پاکستان سمیت دنیا بھر سے آج کی خبریں،مختصر مختصر

کسی این آر او میں دلچسپی نہیں رکھتے، مالم جبہ، بی آر ٹی، آٹا چوری پر این آر او دئیے گئے، بلاول بھٹو زرداری کہتے ہیں، سلیکٹڈ، کٹھ پتلی وزیراعظم اور وزیر اسٹے آرڈر کے پیچھے چھپ رہے ہیں، کسی کی دھمکیوں سے ڈر کر اپنے حقوق سے دستبردار نہیں ہو سکتے، اپوزیشن کی آواز بند نہیں کی جا سکتی، اسپیکر قومی اسمبلی کیخلاف تحریک عدم اعتماد لانے کا عندیہ، کہا، اے پی سی میں اپوزیشن سے اسد قیصر کیخلاف تحریک پر بات کریں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کسی کو این آر او نہیں دیں گے، وزیراعظم نے پھر واضح کر دیا، پارلیمانی پارٹی اجلاس سے خطاب میں کہا، ملکی مفاد میں ہونے والی قانون سازی کے بدلے این آر او نہیں دے سکتے، اپوزیشن نے شروع سے قانون سازی میں رکاوٹ ڈالنے کی کوشش کی، وہ اپنی سیاست بچانے کیلئے پارلیمنٹ کا فورم استعمال کر رہی ہے، اپوزیشن کی کسی بلیک میلنگ میں نہیں آئیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دوہری شہریت والے شخص کی حب الوطنی پر شک نہیں کیا جا سکتا، اسلام آباد ہائیکورٹ نے وزیراعظم کے معاونین خصوصی کو عہدے سے ہٹانے کی درخواست مسترد کر دی، چیف جسٹس اطہر من اللہ نے فیصلے میں کہا، عدالتی مداخلت وزیراعظم کو ذمہ داریاں نبھانے سے روکنے کے مترادف ہو گی، وزیراعظم تنہا ریاستی نظام نہیں چلا سکتے، معاون خصوصی کا تقرر وزیراعظم کا اختیار، تعداد کی بھی پابندی نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی اسمبلی نے، انسدادِ دہشت گردی ترمیمی بل اور سلامتی کونسل ترمیمی بل منظور کر لیا، سینیٹ سے منظوری کے بعد ،، بل قومی اسمبلی میں دوبارہ پیش کیے گئے، جے یوآئی ف کے ارکان نے بلز کی مخالفت کی، اسپیکر اسد قیصر نے کسی رکن کو بات نہ کرنے دی، کہا، آج نہ اپوزیشن کو وقت دوں گا نہ حکومت کو

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امت مسلمہ نفرتوں کو مٹا دے، مسلمان اپنے آپ کو سیاسی طور پر مضبوط کریں، امام کعبہ کا مسجد نمرہ میں حج کا خطبہ، کہا، نجات کا راستہ صرف اللہ کی رسی کو مضبوطی کے ساتھ تھامنے میں ہے، اللہ غرور اور تکبر کرنے والوں کو پسند نہیں کرتا، جو اللہ سے ڈرتا ہے اللہ اسے دنیا و آخرت کے ڈر سے نجات دلاتا ہے، آج مسلمانوں کو اپنے سیاسی اور معاشی حالات دین کے مطابق ڈھالنے کی ضرورت ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا اگر آزمائش ہے تو اللہ کی رحمت کے دروازے کھلے ہیں، اللہ نے کوئی ایسی بیماری نہیں دی جس کا علاج نہ ہو، امام کعبہ کا خطبہ حج، کہا، وبا پھیل جائے تو انسان کو دوسرے علاقے میں نہیں جانا چاہیئے، دنیا پر مشکلات اللہ کی طرف سے امتحان ہے، عبادات سے ہی مصیبت سے چھٹکارا ملتا ہے، کورونا سے بچنے کیلئے صرف مقامی لوگوں کوحج کی اجازت دی گئی، تمام مسلم ملکوں نے سعودی حکام سے تعاون کیا، جس کے مشکور ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بتائیں کون این آر او مانگ رہا ہے؟ ہم بھگت رہے ہیں اور بھگت چکے ہیں، رہنما پیپلز پارٹی شیری رحمان کہتی ہیں، آصف زرداری کا فون آیا کہ گیارہ سال جیل کاٹ چکا ہوں این آر او نہیں چاہیے، این آر او اور اپنا نیب اپنے پاس رکھیں، رہنما ن لیگ شاہد خاقان عباسی نے کہا، حکومت نیب بل میں ترمیم سے اپنے لوگوں کو این آر او دینا چاہتی تھی، حکومت چیئرمین نیب کو بلیک میل کرنا چاہتی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ذاتی مفادات کو پھلانگ کر پاکستان کے مفاد کو ترجیح دی گئی، وزیر خارجہ شاہ محمود قریشی کا سینیٹ میں اظہارِ خیال، کہا، کوشش ہے پاکستان گرے سے وائٹ لسٹ میں آئے، دو بلز پاس کر کے ہندوستان کے عزائم کو خاک میں ملا دیا، پاکستان کے گرے لسٹ سے نکلنے کا سہرا قوم اور پارلیمنٹ کو جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جے یو آئی ف ایک بار پھر ن لیگ اور پیپلز پارٹی سے ناراض، مولانا عطا الرحمان کا متحدہ اپوزیشن سے علیحدگی کا اعلان، سینیٹ اجلاس میں کہا، بل منظوری پر حکومت کو راستہ دینا اپوزیشن کی بڑی ناکامی ہے، آئندہ سینیٹ میں متحدہ اپوزیشن کا ساتھ نہیں دیں گے، اپوزیشن کی جے یو آئی ف کو منانے کی کوششیں ناکام، مولانا اسعد محمود نے کہا، بلز پاس کرنے کے طریقہ کار پر اعتراض ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد مرغزار چڑیا گھرانتظامیہ کی نااہلی، ببر شیر بھی ہلاک ہو گیا، شیر کو کچھار سے نکالنے کیلئے انتظامیہ نے آگ لگائی، ڈنڈوں سے ڈرانے کی کوشش کی، شیر پہلے زخمی ہوا، بعد میں چل بسا، اس سے پہلے چڑیا گھر کی شیرنی ہلاک ہو چکی ہے، دلخراش مناظر کچھ ناظرین کیلئے مناسب نہیں، لیکن صرف انتظامیہ کی نااہلی واضح کرنے کیلئے دکھائے جا رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ریچھوں کی حفاظت کا انتظام نہ ہونے اور عدم منتقلی پر چیف جسٹس اسلام آباد ہائیکورٹ اطہر من اللہ برہم، ریمارکس میں کہا، بیرون ملک سے چڑیا گھروں کیلئے چالیس زرافے لائے گئے جو سب مر چکے ہیں، ہمارے سر شرم سے جھک جانے چاہییں، اللہ کی مخلوق کو تکلیف دینے کیلئے وزارت موسمیاتی تبدیلی ذمہ دار ہے، عدالت کی وزارت موسمیاتی تبدیلی کو تین اگست تک ریچھوں سے متعلق فیصلہ کرنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چینی کی سرکاری نرخوں پر دستیابی خواب بن گئی، لاہور میں چینی پچانوے روپے فی کلو فروخت ہونے لگی، کوئٹہ میں چینی کی قیمت نے سنچری کر لی، شہر میں چینی سو روپے فی کلو میں بکنے لگی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اوگرا کی پیٹرول مہنگا کرنے کی تیاری، پیٹرولیم مصنوعات کی قیمتوں میں نو روپے تک اضافے کی سفارش کردی، پیٹرول سات روپے فی لیٹر مہنگا کرنے کی تجویز ، ہائی اسپیڈ ڈیزل ساڑھے نو روپے، لائٹ ڈیزل اور مٹی کے تیل کی قیمتوں میں چھ روپے فی لیٹر اضافے کی سفارش

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کعبے کی رونق،، کعبے کا منظر، اللہ اکبر، اللہ ہو اکبر، غلاف کعبہ کی تبدیلی کا روح پرور منظر، باران رحمت برسنے سے حجاج کرام کے چہرے کھل اٹھے، خانہ کعبہ کو غسل دينے کے بعد خالص سونے، چاندی کی تاروں اور خالص ریشم سے تیار کردہ غلاف کعبہ تبدیل کیا گیا، غلاف کی تیاری میں سو کلو گرام سے زائد خالص سونا، چاندی اور چھ سو پچھتر کلو گرام خالص ریشم استعمال کی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حجاج کرام مغرب کی نماز سے پہلے عرفات سے مزدلفہ روانہ ہوں گے، مزدلفہ میں مغرب اور عشا کی نمازیں ایک ساتھ ادا کریں گے، نماز فجر ادا کر کے منی واپس لوٹیں گے، شیطان کو کنکریاں ماری جائیں گی، قربانی ہو گی اور پھر حجاج کرام سر منڈا کر احرام کھول دیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

زمین کا تنازعہ نو جانیں لے گیا، دیر بالا میں نماز جنازہ کے دوران گولیاں چل گئیں، جاں بحق افراد کی تعداد میں اضافے کا خدشہ، دس زخمی افراد اسپتال میں زیرِعلاج

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

راولپنڈی کے علاقہ تھانہ صادق آباد کی حدود میں دو گروہوں کے درمیان فائرنگ، اسلحے کا آزادانہ استعمال، گولیوں کی تڑتڑاہٹ سے علاقہ میدان جنگ بن گیا، متعدد گھروں کی کھڑکیوں کے شیشے ٹوٹ گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

استعفی دینے والے معاونین کے خلاف کرپشن کی تحقیقات ہونی چاہئیں، سینیٹر مشاہداللہ خان کا مطالبہ، فردوس عاشق اعوان نے ظفر مرزا کا نام لے کر کہا، انہوں نے کرپشن کی، جہاں کرپشن کی لوٹ ہوئی وہاں احتساب کمیشن ہی بند کر دیا، انہوں نے احتساب نہیں کرنا، جو بات کرنیوالی ہوتی ہے حکومت اس پر خاموشی اختیار کرتی ہے، ایک کمیشن کی رپورٹ آتی ہے، تو دوسرا تحقیقاتی کمیشن بنا دیا جاتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

توشہ خانہ سے گاڑیاں لینے سے متعلق ریفرنس، نیب کا آصف زرداری اور نواز شریف کی گاڑیاں قبضے میں لینے کا فیصلہ، نیب نے آصف زرداری کی تین اور نوازشریف کی ایک گاڑی کی ملکیت منجمد کر دی، احتساب عدالت نے نیب سے تمام گاڑیوں کا ریکارڈ طلب کرلیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جعلی اکاؤنٹس کیس، آصف زرداری نے ٹھٹہ واٹر سپلائی ٹھیکوں کے ریفرنس میں فرد جرم کو چیلنج کر دیا، درخواست میں کہا، ہریش کمپنی کو ٹھیکوں سے ان کا کوئی تعلق نہیں، عدالت نے نیب سے چار اگست تک جواب طلب کر لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا کے ایکٹیو کیسز کی تعداد میں مسلسل کمی، وائرس میں مبتلا پچیس ہزار تین سو سے زائد مریض زیرعلاج، چوبیس گھنٹوں میں ایک ہزار ایک سو سے زائد کیسز رپورٹ، اب تک کورونا سے متاثر مریضوں کی تعداد دو لاکھ ستتر ہزار سے زائد، مرنے والوں کی تعداد پانچ ہزار نو سو سے زائد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک روز میں کورونا سے زیادہ اموات کے لحاظ سے پاکستان سے بیس ممالک آگے، نئے کیسز میں پاکستان کا پچیسواں نمبر، ایکٹیو کیسز میں پاکستان سے چوبیس ممالک آگے، مجموعی کیسز کے لحاظ سے پاکستان کا بارہواں نمبر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی حکومت کی جانب سے این ڈی ایم اے کو مزید سو وینٹی لیٹرز کی فراہمی، چیئرمین این ڈی ایم اے لیفٹیننٹ جنرل محمد افضل کہتے ہیں، وزیر اعظم کی قیادت میں وباء کو کنٹرول کرنے میں خاطر خواہ کامیابی حاصل ہوئی، حکومت کے عزم کی وجہ سے ٹیسٹنگ کی صلاحیت کو ایک لاکھ روزانہ پر لے گئے، امریکی حکومت کے تعاون سے پاکستان کی صلاحیت میں مزید اضافہ ہوگا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبوضہ کشمیر میں بھارتی فوج کشمیریوں کا قتل عام کر رہی ہے، دنیا نوٹس لے، ترجمان دفتر خارجہ کا کہنا ہے، عالمی طاقتوں کو بھارت کے اسلحہ کے انبار لگانے کی پالیسی کی حوصلہ شکنی کرنی چاہیے، بھارتی پالیسی سے خطے میں اسلحہ کی دوڑ شروع ہو سکتی ہے، پاکستان کا افغانستان میں سیز فائر کے اعلان کا خیر مقدم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے سبب اڑسٹھ برس میں پہلی بار حقیقی جی ڈی پی نمو سکڑ جائے گی، دو ہزار بیس میں خدمات کے شعبے میں منفی نمو کی توقع، مارچ دو ہزار بیس میں ایف بی آر کے محاصل بھی منفی میں گئے، اسٹیٹ بینک نے تیسری سہ ماہی رپورٹ جاری کر دی، کہا، کورونا وبا میں زراعت کا شعبہ متاثر نہیں ہوا، ناسازگار موسم اور ٹڈی دَل حملوں سے کچھ سالانہ اہداف پورے نہ ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عید الاضحی میں صرف ایک روز باقی، ہرکسی کو اپنی اپنی پسند کے مویشی کی تلاش، منڈیوں میں خریداروں کا رش تو بڑھ گیا لیکن قربانی کے جانوروں کی قیمتیں آسمان پر، خریدار پریشان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک بھر میں مون سون کی بارشیں، اسلام آباد کے مختلف علاقوں میں موسلا دھار بارش، موسم خوش گوار، لاہور، گوجرانوالہ سمیت پنجاب کے کئی اضلاع میں بھی بادل برسے، ٹانک میں ڈبرہ کے مقام پر سیلابی ریلہ داخل، ٹانک اور وزیرستان کا زمینی رابطہ منقطع، خیبر پختون خوا، وسطی پنجاب اور کشمیر میں آج مزید بارش کی پیش گوئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کے مریض تیزی سے صحت یاب، کورونا کو شکست دینے والے افراد کی تعداد ایک کروڑ سات لاکھ سے زیادہ، اب تک ایک کروڑ بہتر لاکھ سے زائد افراد وائرس سے متاثر، چھ لاکھ ستر ہزار سے زائد اموات

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برازیل میں کورونا کیسز پچیس لاکھ سے بھی بڑھ گئے، ایک روز میں ریکارڈ ستر ہزار کیسز رپورٹ، پیرو اور میکسیکو میں کورونا کے چار چار لاکھ سے زائد مریض

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عام شہریوں کے خلائی سفر کا خواب جلد پورا ہو گا، برطانوی کمپنی ورجن گلاٹک نے خصوصی خلائی گاڑی تیار کر لی، شہری گاڑی کی کھڑکیوں سے زمین کا بھی نظارا کر سکیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فاسٹ باؤلر محمد عامر نے ڈربی میں قومی اسکواڈ کو جوائن کر لیا، فاسٹ باؤلر حارث رؤف کا دوسرا کورونا ٹیسٹ بھی منفی آ گیا، حارث رؤف رواں ہفتے کے آخر میں انگلینڈ روانہ ہوں گے، پاکستان اور انگلینڈ کے درمیان پہلا ٹیسٹ پانچ اگست کو شیڈول ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اطالوی لیگ کے دوسرے میچ میں ٹورینو اور روما میں زبردست مقابلہ، روما نے تین دو سے میچ اپنے نام کر لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بطخوں نے جھیل میں سیر کرنے کیلئے شہری سے دوستی کر لی، خوبصورت موسم میں ڈھیر ساری بطخیں سوئمنگ کرتے شہری کی کمر پر سوار ہو گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں طویل لاک ڈاؤن کے بعد پہلا ڈیجیٹل میوزیم کھول دیا گیا، افتتاح الیکڑونک میوزک کی پرفارمنسزز سے کیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آنے والے دور میں زندگی کیسے ہو گی، وقت کیسے گزرے گا، دا میٹرکس سیریز بہت سے سوالوں کا جواب دینے کیلئے تیار، فلم دا میٹرکس فور دو ہزار بائیس میں ریلیز کی جائے گی

About The Author

ویب ڈیسک

See author's posts