حکومت صوبوں کی مدد کیلئے جامع منصوبہ بندی کرے، سیاسی مفادات سے بالاتر ہوکر متاثرہ عوام کی خدمت کو یقینی بنایا جائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چنیوٹ کے مقام پر دریائے چناب میں اونچے درجے کا سیلاب، ستر سے زائد دیہات ڈوب گئے، سیلابی پانی سے سیکڑوں ایکڑ فصلیں تباہ، کئی دیہات کا شہروں سے زمینی رابطہ منقطع، میانوالی کے مقام پر جناح بیراج اور چشمہ بیراج پر پانی کی آمد میں اضافہ، سیالکوٹ میں نالہ پلکھو میں طغیانی کے باعث مختلف مقامات پر دو پل ٹوٹ گئے، تربیلا اور منگلا ڈیم کے سپل ویز بھی کھول دیے گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بارشوں کے بعد ندی نالے بپھر گئے، دریائے سندھ میں قادر پور کے مقام پر سیلاب، گھوٹکی کے بارہ سے زائد دیہات زیرِ آب، بدین میں بارش کا پانی کئی علاقوں میں داخل ہو گیا، سیکڑوں ایکڑ فصلیں زیر آب آ گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں بارش کے باعث مختلف حادثات میں تین روز میں تینتیس افراد جاں بحق، کورنگی کراسنگ ندی سے خاتون اور مرد کی لاش نکال لی گئی، ناتھا خان نالے کے قریب کرنٹ لگنے سے ایک شخص دم توڑ گیا، زیادہ تر ہلاکتیں کرنٹ لگنے، انڈر پاسز اور ندی نالوں میں ڈوبنے سے ہوئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کے کاروباری حب آئی آئی چندریگر روڈ کو لاوارث چھوڑ دیا گیا، اولڈ سٹی ایریا، کھارادر، میٹھادر اور بابائے قوم کی رہائش گاہ وزیر مینشن تاحال پانی میں ڈوبے ہوئے ہیں، ٹاور پر دو روز گزرنے کے باوجود پانی نہیں نکالا جا سکا، علاقے میں باون گھنٹوں سے بجلی گیس اور انٹرنیٹ سروس بھی معطل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں بارش تو رک گئی لیکن بجلی بحال نہ ہو سکی، سرجانی ٹاؤن، بسم اللہ گوٹھ اور سیکٹر تھری میں چھ روز سے بجلی غائب، نارتھ کراچی، گلشنِ اقبال، گلستانِ جوہر میں بھی بجلی کی آنکھ مچولی، ترجمان کے الیکٹرک کا کہنا ہے، نوے فیصد سے زائد مقامات پر بجلی بحال کر دی، باقی گجہوں سے پانی کی نکاسی تک بجلی کی بحالی ممکن نہیں، گورنر سندھ عمران اسماعیل کا سی ای او کے الیکٹرک مونس علوی کو فون، شہرمیں بجلی کی فوری بحالی کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کراچی جائیں، مسائل کا تعین کریں اور دیکھیں کہ ان کے احکامات پر عمل ہوا ہے یا نہیں، چودھری شجاعت حسین کہتے ہیں، کراچی ہمیشہ سیاسی بیان بازی کی نذر ہو جاتا ہے، گورنر راج بھی رہا میئر اور ایڈمنسٹریڑ بھی تعینات رہے مگر افسوس ایک دوسرے پر الزام تراشی کے سوا کچھ نہیں کیا گیا، یہاں پر اختیارات کا مطلب صرف پیسے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پیٹرولیم مصنوعات کی قیمتوں میں اضافے کی تیاری، اوگرا نے پیٹرول کی قیمت میں فی لیٹر سات روپے تک اضافے کی سمری بھجوا دی، ڈیزل کی قیمت میں آٹھ روپے فی لیٹر اضافے کی تجویز، یکم ستمبر سے قیمتوں میں اضافے کا امکان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبوضہ کشمیر میں بھارتی فوج کی بربریت، چوبیس گھنٹوں میں سات کشمیریوں کو دہشت گردی کا نشانہ بنایا، بھارتی فورسز نے ضلع پلوامہ میں تین کشمیریوں کو شہید کیا، ضلع شوپیاں میں سرچ آپریشن کی آڑ میں چار کشمیریوں کو شہید کیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کشمیریوں کی حالت زار فوری توجہ کی متقاضی ہے، مشیر قومی سلامتی معید یوسف کا برطانوی اخبار میں مضمون، کہا، اقوام متحدہ اور بین الاقوامی تنظیموں نے مقبوضہ کشمیر میں انسانی حقوق کی سنگین پامالیوں کی تصدیق کی، مقبوضہ وادی میں انسانی حقوق کی خلاف ورزیاں معمول بن کر رہ گئی ہیں، کشمیری پرامید ہیں کہ اقوام متحدہ حق خودارادیت کا اپنا وعدہ پورا کرے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں بلدیاتی اداروں کے نمائندوں کی مدت تیس اگست کو ختم ہو گی، وزیر بلدیات سندھ ناصر حسین شاہ کہتے ہیں، سندھ بھر میں ایڈمنسٹریٹرز یکم ستمبر سے تعینات ہوں گے، ایڈمنسٹریٹر پر تمام اسٹیک ہولڈرز کا اتفاق ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بلوچستان کے علاقے نصیر آباد میں سیلاب کی تباہ کاریاں، ربیع کینال میں سیلاب کی وجہ سے پچاس فٹ چوڑا شگاف پڑ گیا، بارکھان کے ندی نالوں میں طغیانی، قریبی آبادی زیر آب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملتان میں عزاداروں کیلئے سبیلیں لگ گئیں، مٹکوں والی پانچ سو سال قدیم سبیل میں ٹھنڈے پانی کا اہتمام

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ضلع میانوالی میں ماڑی شہر کا تاریخی کشتیوں کا قدیمی ماتمی جلوس رواں دواں، جلوس حسینیہ امام بارگاہ ماڑی انڈس سے برآمد،، امام بارگاہ شہزادہ علی اصغر میں اختتام پذیر ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور میں حضرت داتا گنج بخش کے مزار کو غسل دینے کی تقریب، مزار کو عرقِ گلاب اور صندل سے غسل دیا گیا، گورنر پنجاب چودھری سرور، صوبائی وزرا سمیت کثیر تعداد میں عوام کی شرکت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم کا وژن ہے احتساب سب کیلئے برابر ہے، گورنر پنجاب چودھری سرور کہتے ہیں، لوگوں کے پاس روزگار، تعلیم نہیں جس کی جڑ کرپشن ہے، سو فیصد لوگ متفق ہیں کہ کرپشن کینسر بن چکا، ان کے بارے میں سوچنا ہے جن کے پاس وسائل نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گزشتہ چوبیس گھنٹوں کے دوران کورونا وائرس سے ایک شخص جاں بحق، ملک بھر میں ایکٹو کیسز کی تعداد آٹھ ہزار سات سو اڑتالیس رہ گئی، ایک دن میں تین سو انیس افراد کورونا وائرس کا شکار ہوئے، مجموعی کیسز کی تعداد دو لاکھ پچانوے ہزار تین سو بہتر ہوگئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد ہائیکورٹ کا ساڑھے چھ ماہ بعد کچہری کھولنے کا فیصلہ، اسلام آباد کچہری کو کورونا وائرس کے باعث اٹھارہ مارچ کو بند کیا گیا تھا، یکم ستمبر کو کورونا ایس او پیز کے ساتھ کچہری کھلے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بارش نے پیچھا نہ چھوڑا، پاکستان انگلینڈ ٹی ٹوئنٹی میچ بارش کی نذر، میچ انگلش ٹیم کی اننگز کے سولہ اوورز کے ساتھ نامکمل رہا، انگلینڈ نے ایک سو اکتیس رن بنائے چھ کھلاڑی آؤٹ ہوئے، پاکستان کی بیٹنگ ہی نہیں آئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کیچ چھوڑنے کی سزا پانچ لمبے چھکے، انگلینڈ کے اوپنر بینٹن کا آسان کیچ افتخار نے چھوڑا، پانچ رن پر چانس ملنے کے بعد بینٹن نے اکہتر رن بنائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بابر اعظم سمرسیٹ سے انگلش کاونٹی کرکٹ کھیلیں گے، پی سی بی نے ٹی ٹوئنٹی کپ کھیلنے کی اجازت دے دی، دورہِ انگلینڈ کے بعد سمر سیٹ کاونٹی کو جوائن کریں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

متحدہ عرب امارات کے سفیر کی گورنر اور وزیراعلیٰ پنجاب سے ملاقات، دوطرفہ تعلقات اور خطے کی صورتحال پر بات چیت، ہاؤسنگ، صنعت اور کاروباری سیکٹرز میں باہمی تعاون بڑھانے پر اتفاق، وزیراعلیٰ عثمان بزدار نے کہا، پاکستان کی تاریخ میں پہلی بار پنجاب میں تیرہ اسپیشل اکنامک زون بنا رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کوہلو میں لیویز کی کارروائی، تخریب کارروں کے ٹھکانے سے بھاری مقدار میں اسلحہ و گولہ بارود برآمد، ایل ایم جی کارتوس، مارٹر گولے، اینٹی ٹینک بم شامل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاک افغان بارڈر دو روزکیلئے بند، باب دوستی سے ہر قسم کی تجارت اور پیدل آمدورفت معطل، ایف آئی اے کے امیگریشن دفاتر بھی بند

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایم کیو ایم پاکستان کے سابق ڈپٹی کنوینئر اور سابق میئر حیدرآباد آفتاب شیخ انتقال کر گئے، ڈاکٹر خالد مقبول صدیقی نے کہا، آفتاب شیخ کی تنظیمی اور سیاسی خدمات ہمیشہ یاد رکھی جائیں گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

معروف لوک گلوکار شفا اللہ روکھڑی انتقال کر گئے، نماز جنازہ اور تدفین میانوالی میں کی جائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رضوان کے ستارے عروج پر، مشکل کیچ پکڑا، آسان اسٹمپ بھی نہ چھوڑا، دورہ انگلینڈ میں وکٹ کیپر کی مسلسل بہتر کارکردگی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محمد عامر کورونا ایس او پیز پر عمل درآمد بھول گئے، گیند کو تھوک سے چمکاتے رہے، امپائر نے گیند کو سینی ٹائز کیا، محمد عامر وارننگ سے بچ گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا سے آٹھ لاکھ اکتالیس ہزار سے زائد اموات، ایک کروڑ بہتر لاکھ سے زائد افراد مہلک وائرس سے صحت یاب، مجموعی کورونا کیسز دو کروڑ انچاس لاکھ سے بڑھ گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین کے صوبے ووہان میں کورونا کا خاتمہ، یکم ستمبر سے تمام تعلیمی ادارے کھولنے کا فیصلہ، بچوں کو ماسک پہننے کی ضرورت نہیں ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

متحدہ عرب امارات نے باضابطہ طور پر اسرائیل کو تسلیم کر لیا، شیخ خلیفہ بن زاید نے قانونی طور پر اسرائیل بائیکاٹ کو ختم کرنے کا فرمان جاری کر دیا، یو اے ای اسرائیل سے تعلقات قائم کرنے والا پہلا عرب ملک بن گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی ریاست کیلیفورنیا میں فوجی ہیلی کاپٹر گر کر تباہ، حادثے میں دو فوجی ہلاک اور تین زخمی ہو گئے، ہیلی کاپٹر تربیتی مشق پر تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میسی اور رونالڈو فٹ بال کی سب سے بڑی جوڑی؟ رونالڈو کی ٹیم یووینٹس بھی میسی کو خریدنے آگے آ گئی، فٹ بال فینز کو میسی کی ہاں کا بے چینی سے انتظار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ویسٹرن اینڈ سدرن اوپن میں نوواک جوکووچ کی شاندار جیت، سیمی فائنل میں ہسپانوی کھلاڑی کو چار چھ، چھ چار اور سات چھ سے ہرا کر فائنل کی ٹکٹ کٹا لی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اب یادیں اور خیالات بھی پڑھے جا سکتے ہیں، ٹیسلا کے بانی ایلن مسک نے برین چپ متعارف کرا دی، چپ سے انسانی دماغ بھی کسی سپر کمپیوٹر کی طرح کام کر سکیں گے، دماغ حساب کتاب اور سوچنے کے معاملات میں انتہائی تیز رفتاری دکھائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں دو ہزار تیس سے پٹرول اور ڈیزل کاروں پر پابندی عائد ہونے کا امکان، بجلی سے چلنے والی کاروں کا استعمال بڑھا دیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دس سال کی محنت رنگ لے آئی، چینی صوبے ہنیان میں خاتون نے کڑھائی سے دریا کنارے آباد شہر کے مناظر بنائے، بائیس میٹر کپڑا استعمال ہوا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بلیک پینتھر میں ٹائٹل کردار ادا کرنے والے امریکی اداکار چل بسے، چیڈوک بوس مین تینتالیس برس کی عمر میں کینسر کے باعث انتقال کر گئے

About The Author

dailyswail

See author's posts