ٻُلہن سُݨدی ہے
ہک شاہر وچ شاعر دا ناں
شاعر دیاں اکھیں دا شور
مچھیرے نال شاعر دیاں ڳالہیں
ٻلہن نی پکڑنی ٻلہن نی مارݨی
ٻُلہݨ ڄاݨدی ہے
لوکیں کوں پکھیاں کوں پاݨیاں کوں
لوکیں دیاں ما بولیاں کوں
ریاست دے ݙڈھپ کوں
لوکیں دی بے چینی کوں
ایں اندھی ڄَل پری کوں
خبر ہے لوکیں دے جلوس دی
پتہ ہے لوکیں دے بینر دا
ایں ٻُلہݨ کو ݙَس اے
اپݨی تاریخ تے جغرافیے دی
انہاں تَل وطنیاں دی
جیڑھے اپݨی ریاست وچ
دول جھمر تے ٻیڑی منگدن
اپݨے کیتے روٹی پاݨی تے
صوبہ چاہندن
ایں بُلہݨ دے سَکے رہندن
تونسہ تے سکھر
ایں بلہݨ دے اکھیں والے دوست
رہندن
دنیا دے سمندریں وچ
ایں ٻُلہݨ کو ݙَس اے
اپݨی تاریخ تے جغرافیے دی
اُنہاں تَل وطنیاں دی
جیڑھے اپݨی ریاست وچ
دول جھمر تے ٻیڑی منگدن
اپݨے کیتے روٹی پاݨی تے
صوبہ چاہندن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٻُلہݨ : بلائنڈ انڈس ڈولفن
About The Author
اے وی پڑھو
ریاض ہاشمی دی یاد اچ کٹھ: استاد محمود نظامی دے سرائیکی موومنٹ بارے وچار
خواجہ فرید تے قبضہ گیریں دا حملہ||ڈاکٹر جاوید چانڈیو
محبوب تابش دی درگھی نظم، پاݨی ست کھوئیں دا ||سعدیہ شکیل انجم لاشاری