پاکستان سمیت دنیا بھر سے آج کی خبریں،مختصر مختصر

پاکستانی حساس اداروں کی بڑی کامیابی، بھارتی سائبر اٹیک کا سراغ لگا لیا، بھارتی خفیہ اداروں کا سرکاری اور دفاعی حکام کے موبائل اور تکنیکی آلات ہیک کرنے کا منصوبہ ناکام، آئی ایس پی آر کے مطابق، بھارتی خفیہ اداروں کی جانب سے سائبر کرائم کیے جانے تھے، پاک فوج نے سائبر حملوں کو روکنے کیلئے ضروری حفاظتی انتظامات بڑھا دئیے، دشمن انٹیلی جنس ایجنسیوں کے مختلف اہداف کی تحقیقات، حکومتی اداروں کو سائبر سیکیورٹی کے اقدامات کیلئے ایڈوائزری جاری

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شراب لائسنس کے معاملے پر وزیراعلیٰ پنجاب کی اٹھارہ اگست کو دوبارہ طلبی، قومی احتساب بیورو نے عثمان بزدار سے پونے دو گھنٹے تک تحقیقات کیں، عثمان بزدار نے کہا، علم میں نہیں تھا خلاف قانون اور خلاف ضابطہ لائسنس جاری ہوا، یہ بھی علم نہیں کہ کس نے کتنی رشوت لی، ذرائع کے مطابق وزیراعلیٰ پنجاب نے نیب سوالات کے جواب جمع کرانے کیلئے وقت مانگا، نیب حکام نے بارہ صفحات پر مشتمل نیا سوالنامہ عثمان بزدار کو دے دیا، فیملی کے اثاثوں کی تفصیلات بھی مانگ لیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دامن صاف ہے، نیب جب بلائے گا پیش ہوں گے، وزیراعلیٰ پنجاب عثمان بزدار کہتے ہیں، غلط کام نہ کیا ہے نہ کرنے دیں گے، قانونی تقاضے پورے کرتے ہوئے ذاتی حیثیت سے نیب کے سامنے پیش ہوا، لائسنس کے معاملے پر ابہام دور کرنے کیلئے حقائق نیب کے سامنے رکھے، قوم نے کل قانون شکنی اور آج قانون پسندی کا مظاہرہ دیکھا، پنجاب میں قانونی ضوابط کے مطابق امور حکومت چلا رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کیا کسی بلٹ پروف یا بم پروف گاڑی کی ونڈ اسکرین صرف پتھر لگنے سے ٹوٹ سکتی ہے، مریم نواز نے گاڑی کی ویڈیو ٹوئٹر پر شیئر کر دی، کہا، ان کی نیت بڑی واضح ہے جب کیس نہیں چلا سکتے تو پھر ہراساں کیا جائے، گاڑی کی حالت دیکھ کر اندازہ لگائیں کہ گاڑی پر صرف پتھراؤ کیا گیا یا معاملہ زیادہ سنگین تھا، گاڑی پر پتھر، اینٹیں اور جانے کیا کچھ برسایا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیب دفتر کے باہر ہنگامہ آرائی، گرفتار اٹھاون لیگی کارکنوں کو چودہ روزہ جوڈیشل ریمانڈ پر جیل بھیجنے کا حکم، ملزمان کیخلاف روڈ بلاک کرنے سمیت آٹھ دفعات کے تحت مقدمہ درج

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ حکومت ایک بار پھر گندم مہنگی ہونے کی وجہ قرار، وفاقی وزیر شبلی فراز کہتے ہیں، سندھ حکومت گندم ریلیز نہیں کر رہی، اس لیے قیمتوں میں فرق ہے، مافیاز قانون سے زیادہ طاقتور نہیں ہو سکتے، ایسا میکنزم بنایا جائے کہ ملک میں آٹے کی قیمت یکساں ہو، وزیراعظم نے اشیائے خورونوش کی قیمتوں میں کمی کیلئے ہدایت کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاق کراچی کو بچانے کیلئے مختلف قانونی اور آئینی آپشن سوچ رہا ہے، اٹارنی جنرل خالد جاوید خان نے کہا، کراچی اس وقت ایک یتیم شہر بنا ہوا ہے، پیپلز پارٹی کے سینیٹر فاروق ایچ نائیک نے کہا، حکومت کراچی کے بارے میں سنجیدہ ہے تو پہلے مشترکہ مفادات کونسل کا اجلاس طلب کرے، چاروں صوبوں کو ملانا ہے تو حکومت اور اپوزیشن کو مل کر بیٹھنا ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ حکومت مکمل ناکام ہو چکی، کراچی میں تمام نالے صاف کرنے کی ذمہ داری این ڈی ایم اے کے سپرد، سپریم کورٹ کی تین ماہ میں نالوں سے تجاوزات ختم کرنے کی ہدایت، کراچی میں نالوں پر تجاوزات کے خلاف آپریشن کی رپورٹ پر عدالت کا عدم اطمینان کا اظہار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چیف جسٹس گلزار احمد کا سندھ حکومت اور کراچی کی لوکل گورنمنٹ پر برہمی کا اظہار، کہا، نہ سندھ حکومت کام کر رہی ہے نہ لوکل باڈی، کراچی میں روڈ نہیں، بجلی نہیں، پانی نہیں، ہر جگہ گلیوں محلوں میں گٹر کا پانی موجود ہے، بارش ہونے والی تھی لیکن کوئی انتطام نہیں کیا، جو بجٹ مختص کیا گیا اس میں ایک پیسہ شہر پر نہیں لگایا گیا، یہاں پر مافیا بیٹھے ہیں جن کا مقصد صرف کمائی کرنا ہے، کراچی، سکھر، حیدرآباد، لاڑکانہ، دادو سمیت سندھ کے کسی ضلع میں بھی کوئی کام نہیں ہوا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سی ای او کے الیکٹرک گرفتاری سے بچنے کیلئے عدالت پہنچ گئے، مونس علوی کی سندھ ہائیکورٹ سے سات روز کیلئے حفاظتی ضمانت منظور، مونس علوی کیخلاف کرنٹ لگنے سے نوجوان کی ہلاکت کا مقدمہ درج کیا گیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی اسمبلی سے انسداد دہشتگردی ترمیمی بل دو ہزار بیس کثرت رائے سے منظور، کالعدم تنظیموں سے تعلق رکھنے والوں کو قرضہ یا مالی معاونت فراہم کرنے پر پابندی، منسوخ شدہ اسلحہ رکھنے والے کو نیا لائسنس جاری نہیں کیا جائے گا، دہشت گردی میں ملوث افراد کو پانچ کروڑ روپے تک جرمانہ ہو گا، قانون پر عملدرآمد نہ کرانے والے کو پانچ سے دس سال قید کی سزا ہو گی، دہشت گردی میں ملوث شخص کی سفری دستاویزات اور اکاؤنٹس منجمد کی جا سکیں گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سونے کی قیمت میں بڑی کمی، ایک تولہ باون سو روپے سستا ہو گیا، قیمت ایک لاکھ انیس ہزار چھ سو روپے ہو گئی، تین روز میں سونے کی فی تولہ قیمت میں دس ہزار روپے سے زائد کمی ہوئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نوجوان ہماری سب سے بڑی طاقت اور قومی سرمایہ ہیں، وزیراعظم عمران خان کی کامیاب جوان پروگرام کا دائرہ کار بڑھانے کی منظوری، کہا، نوجوانوں کو حقیقی تبدیلی اور معاشی ترقی میں کردار ادا کرنے کا موقع دیں گے، عثمان ڈار کو روزگار فراہمی کے منصوبے پر تیزی سے کام کرنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دوہزار تیس تک ساٹھ فیصد بجلی ملکی اندرونی ذرائع سے بنے گی، وفاقی وزرا کی پریس کانفرنس، عمر ایوب خان نے کہا، سستی بجلی سے صنعتوں اور گھریلو صارفین کو فائدہ ہو گا، فواد چودھری کہتے ہیں، ہوا سے بجلی پیدا کرنے کے آلات تیار کر رہے ہیں، ندیم بابر بولے، شفاف طریقے سے بولی کا عمل مکمل کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اقتصادی رابطہ کمیٹی کی روز ویلٹ ہوٹل کیلئے مالی امداد کی منظوری، پی آئی اے کے ایک سو پانچ ملین ڈالرز کے واجبات ادا کئے جائیں گے، کورونا کیخلاف پانچ سو چالیس ارب روپے کی سپلیمنٹری گرانٹ منظور

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

توشہ خانہ ریفرنس، سابق صدر آصف زرداری نے ویڈیو لنک کے ذریعے حاضری لگانے کی استدعا کر دی، کہا، بیمار ہوں، عدالت پیش نہیں ہو سکتا، عدالت نے عدم حاضری پر وارنٹ گرفتاری جاری کر رکھے ہیں، احتساب عدالت اسلام آباد میں سترہ اگست کو کیس کی سماعت ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیب نے خواجہ برادران کی ضمانت کیخلاف نظرثانی درخواست دائر کر دی، سپریم کورٹ سے بیس جولائی کا تفصیلی فیصلہ واپس لینے کی استدعا، کہا، سپریم کورٹ کی آبزرویشنز سے ٹرائل کورٹ میں مقدمات متاثر ہوں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور، راولپنڈی، اسلام آباد اور ملتان میں ساڑھے چار ماہ بعد میٹرو بس سروس بحال، میٹرو بس میں کھڑے ہو کر سفر کرنے پر پابندی، مسافر سیٹ پر بیٹھ کر سفر کر سکیں گے، دوران سفر ماسک پہننا لازمی قرار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کل بی آر ٹی پشاور کا افتتاح کریں گے، اکتوبر دو ہزار سترہ میں شروع ہونے والا منصوبہ دو سال دس ماہ میں مکمل ہوا، خیبر پختون خوا حکومت نے چھ ماہ میں منصوبہ مکمل کرنے کا دعویٰ کیا تھا، منصوبے پر لاگت کا تخمینہ انچاس ارب روپے لگایا گیا، جو اسی ارب روپے سے بھی تجاوز کر چکا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایکٹیو کیسز کی تعداد سترہ ہزار سے بھی کم رہ گئی، چوبیس گھنٹوں میں سات سو تیس نئے کیسز رپورٹ ہوئے، وائرس سے متاثر افراد کی مجموعی تعداد دو لاکھ چھیاسی ہزار کے قریب، ایک دن میں مزید سترہ افراد جان کی بازی ہار گئے، اب تک کورونا سے مرنے والوں کی تعداد چھ ہزار ایک سو سے زائد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے نئے کیسز میں پاکستان کا تینتسوواں نمبر، مجموعی کیسز کے لحاظ سے تیرہ ملک پاکستان سے آگے، ایک دن میں اموات کے لحاظ سے پاکستان کا نمبر اٹھائیسوواں، مجموعی اموات کے لحاظ سے پاکستان سے اٹھارہ ملک آگے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خواجہ آصف نے نیب ہنگامہ آرائی پر رانا تنویر کیخلاف مقدمہ درج کرنے پر تحریک استحقاق پیش کر دی، کہا، کل رانا تنویر حسین یہاں بیٹھے تھے ان پر لاہور میں پرچہ درج کر لیا گیا، شاہ محمود قریشی نے کہا، اگر کل رانا تنویر موقع پر نہیں تھے، تو ان کیخلاف مقدمہ درست نہیں، مریم نواز کی پیشی پر ڈرامہ سٹیج کیا گیا، لوگ جاننا چاہتے ہیں گاڑیوں میں پتھر کہاں سے آئے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عثمان بزدار وزیراعلیٰ پنجاب ہیں اور رہیں گے، گورنر پنجاب چودھری سرور کہتے ہیں، نیب آزاد ادارہ ہے، ہمارے ماتحت نہیں، جس نے بھی کرپشن کی ہے اس کا حساب ہونا چاہیے، فیاض چوہان نے کہا، وزیر اعلیٰ پنجاب کی بغیر پروٹوکول نیب پیشی اعلیٰ مثال ہے، عثمان بزدار کی پیشی میں سیاسی مخالفین کیلئے عمدہ سبق ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کے مختلف علاقوں میں بارش، ائیر پورٹ، شاہ فیصل اور ملیر کے اطراف میں بوندا باندی، اسلام آباد، راولپنڈی میں بھی بادل برسے، پنجاب کے کئی علاقوں میں بھی بارش، بالائی پنجاب، خیبر پختون خوا، گلگت بلتستان اور کشمیر میں بھی آج تیز ہواؤں اور گرج چمک کے ساتھ بارش کا امکان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بلوچستان میں طوفانی بارشوں کے بعد امدادی کارروائیاں، کاچھو کے مغربی اور مشرقی علاقوں کے دو سو دیہات کا جوہی سے زمینی رابطہ بحال نہ ہوا، وسطی کاچھو کے سو دیہات کا دادو سے زمینی رابطہ بحال، گورکھ ہل کا رابطہ بھی منقطع، پاک فوج اور بحریہ کا سیلاب سے متاثرہ علاقوں میں ریلیف آپریشن

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک کے امیج اور پی آئی اے کو نقصان پہنچایا گیا، چیف جسٹس اسلام آباد ہائیکورٹ سول ایوی ایشن حکام پر برہم، پی آئی اے اور سول ایوی ایشن اتھارٹی کو جواب جمع کرانے کی آخر مہلت، چیف جسٹس اطہر من اللہ نے ریمارکس میں کہا، قومی ائیر لائن کے وقار کو ایسا نقصان پہنچایا جس کا مداوا بھی نہیں ہو سکتا، اہم پوسٹ پر دو سال سے مستقل ڈی جی کیوں تعینات نہیں کیا گیا، کیا یہ گورننس ہے آپ کی، جو کرنا ہے کریں لیکن قانون کے مطابق چلیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اپنا گروپ بنا رہے ہیں جو مسئلہ کشمیر کی حمایت کرے گا، وفاقی وزیر علی امین گنڈاپور کہتے ہیں، کشمیر کے مؤقف سے پیچھے نہیں ہٹ سکتے، کشمیر کا مسئلہ سلامتی کونسل کی قراردادوں کے مطابق حل کیا جائے، وزیراعظم عمران خان ہر فورم پر کشمیرکا مسئلہ اٹھا رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارتی شہر بنگلور میں متنازع فیس بک پوسٹ کے بعد فسادات پھوٹ پڑے، پولیس کی فائرنگ سے تین افراد جاں بحق، سو سے زائد مظاہرین گرفتار، جان سے جانے والے تینوں افراد مسلمان ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کے علاقے گلشن حدید میں ماں اور تین بچوں کی موت کی تحقیقات، پولیس کو ماں اور بچوں کو زہر دینے کا شبہ، شوہر کا بیان ریکارڈ، شوہر کے فون کا ڈیٹا بھی حاصل کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کی پی آئی بی کالونی میں زیر تعمیر گھر کی دیوار گر گئی، چار بچوں سمیت سات افراد زخمی، دوسری منزل پر بنائی جانے والی دیوار ساتھ والے گھر پر گری

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں شیروں کی فرار ہونے کی خبر غلط تھی، شیر گھر کے اندر ہی پنچرے سے باہر نکل گئے تھے، چیف کنزرویٹر محکمہ جنگلی حیات سندھ جاوید مہر کی ہم نیوز سے گفتگو، کہا، شیروں کے مالکان کو بلا کر ان کا بیان ریکارڈ کر لیا گیا، گوشت کھانے والے جانوروں کو رکھنے کیلئے پرمٹ جاری نہیں کیا جاتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

افغان صوبے ننگرہار میں طالبان کے چیک پوائنٹس پر حملے، چھ پولیس اہل کار ہلاک، پانچ زخمی ہو گئے، جوابی کارروائی میں تین طالبان بھی مارے گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا سات لاکھ چھیالیس ہزار سے زائد جانیں لے گیا، کورونا کو شکست دینے والوں کی تعداد ایک کروڑ چونتیس لاکھ سے زائد، مجموعی کورونا کیسز دو کروڑ پانچ لاکھ سے بڑھ گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دوبارہ کورونا کیسز رپورٹ ہونے پر نیوزی لینڈ کی پارلیمنٹ کو تحلیل کرنے کا فیصلہ مؤخر، وزیراعظم جیسنڈرا آرڈن نے کہا، کچھ دن کیلئے پارلیمنٹ کی تحلیل ملتوی کرنا دانشمندانہ فیصلہ ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اس پرچم کے سائے تلے، ہم ایک ہیں ہم ایک ہیں، اہل وطن جشن آزادی کی تیاریوں میں مصروف، ہر سو سبز ہلالی پرچموں کی بہار، جھنڈیوں، بیجز اور قومی پرچم والی شرٹس کی خریداری، کراچی کے مجسمہ ساز نے قائداعظم کے مجسمے بنا دئیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لبنان میں حکومت کے مستعفی ہونے کے بعد بھی احتجاج، بیروت میں شہریوں کا پارلیمنٹ کی طرف مارچ، پارلیمنٹ کی طرف جانے والے گیٹ کو آگ لگا دی، مظاہرین کا صدر اور پارلیمنٹ کی سیاسی جماعتوں کے استعفے کا مطالبہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈونلڈ ٹرمپ کا امریکی دوا ساز کمپنی سے کورونا ویکسین کا معاہدہ، کمپنی امریکا کیلئے تین کروڑ ویکسینز تیار کرے گی، ٹرمپ کا کہنا ہے، ویکسین کی تیاری کیلئے تین دیگر کمپنیوں کے ساتھ بھی شراکت داری ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈیمو کریٹک صدارتی امیدوار جوبائیڈن نے نائب صدارت کیلئے سینیٹر کاملا ہیرئس کو امیدوار منتخب کر لیا، کاملا ہیرئس پہلی سیاہ فام خاتون ہیں جو منتخب ہونے کی صورت میں یہ ذمہ داری نبھائیں گی، ڈونلڈ ٹرمپ نے پہلے تعریف کی بعد میں تنقید، کہا، کاملا کو نائب صدر چننے پر کچھ مردوں کی توہین ہوئی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سابق کپتان سرفراز احمد کو واٹر بوائے بنانے پر جاوید میانداد ناراض، کہا، سابق کپتان کے طور پر سرفراز کو عزت دینی چاہیے تھی، اگر سینئر کھلاڑی کی ضرورت نہیں تو اس کو واپس بھیج دیں، میانداد نے عمران خان کو چیلنج کرتے ہوئے سیاست میں بھی آنے کا اعلان کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شاہینوں کی اگلے امتحان کی تیاری، پاکستان اور انگلینڈ کے درمیان دوسرا ٹیسٹ کل کھیلا جائے گا، قومی ٹیم نے ساؤتھمپٹن میں بھرپور پریکٹس کی، انگلینڈ کو پاکستان کیخلاف تین ٹیسٹ میچز کی سیریز میں ایک صفر کی برتری حاصل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈوپ ٹیسٹ مثبت آنے پر تین پاکستانی ایتھلیٹس پر چار چار سال کی پابندی عائد، محمد نعیم، محبوب علی اور سمیع اللہ نے ساؤتھ ایشین گیمز میں تمغے جیتے تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جرمنی میں ٹریل بائیکر ایڈرین اپنے ٹریل بائیک پر ٹیکنالوجی میوزیم پہنچ گئے، ایڈرین نے بائیک پر اسٹنٹس کرتے ہوئے میوزیم کی سیر کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے بارے میں غلط معلومات پھیلانے پر فیس بک کا سخت ایکشن، ستر لاکھ سے زائد پوسٹس کو سوشل میڈیا سائٹ سے ہٹا دیا، دو کروڑ بیس لاکھ سے زائد نفرت انگیز پوسٹس کو بھی ہٹایا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین میں کسانوں نے چاولوں کے ہرے بھرے کھیت پر طبی عملے کی تصاویر بنا ڈالیں، کورونا سے لڑنے والے عملے کو خراج تحسین پیش

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یورپا لیگ میں اسپینش فٹ بال کلب سیویا کی سیمی فائنل میں انٹری، کوارٹر فائنل میں سیویا نے وولوز کو صفر کے مقابلے میں ایک گول سے ہرا کر، لیگ کے ساتھ اگلے سیزن سے بھی نکال باہر کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فٹ بال ورلڈ کپ دو ہزار بائیس کیلئے ایشین کوالیفائرز دو ہزار اکیس تک ملتوی، کورونا کے باعث فیفا اور ایشین فٹ بال کنفیڈریشن کا مشترکہ فیصلہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کوسٹاریکا میں پولیس نے پائن ایپل کنٹینر میں چھپائی گئی بارہ سو کلو کوکین پکڑ لی، کوکین نیدرلینڈز اسمگل کی جا رہی تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین کے علاقہ باتو میں طوفانی بگولے سے لوگ خوفزدہ ، خطرناک طوفان سے تینتیس افراد زخمی، متعدد گھروں کو بھی نقصان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی شہری نے معذوری کو شکست دے دی، دونوں پاوں نہ ہوتے ہوئے بھی دنیا کی سب سے خطرناک، چودہ ہزار سات سو فٹ اونچی پہاڑی سر کر کے سب کو حیران کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین کے شہر شنگھائی میں خودکار طریقے سے چلنے والی ٹیکسی سروس متعارف، ٹیکسی میں لیزر سینسر اور کیمرے نصب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آسٹریا کے چڑیا گھر میں شرارتی پانڈے کی بیسوویں سالگرہ کا جشن، پانڈے کو سبزیوں سے بنا خصوصی کیک اور پُرلطف کھانا پیش کیا گیا، شرارتی پانڈے کی دلچسپ حرکتوں سے شہری محظوظ ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستانی فلم ’مور‘ کیلئے اعزاز، ساؤتھ ایشیا فرست بارڑر لیس ڈیجیٹل فیسٹول میں بہترین فیچر فلم کا ایوارڈ جیت لیا، انڈس ویلی انٹر نیشنل فلم میلے میں پاکستانی پروڈیوسرز اور ڈائریکٹرز کی بھی آن لائن شرکت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چھ سال پرانی انٹر سٹیلر کا چین میں راج، دوبارہ ریلیز کے نو دن میں ڈھائی ارب روپے کا بزنس کر لیا

About The Author

ویب ڈیسک

See author's posts