بجلی کی لوڈشیڈنگ اور جرمانوں سے عاجز ڈیرہ کے لوگ پہلے احتجاجی جلوس وغیرہ نکالتے ہیں ۔پھر اخباروں اور سوشل میڈیا پر خبریں چلاتے ہیں اور کچھ دوست واپڈا کے خلاف اپنی پوسٹ میں دل کی بھڑاس نکال کر اس پوسٹ میں مجھے ٹیگ کر دیتے ہیں اور دلچسپ سوال پوچھتے ہیں۔۔کہ ڈیرہ یتیم ہے یا اس کا ولی وارث کوئی نہیں جو 48 ڈگری گرمی میں لوڈشیڈنگ چل رہی ہے؟
اب میں ان سوالوں کا کیا جواب دوں؟
منیر نیازی نے کہا ہے۔۔۔؎
کسی کو اپنے عمل کا حساب کیا دیتے ۔۔
سوال سارے غلط تھے جواب کیا دیتے۔۔ خراب صدیوں کی بے خوابیاں تھیں آنکھوں میں ۔۔۔
اب ان بے انت خلاؤں میں خواب کیا دیتے۔۔
بھائی لوگو کئی دفعہ گزارش کر چکا ہوں بجلی کے نام پر ملک کو پرائیویٹ پاور پروڈیوسر کے پاس گروی رکھوا دیا گیا۔ اور یہ مبارک کام ہمارے منتخب نمائندوں اور حکمرانوں نے اس صفائی سے کیا کہ پاکستان کے ہاتھ پاٶں باندھ کے رکھ دیے اب آپ نہ آگے چل سکتے ہیں نہ پیچھے مڑ سکتے ہیں۔
واپڈا جیسا دنیا کا بہترین محکمہ کنگال ہو کے رہ گیا۔ واپڈا والے بے چارے کیا کریں وہ خود محتاج ہو گیے ۔اب واپڈا ان سفید ہاتھیوں کے لیے دن رات جرمانے کر کے رقم جمع کرتا ہے اور گالیاں بھی کھاتا ہے۔ دو دن پہلے واپڈا کا لائین میں چاہ سید منور میں بجلی کے کھمبے پر کام کرتے کرنٹ لگنے سے شدید زخمی ہو گیا اور صرف اللہ کے کرم سے جان بچی۔کیونکہ واپڈا کے پاس سیفٹی گاڑیاں نہیں ہیں جن کے اوپر کھڑے ہو کر بے خطر مرمت کا کام کیا جا سکتا ہے۔
اب واپڈا کے پاس نہ تاریں تبدیل کرنے کا بجٹ ہے نہ ٹرانسفارمر خریدنے اور مرمت کرنے کا پیسہ ہے۔ سسٹم ہر گھنٹے ٹرپ کر جاتا ہے۔ڈگری کالج ڈیرہ فیڈر کے ساتھ مدینہ کالونی۔یوسف ٹاون۔گلستان چوک کے کم و بیش ساٹھ ستر ٹرانسفارمر ہیں ۔
اگر ایک ٹرانسفارمر بھی روز پھٹ جائے تو اسے ٹھیک کرنے کے لیے اڈہ بند کرنا پڑتا ہے یوں سارا علاقہ بجلی سے محروم ہو جاتا ہے۔ بجلی کے غیر ملکی پرائیویٹ پروڈیوسرز کے ساتھ تیس تیس سال کے معاھدے ہیں اور موجودہ حکومت اگر ICJ کی عدالت کیس لے جائے تو ہار جائیگی کیونکہ معاہدوں میں ہم نے ملک کا سب کچھ لکھ کے اپنے ہاتھ کاٹ دیے ہیں۔ ایسے معاھدوں کے الٹا اربوں ڈالر جرمانے ہم پر بین الاقوامی عدالت لگا دیتی ہے۔
PTI کی موجودہ حکومت لائن مینوں کو محفوظ گاڑیاں اور لباس فراہم کرے تاکہ ٹرانسفارمر ٹھیک کرتے وقت اڈہ نہ کاٹنا پڑے۔ اس بات بھی غور کیا جائے کہ پنجاب میں لوڈشیڈنگ کم ہے اور KPK جو خود بجلی۔گیس کی پیداوار میں خود کفیل ہے اس عذاب میں کیوں مبتلا ہے؟ دوسرا ڈیرہ وال اس بات کو بھی ذھن میں رکھیں کہ نہر کے پانی کا جو کسان آخر ٹیل پر ہوتا ہے اس کو سب سے کم پانی ملتا ہے ہم صوبہ سرحد کا ٹیل کا ضلع ہیں یہاں بچا کھچا بجٹ ۔بجلی ۔گیس اگر پہنچ جائے تو اللہ کا شکر ادا کیا کرو ۔
ہمارے سیاستدان صوبائی خود مختاری پر تو خوب زور دیتے ہیں لیکن ضلعی حکومت کی خود مختاری کی بات گول کر جاتے ہیں۔ہر منتخب حکومت نے ضلعی حکومتوں اور بلدیاتی نظام سے جان چھڑائی اور ان کے الیکشن ملتوی کیے تاکہ گلیاں ہو جانڑ سنجیاں تے وچ سانول یار پھرے۔ خود ڈیرہ میں رمضان شریف میں جب بعض علاقوں میں بجلی کا بحران تھا تو لوگوں نے واپڈا کے خلاف خوب شور مچایا کہ روزے ہیں بجلی بند ہے ۔
واپڈا کے ایک اہلکار نے ان کو خوب جواب دیا۔اس نے مظائیرین کو کہا کہ۔۔ روزے تو چودہ سو سال سے فرض ہیں اور مسلمان اس وقت بھی روزے رکھتے تھے جب واپڈا نہیں بنا تھا اور بجلی بھی نہیں تھی۔تم لوگ زیادہ ٹر ٹر مت کرو اور روزے رکھو ۔
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر