(ساڈی رادھی ڈاکو کھانونڑ آئے )
ساڈی ڈاہ لکھ سال دی رادھی کوں
کوئی ڈاہ لکھ ڈاکو کھانونڑ آئے
درہ خیبر توں چوک منڈا تائیں
اڈوں دیبل توں ملتان تائیں
جیندے وس اچ جتلا "وسبا”آئے
اوندی تیغ تلے او کسدا گئے
دھہ بنڑ کیں پھیرا پانونڑ آئے
ساڈی رادھی ڈاکو کھانونڑ آئے
کوئی کپ گھن گئے تاریخ دے پر
کوئی لٹ گھن گئے تہذیب دا سر
جیڑھا حملہ آور بنڑ کیں آئے !
او پٹ گھن گئے ملتان دے در
ساڈا نام نشان مٹاونڑ آئے
ساڈی رادھی ڈاکو کھانونڑ آئے
کئی گھوڑیاں دی دھوں دھاں تیں آئے
کئی لکھ فوجاں دی چھاں تیں آئے
توڑیں ہتھ وچ قتل دے فتوے چا !
جیڑھا آئے اسلام دے ناں تیں آئے
ساڈا دھرم دھمال ونجاونڑ آئے
ساڈی رادھی ڈاکو کھانونڑ آئے
ساڈے پورھئے ہن، جاگیراں ہن
سندھ وادی دیاں تصویراں ہن
زر بھر کیں لٹ صندوقاں گئے
ساڈی دھرتی دیاں تقدیراں ہن
ساڈا مال منال چورانونڑ آئے
ساڈی رادھی ڈاکو کھانونڑ آئے
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر