ڈاکٹر سید محمد عظیم شاہ بُخاری
جنوبی ایشیاء کےچند امیر ترین شہروں میں سے ایک سیالکوٹ،
صوبہ پنجاب کے شمال مشرقی کونے میں واقع ایک گنجان آباد ضلع ہے جس کے مشرق میں ضلع نارووال،
مغرب میں ضلع گجرات اور گوجرانوالہ، جنوب میں ضلع گوجرانوالہ اور ضلع شیخوپورہ جبکہ شمال میں مقبوضہ جموں کشمیر واقع ہے۔
”ورکنگ باؤنڈری” اسے مقبوضہ کشمیر کے ضلع جموں سے الگ کرتی ہے۔
3،016 مربع کلومیٹر پر محیط ضلع سیالکوٹ ”رچنا دوآب” کا ایک اہم اور زرخیزعلاقہ ہے۔
کشمیر ہلزکی آغوش میں آباد اس ضلع کو ایک جانب سے ”نالہ ڈیک” اور دوسری جانب ”دریائے چناب” نے گھیر رکھا ہے۔
ضلع سیالکوٹ کی کُل آبادی 3،893،672
نفوس پر مشتمل ہے اور اس میں 7 ٹاؤنز اور2،348 دیہات شامل ہیں ۔
کشمیرکے ﭘﮩﺎﮌﻭﮞ سے ٹکرا
،
کر وادی کے ﮔﻠﺰﺍﺭﻭﮞ ﺳﮯ ﻣﮩﮑﺘﯽ ہوئی ﮨﻮﺍﺋﯿﮟ ﺑﺎﺩﻟﻮﮞ ﺳﮯ ﺳﺮﺳﺮﺍﺗﯽ ﮨﻮﺋﯽ ﺟﺐ ﺳﯿﺎﻟﮑﻮﭦ پہچتی ہیں تو یہاں کا ہر ایک شجر ﺟﮭﻮﻡ جھوم ﮐﺮ ﻓﻀﺎ ﮐﻮ
نشیلا ﺍﻭﺭ خمار آلود کر دیتا ہے۔ ﯾﮧ ﺭﻭﺣﺎﻧﯽ ﻣﺎﺣﻮﻝ ﺑﮍﮮ ﺑﮍﮮ ﺩﺭﻭﯾﺸﻮﮞ ﺍﻭﺭ ﻋﺎﺭﻓﻮﮞ ﮐﻮ ﺩﮬﯿﺎﻥ ﺳﮯ ﮔﯿﺎﻥ ﮐﯽ ﻣﻨﺰﻝ ﺗﮏ ﻟﮯ جاتا ہے
اور ﺍسی ﻭﺟﮧ ﺳﮯ ﺍﺳﮯ ”ﻣﮩﺎﺗﻤﺎؤﮞ ﮐﯽ ﺳﺮﺯﻣﯿﻦ” ﮐﮯ ﻧﺎﻡ ﺳﮯبھی یاد کیا جاتا ہے۔.
ﺭﺍﺟﮧ ﺳﻞ نے یہ شہر آباد کر کے اسکا نام ”سل کوٹ” رکھا جو بدلتے بدلتے سیالکوٹ بن گیا۔ ﺑﻮﺳﯿﺪﮦ ﮐﮭﻨﮉﺭ،ﺳﻼﻃﯿﻦ ﮐﮯ ﻣﺰﺍﺭﺍﺕ ،ﻣﺴﻤﺎﺭ ﻗﻠﻌﮯ
،
قدیم گلیاں، نوآبادیاتی دور کے چرچ، ﭼﭙﮧ ﭼﭙﮧ ﭘﺮ ﭘﺮﺍﻧﮯ نقش و نگار ﺍﺳﮑﯽ ﮔﺰﺷﺘﮧ ﺑﮍﺍﺋﯽ ﮐﮯ ﺍﻓﺴﺎﻧﮯ ﺩﻭﮨﺮﺍﺗﮯ ﮨﯿﮟ
ﺟﺲ ﻗﺪﺭ پہ ﺩﺭپہ ﺍﻧﻘﻼﺑﺎﺕ ﺍﻭﺭ ﺯﻣﺎﻧﮯ ﮐﯽ ﻧﯿﺮ ﻧﮕﯿﺎﮞ ﺳﯿﺎﻟﮑﻮﭦ ﮐﮯ ﺣﺼﮧ ﻣﯿﮟ ﺁﺋﯽ ﮨﯿﮟ ﺷﺎﯾﺪ ﮨﯽ ﮐﻮﺋﯽ اور ﺷﮩﺮ(ماسوائے ملتان کے) ﺍﻥ ﮐﺎ ﻣﺘﺤﻤﻞ ﮨﻮ ﺳﮑﺎ ﮨﻮ۔
اس علاقے کی تاریخ ہزاروں سالوں پر محیط ہے۔ نہ صرف ہندو اور مسلمان بلکہ سکھوں ، فارسیوں، افغانیوں
،
ترکوں اور مغلوں نے بھی اس علاقے کی طرف ہجرت کی ہے۔ سیالکوٹ کی قدیم و زرخیزتاریخ کو 4 ادوار میں تقسیم کیا جا سکتا ہے۔
پہلا دور قدیم شہر ”ساگالہ” کا ہے۔ آس پاس کے علاقے کی کھدائی سے یہاں قدیم یونانی تہزیب کے آثار ملے ہیں
جن میں یونانی سِکّے اور اسٹوپے شامل ہیں۔ قدیم یونانی کتابوں میں اس شہر کا ذکر ”ساگالہ” کے نام سے ملتا ہے
جو انڈو- یونانی سلطنت کا پایہ تخت تھا۔ ضلع کی مختلف جگہ پہ کھدائیوں سے اس دور کے قدیم یونانی نقشے بھی برآمد ہوئے ہیں۔
اسکے بعد ہندو راجہ سل کا دور آیا جس نے اس شہر کی بنیاد رکھی۔ راجہ سلبان/سالبان نے اسے کشمیر کا حصہ بنا کہ
یہاں ایک مضبوط قلعہ تعمیر کیا اور اسے اس شہر کے نام پہ ”سیالکوٹ قلعہ” کا نام دیا۔ دوسرا دور”مسلم سلطنت”
کا دور ہے جو شہاب الدین محمد غوری کی حکومت کے ساتھ شروع ہوتا ہے۔ غوری لاہور تو فتح نہ کر سکا
لیکن اس نے سیالکوٹ کو اہمیت دیتے ہوئے یہاں ایک گیریژن کی بنیاد رکھی-1520 میں عثمان غنی کی قیادت میں مغل افواج شہر میں داخل ہوئیں۔
اکبر کے دور میں موجودہ ضلع سیالکوٹ،”رچنا بار سرکار” کے نام سے صوبہ لاہور کا حصہ تھا۔ پھرشاہ جہاں کے دور میں علی مردان خان یہاں کا حکمران رہا۔
18 ویں صدی میں مغلیہ سلطنت کے زوال کے بعد سکھ مہاراجہ رنجیت سنگھ نے 40 سال تک اس علاقہ پہ اپنا قبضہ برقرار رکھا۔
18کی جنگ سے سیالکوٹ کی تاریخ کے تیسرے دور(نوآبادیاتی دور) کا آغاز ہوتا ہے جب انگریزوں نے رنجیت سنگھ کو ہرا کہ سیالکوٹ سمیت پورے پنجاب پہ قبضہ کر لیا۔ 1857 کی جنگِ آزادی میں سیالکوٹ میں تعینات رجمنٹ نے بغاوت کر دی
اور مقامی افراد نے بھی انگریز سرکار کے خلاف ہتھیار اُٹھا لیئے۔ بہت سے لوگوں نے سیالکوٹ کے قلعے میں پناہ لی اور اپنی جان بچائی تاہم انگریز سرکار نے اس بغاوت کو کچل دیا۔
سیالکوٹ شہر کی بھرپور ترقی بھی اسی نوآبادیاتی دور میں ہوئی۔ 1889 میں ”مرے کالج” کی بنیاد رکھی گئی۔ 1980 میں وزیرآباد – سیالکوٹ ریلوے ٹریک کو جموں تک توسیع دی گئی جبکی
”سیالکوٹ تا نارووال’ ریلوے لائن 1915 میں کھول دی گئی۔ اسی دور میں سیالکوٹ دھاتی اشیاء کے حوالے سے اُبھر کر آیا۔ سیالکوٹ کی ”سرجیکل صنعت” کی بھی ایک الگ کہانی ہے۔
انگریز دور میں یہاں کے ”مشن اسپتال” کے تمام تر آپریشنوں کے لیئے اوزار شہر میں مرمت کیئے جاتے تھے
اور آہستہ آہستہ ان کو بنانے کا کام بھی شروع کر دیا گیا یہاں تک کہ 1920 تک سیالکوٹ کے آلاتِ جراحی پورے برِصغیر میں استعمال ہونے لگے۔
دوسری جنگِ عظیم کی بدولت یہ صنعت اپنے عروج پر پہنچ گئی جب تاجِ برطانیہ نے اپنی سرجیکل اوزاروں کی ضروریات کو پورا کرنے کے لیئے یہاں
نت نئی تکنیک متعارف کروائی۔ اور جنگِ عظیم دوئم کے بعد، سیالکوٹ امرتسر کے بعد پنجاب کا دوسرا بڑا صنعتی شہرقرار پایا۔ شہر کی بھرپور ترقی کو دیکھتے ہوئے ریاست کشمیر کے لوگ بھی ضلع سیالکوٹ میں آن بسے۔
بڑی تعداد میں بسنے والی عوام کے ٹیکسوں سے شہر کا ڈھانچہ کھڑا کیا گیا یہاں تک کہ سیالکوٹ کا شمار برِصغیر کے ان چند شہروں میں ہونے لگا کہ جسکا اپنا ذاتی بجلی فراہم کرنے کا ادارہ تھا۔
آزادی کی تحریک شروع ہونے کے کافی عرصے بعد بھی سیالکوٹ پر امن رہا جبکہ اسکے قرب و جوار میں لاہور،
امرتسر اور لُدھیانہ فسادات میں جلتے رہے۔تحریک پاکستان میں اس شہر کا ایک اہم کردار تھا۔ پاکستان کا نظریہ پیش کرنے والے ڈاکٹرعلامہ محمد اقبال اسی دھرتی کے سسپوت تھے۔
جبکہ 1994 کا تاریخی ”سیالکوٹ کنونشن” بھی یہاں منعقد ہوا جس میں قائدِ اعظم سمیت مسلم لیگ کے بڑے بڑے رہنماؤں نے شرکت کی
اور آخر کار1947 میں تقسیمِ پاکستان کے وقت اسے پاکستان میں شامل کر دیا گیا۔
سیالکوٹ کا 4 اور آخری دور اسکی موجودہ تاریخ ہے۔
تقسیم کے بعد بہت سے مسلمان مہاجرین یہاں آ بسے ۔ ﺳﯿﺎﻟﮑﻮﭦ ﻣﯿﮟ ﺁﺯﺍﺩﯼ ﮐﮯ ﺑﻌﺪ ﺑﮩﺖ ﮐﻢ ﺻﻨﻌﺘﯿﮟ رہ گئیں
جسے یہاں ہجرت کر کہ آنے والوں نے ایک نئے جوش و جزبے کے ساتھ دوبارہ پروان چڑھایا اور حکومتِ پاکستان نے بھی انکی بھر پور مدد کی۔
1960 کے دوران ضلع بھر میں سڑکوں کا جال بچھایا گیا اور سیالکوٹ کو جی ٹی روڈ سے ملا دیا گیا۔ 1965 کی جنگ میں بھارت نے جموں کی طرف سے سیالکوٹ پر حملہ کر دیا۔ پاک فوج نے کامیابی سے شہر کا دفاع کیا
اور سیالکوٹیوں نے بے جگری سے اپنی فوج کا ساتھ دیا۔ غیور شہری بھارتی ٹینکوں کے سامنے بم باندھ کہ لیٹ گئے اور چونڈہ کے محاذ کو بھارتی ٹینکوں کا قبرستان بنا دیا۔
یہ وہ محاذ ہے جہاں جنگِ عظیم دوئم کے بعد دنیا کی دوسری بڑی ٹینکوں کی لڑائی لڑی گئی۔
اہلِ سیالکوٹ کی بہادری کو سراہتے ہوئے حکومتِ پاکستان نے 1966 میں سیالکوٹ کے باسیوں کو ”ہلالِ استقلال” سے نوازا(اہلیانِ لاہور اور سرگودھا کو بھی یہ اعزاز حاصل ہے) ۔
1971 کی جنگ میں بھی سیالکوٹ کا بھر پور دفاع کیا گیا یہاں تک کہ بھارتی علاقے ”چھمب سیکٹر” پہ پاک فوج کا قبضہ ہو گیا۔
1991 میں ﺿﻠﻊ ﺳﯿﺎﻟﮑﻮﭦ ﮐﯽ ﺍﯾﮏ ﺗﺤﺼﯿﻞ ﻧﺎﺭﻭﻭﺍﻝ ﮐﻮالگ کر کہ ﺿﻠﻊ ﮐﺎ ﺩﺭﺟﮧ ﺩﮮ ﺩیا گیا۔
ضلع سیالکوٹ میں پسرور، سمبڑیال ،ڈسکہ اور سیالکوٹ کی تحصیلیں شامل ہیں۔
3،01مربع کلومیٹر رقبے کے حامل ضلع سیالکوٹ کی
آبادی لگ بھگ اٹھتیس لاکھ ترانوے ہزار چھ سو بہتر( 3،893،672) نفوس پر مشتمل ہے۔ طبعی خدوخال کے لحاظ سے سیالکوٹ کی زمین ہموار اور زرخیز ہے۔
ضلع کے شمال مغرب میں ”بجوات” کا جنگلی حفاظتی علاقہ ہے جو دریائے چناب اور اسکے معاون توی دریا کے درمیان ہےـ
دریائے چناب ضلع سیالکوٹ اور گجرات کی سرحد پہ بہتا ہے۔ جموں کے پہاڑوں میں ایک چھوٹے سے نالےکی شکل میں بہتا یہ دریا سرحد کے
اس پار "چندربھاگ” کے نام سے بھی پکارا جاتا ہے۔ سرحد کے اِس پار اِسے "چناب” کا نام دیا گیا ھے۔چناب کا نام ‘چن’ اور ‘آب’ سے مل کر بنا ہے
جس میں چن کا مطلب چاند اور آب کا مطلب پانی ہے،یہ دریاۓ چندرا اور دریاۓ بھاگا کے بالائی ہمالیہ میں ٹنڈی کے مقام پر ملاپ سے بنتا ہے،
جو بھارت کی ریاست ہماچل پردیش کے ضلع لاہول میں واقع ہے۔
بالائی علاقوں میں اس کو ”چندرابھاگا” کے نام سے بھی پکارا جاتا ہے۔
یہ جموں و کشمیر کے جموں کے علاقہ سے بہتا ہوا بذریعہ کوهِ پیر پنجال ضِلع سیالکوٹ کے میدانوں میں داخل ہوتا ہے۔
مرالا کے مقام پر اِس کے سینے پہ بندھ باندھا گیا ھے جِسے "مرالا ھیڈورکس” کہا جاتا ھے۔
یہاں سے دو بڑی نہریں "مرالا راوی لِنک کینال” اور "اَپر چناب کینال” کے نام سے نِکالی گئ ہیں۔ ۱۹۶۸میں بنایا گیا یہ بند ضلع کا ایک مشھور تفریحی مقام ھے۔
نالہ ڈیک سیالکوٹ کے مغرب میں بہتا ہے۔
یہ ایک برساتی نالہ ہے جو مقبوضہ جموں کشمیر سے سیالکوٹ میں داخل ہوتا ہے جسکے ایک طرف تحصیل پسرورجبکہ دوسری جانب ضلع نارووال کا علاقہ ہے۔
سیالکوٹ کی آب و ہوا گرم مرطوب ہے۔ گرمیوں میں درجہ حرارت 41 ڈگری سینٹی گریڈ جبکہ سردیوں میں کم سے کم
2- ڈگری سینٹی گریڈ تک ریکارڈ کیا گیا ہے۔ سیالکوٹ کا شمار پنجاب کے ان چند اضلاع میں ہوتا ہے جہاں سب سے زیادہ بارش ہوتی ہے۔
سالانہ بارش کی اوسط 980 ملی لیٹر ہے۔ ضلع کا بیشتر رقبہ زرخیز ہے جس پہ چاول،گندم، گنا،
مکئی، جوار،آلو،لہسن اور دالیں کاشت کی جاتی ہیں جبکہ کئی مقامات پہ امرود، جامن اور انار کے باغات بھی دیکھنے کو ملتے ہیں۔
ضلع کا 6،401 ایکڑ رقبہ جنگلات نے گھیر رکھا ہے۔
سیالکوٹ پنجاب کا تیسرا بڑا صنعتی شہر ہے جسکی مشہور صنعتوں میں کھیلوں کا سامان بنانے، آلاتِ جراحی، چمڑے کی مصنوعات، کیمیکل بنانے، کوکنگ آئل اور ویجیٹیبل گھی، ٹائر اور ربڑ کی مصنوعات
،
ادویات بنانے، سٹیل کے برتن بنانے، آٹا پیسنے، دستانے بنانے، موسیقی کے آلات بنانے اور چاول چھڑنے کے کارخانے شامل ہیں۔ پاکستان کے امیر ترین شہروں میں
سے ایک ، سیال کوٹ کی سب سے بڑی صنعت کھیلوں کا سامان بنانے کی صنعت ہے۔ 100 سال سے بھی زیادہ پرانی یہ صنعت شروع میں کرکٹ،
ہاکی اور پولو کا سامان بناتی تھی۔ 1918 میں فٹبال بھی ان میں شامل ہو گئی جوسنگاپور میں مقیم برطانوی فوج کے لیئے بنائی جاتی تھی۔
آج کھیلوں کی دنیا کی تمام مشہور کمپنیاں اس شہر سے پوری دنیا میں سامان برآمد کر رہی ہیں۔ عالمی سطح پر فٹبال کی 60 سے 70 فیصد طلب سیالکوٹ سے پوری کی جاتی ہے۔ سیالکوٹ کی تقریباً تمام مصنوعات برآمد کر دی جاتی ہیں
جس کی وجہ سے یہ شہر پاکستان کی کل برآمدات میں 9 فیصد حصہ رکھتا ہے۔ یہ برآمدات ”سیالکوٹ ڈرائی پورٹ” کے علاوہ لاہور اور کراچی سے بھی بھیجی جاتی ہیں۔ اسکے علاوہ سیالکوٹ
–
لاہور موٹروے بھی تکمیل کے مراحل سے گزر رہی ہے جو اس شہر کی ترقی کو ساتویں آسمان تک لے جائے گی۔
اقبال کے شاہینوں کی محنت اور لگن سے پاکستان کے نقشے پر ایک اور ائیر پورٹ ”سیالکوٹ ائیرپورٹ” کے نام سے ابھر کہ سامنے آیا ہے۔
یہ پاکستان کا واحد ”نجی انٹرنیشنل ائرپورٹ” ہے جہاں سے اندرونی پروازوں کے علاوہ خلیجی ممالک کو بھی پروازیں جاتی ہیں۔
اب ذکر ہو جائے شہرِ اقبال کی تاریخی و سیاحتی جگہوں کا۔
٭ اقبال منزل ؛
اقبال کے دیس کی سب سے بڑی پہچان خود شاعرِ مشرق علامہ محمد اقبال سیالکوٹ کے پرانے حصے میں قائم انکے گھر ”اقبال منزل” کو دور دور سے
لوگ دیکھنے آتے ہیں۔ یہ گھرعلامہ اقبال کی جائے پیدائش ضرور ہے مگر یہ مکان اُن کے بھائی شیخ عطا محمد کے حصہ میں آیا تھا
جبکہ سیالکوٹ ہی میں علامہ اقبال کے والد کا ایک اور مکان تھا جو علامہ کے حصے میں آیا تھا۔
1971میں حکومت نے پاکستان کے قومی شاعر کی جائے پیدائش کو قومی یادگار قرار دے کر یہ مکان شیخ عطا محمد کی اولاد سے خریدا تھا
مگر نو مرلے کے اس تین منزلہ مکان کی حالت بہت بوسیدہ تھی ۔ اب اس عمارت کو حکومتِ پاکستان نے قومی ورثہ قرار دے دیا ہے
اور نئے سرے سے اس کی تزئین و آرائش کروا کر اسکے کچھ حصوں کو سیاحوں کے لیئے کھول دیا ہے۔
٭ شوالہ تیجا سنگھ ٹیمپل ؛
مھاراجا رنجیت سنگھ نے ھندوستان اور خصوصاً سرزمینِ پنجاب پے گہرے اثرات چھوڑے ھیں، پھر چاھے وہ تاریخ ھو،ثقافت ھو،
فنِ تعمیر ھو یا رسم و رِواج۔
رنجیت سنگھ کے دورِ حکومت میں پنجاب کے طول و عرض میں کئی مندِر اور عبادت گاھیں بنائی گئیں۔
سیالکوٹ شھر کا شوالا تیجا سنگھ مندِر بھی اُنھی میں سے ایک ھے جو کہ تیجا سنگھ نامی ہندو نے بنوایا تھا۔ یہ آج بھی سیالکوٹ کی بلند ترین عمارات میں سے ایک ہے-
1857 کی جنگ آزادی جس کو انگریز غدر کا نام دیتے تھے،
میں سیالکوٹ میں ہوئی بغاوت میں انگریزوں نے اس شوالا میں پناہ لی۔ بہت سے انگریز اس دوران مارے گئے،
لاہور سے آنے والی انگریز فوج نے ان کو یہاں سے نکالا۔
شھر کے پرانے حِصے میں اِقبال منزِل سے کچھ آگے جائیں تو ایک راستہ اوپر کی طرف اِس مندِر کی طرف لے جاتا ھے۔
شوالا ہندو دیوتا شیو کے مندر کو کہا جاتا ہے جہاں خاص طور پر شیو کی پوجا کی جاتی ہے-
ساتھ میں شیو کی بیوی پاربتی کی بھی پوجا ہوتی ہے اور شیو کے بیل نندی کی مورتی یا تصویر بھی موجود ہوتی ہے۔
مقامی افراد کے مُطابق 200سال قدیم (اور "تاریخِ سیالکوٹ” کے مُصنف راشِد نیاز مرحوم کے مُطابِق۱۰۰۰سال قدیم) یہ مندِر تقریباً ۱۰۰فٹ کی اُونچائی پر واقع ھے۔
1992 کے بابری مسجِد فسادات کے جواب میں ایک مُشتعِل گروہ نے
اِسے نُقصان پھنچایا تھا. اس دن کے بعد سے مقامی ھِندوؤں نے یھاں عِبادت کرنا بند کر دیا۔
سیالکوٹ کی میونسپل کمیٹی نے یھاں ایک پارک بنا دیا ھے جھاں آس پاس کے گھروں کے بچے کھیلنے آتے ھیں ۔
ھماری قومی بے حِسی کے عین مُطابق تاریخ کے اُس یادگار دور کو ھم نے اِس عِمارت کی طرح فراموش کر دیا تھا
لیکن حکومت وقت نے حال ہی میں اسکی مرمت اور تزئین و آرائش کروا کہ اسے عوام کے لیئے کھول دیا ہے ۔
٭ گھنٹہ گھر سیالکوٹ؛
سیالکوٹ کا گھنٹہ گھر، کینٹ میں صدر بازار کے بیچوں بیچ ایستادہ ہے جسے اقبال سکوائر بھی کہا جاتا ہے۔
اس کا سنگ بنیاد شیخ غلام قادر اور سیٹھ رائے بہادر نے رکھا تھا ایک صدی سے بھی قدیم اس گھنٹہ گھر نے تاریخ کے کئی عروج و زوال دیکھ رکھے ہیں۔
وقت کے ساتھ ساتھ اس کی کئی بار مرمت کی گئی ہے لیکن بنیادی ڈھانچہ وہی ہے۔ پانچ منزلہ اس ٹاور کی اوپری منزل پر بڑی سائز کی گھڑیاں لگی ہیں
جو رومن ہندسوں ،یں وقت بتاتی ہیں۔ برطانوی دور میں برصغیر کے کئی شہروں میں گھنٹہ گھر بنائے گئے تھے جن میں سے سیالکوٹ بھی ایک تھا۔
٭سیالکوٹ کیتھیڈرل ؛
1852 میں بنایا گیا ہولی ٹرینٹی چرث سیالکوٹ، کینٹ میں واقع ایک قدیم اور خوبصورت چرچ ہے جس کی سفید اور لال،
گوتھک طرز تعمیر کی حامل عمارت واقعی ایک شاہکار ہے۔ اسکے خوبصورت مینار کو آپ دور سے ہی دیکھ سکتے ہیں۔
جبکہ اسکی محرابیں اور لمبی کھڑکیاں اس کی دلکشی میں اور اضافہ کرتی ہیں۔ یہاں لگی ایک تختی کے مطابق اسے بنگال انجینیئرز کے ہارٹلے میکسویل نے
ڈیزائن اور تعمیر کیا تھا جنکہ 1 مارچ 1852 میں اس کا سنگ بنیاد رکھا گیا تھا۔ جبکہ 30 جنوری 1857 میں اسے کلکتہ کے بشپ ڈینیئل ولسن کی طرف سے مقدس ترین قرار دے کر مزہبی کاموں کے لیئے وقف کر دیا گیا تھا۔
یہ کینٹ میں واقع دو چرچوں میں سے بڑا اور سیالکوٹ شہر کا مرکزی چرچ ہے جسے برطانوی راج میں انگریز سرکار نے کینٹ میں رہائش پزیر فوجیوں کی
سہولت کے لیئے بنوایا تھا اور اب اس کی دیکھ بھال حکومتِ پاکستان بہت اچھے طریقے سے کر رہی ہے۔
اس کو سالانہ بنیادوں پر رنگ روغن کیا جاتا ہے اور کرسمس کی مرکزی تقریبات بھی یہیں منعقد کی جاتی ہیں۔ یقیناً یہ ہمارے زرخیز تاریخی ورثے کا امین ہے۔
اس کے نزدیک ہی گلابی رنگ کا ایک اور چرچ واقع ہے جو بہت زیادہ مشہور نہیں ہے لیکن اس کی عمارت بھی اپنی مثال آپ ہے۔ یہ سینٹ جیمز کیتھولک چرچ ہے۔
٭ہیڈ مرالہ ؛
دریائے چناب کے پاکستان میں قدم رکھتے ہی جو پہلا بند اس کے سینے پر باندھا گیا ہے، وہ ہیڈ مرالہ ہے۔
اس بیراج کو 1968 میں دریائے چناب کا پانی کنٹرول کرنے کے لیئے بنایا گیا تھا جو اب ایک بہت بڑا تفریحی مقام بن چکا ہے۔ مرالہ ہیڈ ورکس تقریباً 7 میگا واٹ بجلی پیدا کرتا ہے۔
مرالہ راوی لنک کینال اور نہر اپر چناب یہاں سے نکالی گئی مشہور نہریں ہیں۔ ہر ہفتے یہاں کئی لوگ فیملی سمیت پکنک منانے آتے ہیں۔
سیالکوٹ جانے والے شوقین مزاج یہاں مچھلی کھانے لازمی جاتے ہیں۔
٭ قلعہ سیالکوٹ ؛
سیالکوٹ قلعہ پاکستان کے پرانے ترین اور تاریخی قلعوں میں سے ایک ہے۔ یہ قلعہ دوسری صدی میں ہندو بادشاہ راجہ سلوان نے تعمیر کروایا۔
اس قلعہ کو دس ہزار مزدوروں نے دو سال میں تعمیر کیا۔ اس کی تعمیر لکڑی کے پٹھوں ، کنکریوں اور اینٹوں سے کی گئی اور یہ سارا سامان بھارت کے شہر پٹھان کوٹ سے منگوایا گیا۔
ایک سیاح کے لیئے اس شہر میں بہت کچھ ہے۔ سیالکوٹ پنجاب کے ان چند شہروں میں سے ایک ہے جو قدیم و جدید کا ایک حسین امتزاج ہے۔
اس کے علاوہ سیالکوٹ میں جگّن ناتھ ٹیمپل، مرے کالج، پورن بھگت، درگاہ امام الحق، سینٹ جیمس کیتھیڈرل اورسیالکوٹ کینٹ مشہور و معروف جگہیں ہیں۔
اب آتے ہیں اس ضلع کی مشہور اور قد آور شخصیات کی طرف۔ سیالکوٹ نے بڑے بڑے سیاستدان، شاعر،فلسفی، لیڈر،
ناول نگار، قلمکار،اداکار و موسیقار، کھلاڑی،صحافی، مصنف اور بزنس پیدا کیئے ہیں جن پہ بلا شبہ پورے ملک کو فخر ہے۔
ان میں مندرجہ ذیل شخصیات قابلِ ذکر ہیں ـ:
1۔ شاعرِ مشرق، مفکرِ پاکستان اور عظیم فلسفہ دان، ڈاکٹرعلامہ محمد اقبال۔
2۔ مسلم سکالر و مشہور لیڈر، مولانا عبید اللہ سندھی۔
3۔ پاکستان کے پہلے وزیرِ خارجہ، سرظفر اللہ خان۔
4۔ عظیم انقلابی شاعر، فیض احمد فیض۔
5۔ گلزاری لال نندا، بھارتی وزیرِاعظم و سیاستدان۔
6۔ پہلے پاکستانی ائر چیف، ائرمارشل ظفر چوہدری۔
7۔ بھارتی جرنلسٹ، کلدیپ نائر۔
8۔ اردو شاعر اور مصنف، امجد اسلام امجد۔
9۔ متحدہ پنجاب کے رہنما، سر فضل حسین۔
10- مصنف راجندر سنگھ بیدی۔
11۔ پاکستانی فلم انڈسٹری کے چاکلیٹی ہیرو،وحید مراد۔
12۔ مشہور مصنفہ، ڈرامہ نگار اور ناول نگار، عمیرہ احمد۔
13۔ پاکستان کرکٹ ٹیم کے اہم کھلاڑی، شعیب ملک۔
14۔ بھارتی اداکار، راجندر کمار۔
15۔ برِصغیر کے نامور غزل گائیک، محمد علی۔
16۔ صحافی و کالم نگار، حامد میر۔
17۔ بھارتی فلم سٹار، دیو آنند(شکرگڑھ میں پیدا ہوئے جو اس زمانے میں سیالکوٹ کا حصہ تھا)
18۔ پاکستانی کرکٹر ظہیر عباس۔
19۔ صوفی رائٹر، بابا محمد یحیٰ خان۔
20۔ سابقہ قائم مقام صدرِ پاکستان، خواجہ محمد صفدر۔
21۔ چاچا کرکٹ، چوہدری عبدالمجید۔
22۔ سابق اسپیکر قومی اسمبلی، چوہدری امیر حسین۔
23۔ سیاستدان و موجودہ سیکرٹری برائے اطلاعات و نشریات، فردوس عاشق اعوان صاحبہ۔
24۔ سابقہ پاکستانی وزیرِ خارجہ، خواجہ محمد آصف۔
About The Author
اے وی پڑھو
چوکیل بانڈہ: فطرت کے دلفریب رنگوں کی جادونگری||اکمل خان
ڈیرہ کی گمشدہ نیلی کوٹھی !!||رمیض حبیب
سوات میں سیلاب متاثرین کے مسائل کی درست عکاسی ہو رہی ہے؟||اکمل خان