پاکستان سمیت دنیا بھر سے آج کی خبریں،مختصر مختصر

ہیڈ لائنز 1700

۔۔۔۔۔۔۔۔

بلاول بھٹو زرداری کا چیئرمین نیب کے استعفیٰ کا مطالبہ، کہتے ہیں، نیب کو بند کریں، نیب کا قانون کالا قانون ہے، غیر آئینی ادارے کو تالا لگا دیں، نیب سیاسی انجئینرنگ کیلئے استعمال ہو رہا ہے، حکومت کی میگا کرپشن پر نیب کوئی کارروائی نہیں کر رہا، بلاتفریق احتساب کیلئے تمام سیاسی جماعتوں کو قانون سازی کرنی چاہیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چور ’احتساب سے بچنے کیلئے زور لگاؤ‘ کی تیاریاں کر رہے ہیں، وفاقی وزیر مراد سعید کہتے ہیں، چوروں سے نجات قوم کا مقدر ہے، انہیں نیب پر نہیں کرپشن کے بارے میں سوالات پر اعتراض ہیں، کرپشن کا حساب لیں گے، سیاسی شرارتوں کا بھرپور جواب دیں گے، شبلی فراز نے کہا، نیب بند کرنے کا مطلب ہے لوٹنے سے کوئی نہ روکے نہ کوئی پوچھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مڈ ٹرم الیکشن اور اِن ہاؤس تبدیلی دونوں آپشن زیر غور، بلاول بھٹو زرداری کہتے ہیں، یہ مانگے تانگے کی حکومت ہے، جس بندے کی قسمت میں وزیراعظم بننا ہی نہیں تھا اس کو وزیراعظم بنایا گیا، سلیکٹڈ کو ایسے ہی چلایا گیا تو ملک کو مزید نقصان ہو گا، پنجاب میں آن ٹریننگ وزیراعلیٰ نہیں رکھا جا سکتا، عید اور شہباز شریف کی صحت یابی کے بعد اپوزیشن کی اے پی سی ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کرپشن کے بوجھ تلے دبی اپوزیشن کو عوام نے پہلے بھی مسترد کیا اور آئندہ بھی کریں گے، وزیر اعلیٰ پنجاب عثمان بزدار کہتے ہیں، اپوزیشن کی منفی سیاست تیزی سے ختم ہو رہی ہے، پی ٹی آئی حکومت کے دامن پر کرپشن کا ایک بھی داغ نہیں، فیاض الحسن چوہان نے کہا، غیر متحد اپوزیشن نیک نہیں فیک ہے، ن لیگ اور پیپلز پارٹی ایک دوسرے پر یقین کرنے کو تیار نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان سے وزیراعلیٰ پنجاب عثمان بزادر کی ملاقات، کورونا وائرس اور پنجاب کی سیاسی صورتحال پر تبادلہ خیال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بلاول بھٹو زرداری کی مینگو ڈپلومیسی، کہا، مریم نواز سے رابطے میں ہیں، مریم نواز کو آم بھیجے، انہوں نے شکریہ ادا کیا، پیپلز پارٹی جمہوریت کا حصہ ہر صورت رہے گی، انیس سو ستانوے میں دھاندلی کے باوجود بے نظیر بھٹو نے اسمبلی میں جدوجہد کی ، آج اگر نواز شریف امیرالمومنین نہیں تو اس میں بے نظیر بھٹو شہید کا کردار ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سپریم کورٹ کا یوٹیوب بند کرنے کا عندیہ، جسٹس مشیر عالم نے ریمارکس میں کہا، کئی ملکوں میں یوٹیوب بند ہے، کئی ممالک میں سوشل میڈیا مقامی قوانین کے تحت کنٹرول کیا جاتا ہے، جسٹس قاضی امین نے کہا، ہمیں آزادی اظہار رائے سے کوئی مسئلہ نہیں، کوئی یوٹیوب پر چاچا تو کوئی ماما بن کر بیٹھ جاتا ہے، فوج، عدلیہ اور حکومت کے خلاف لوگوں کو اکسایا جاتا ہے، کیا ایف آئی اے اور پی ٹی اے نے دیکھا ہے یوٹیوب پر کیا ہو رہا ہے؟ یوٹیوب اور سوشل میڈیا پر ہمارے خاندانوں کو بخشا نہیں جاتا، امریکہ اور یورپی یونین کے خلاف مواد یوٹیوب پر ڈال کر دکھائیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مشیر خزانہ عبدالحفیظ شیخ کا نام قومی مالیاتی کمیشن سے نکال دیا گیا، وفاقی حکومت نے این ایف سی کی تشکیل کا نیا نوٹیفکیشن جاری کر دیا، اسلام آباد ہائی کورٹ نے نوٹی فکیشن واپس لینے پر درخواست نمٹا دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارتی جاسوس کلبھوشن یادیو کی سزا سے متعلق عالمی عدالت انصاف کے فیصلے پر عمل درآمد کیلئے حکومت کا اسلام آباد ہائی کورٹ سے رجوع، فیئر ٹرائل کے تقاضے پورے کرنے کیلئے کلبھوشن یادیو کی جانب سے قانونی نمائندہ مقرر کیا جائے، وزارت قانون کی عدالت سے استدعا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کا بنگلہ دیشی ہم منصب شیخ حسینہ واجد سے رابطہ، سارک پلیٹ فارم کے ذریعے علاقائی امن و ترقی کیلئے مل کر کام کرنے کے عزم کا اعادہ، عمران خان نے مقبوضہ کشمیر کی سنگین صورت حال سے آگاہ کیا،،، کہا، خطے میں امن اور خوشحالی کیلئے مسئلہ کشمیر کا حل انتہائی ضروری ہے، بنگلہ دیشی وزیراعظم کو دورہِ پاکستان کی دعوت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارت خطے کا امن تباہ کرنے پر تُل گیا، یو این سیکریٹری کی اپیل کے برعکس بھارتی فورسز کی لائن آف کنٹرول پر اشتعال انگیزیاں، پاکستان میں غیر ملکی میڈیا اور مبصرین کیلئے آزادانہ ماحول، وفد کا آج پھر ایل او سی کا دورہ، بھارت رواں سال لائن آف کنٹرول پر سترہ سو چوالیس خلاف ورزیاں کر چکا، بھارتی فورسز کی اشتعال انگیزیوں میں چودہ معصوم شہری شہید، ایک سو پینتیس زخمی ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبوضہ کشمیر میں بھارتی فوج کی سفاکیت، کشمیریوں کا قتل عام، گرفتاریاں اور پیلٹ گنز کا استعمال عام، نہتے کشمیریوں پر مظالم کرنے والا ڈرپوک بھارت غیر ملکی میڈیا سے خوفزدہ، کسی عالمی مبصر یا غیر ملکی صحافی کو مقبوضہ وادی میں جانے کی اجازت نہیں، کشمیریوں پر مظالم کی ویڈیو بنانے والے فرانسیسی صحافی پال کومیٹی کو بھارت میں قید کیا گیا، بعدازاں ملک بدر کر دیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کی زیر صدارت شعبہ گیس سے متعلق امور پر اجلاس، ملک میں گیس کی طلب و رسد اور انفراسٹرکچر پر تبادلہ خیال، وزیراعظم نے کہا، گیس کسی ایک صوبے کا نہیں، پورے ملک کا معاملہ ہے، گیس سے متعلقہ معاملات پر باہمی مشاورت سے لائحہ عمل تشکیل دیا جائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایشین انفرا اسٹریکچر انویسٹمنٹ بینک کی پاکستان کیلئے پچیس کروڑ ڈالر قرض کی منظوری، رقم معاشی اور سماجی حالات میں بہتری کیلئے استعمال ہو گی، بینک اب تک پاکستان کو پچھتر کروڑ ڈالر کا قرض فراہم کر چکا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رینٹل پاور کرپشن ریفرنسز، سابق وزیراعظم راجہ پرویزاشرف سمیت دیگر ملزمان کی بریت کے خلاف نیب کی اپیل سماعت کیلئے منظور، اسلام آباد ہائیکورٹ نے ملزمان کو نوٹس جاری کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سونے کی قیمت اور اوپر، فی تولہ قیمت ڈیڑھ ہزار روپے بڑھ گئی، نئی قیمت ایک لاکھ پندرہ ہزار روپے ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا کا دباؤ کم ہونے لگا، چوبیس گھنٹوں میں ایک ہزار تین سو سے زائد کیسز رپورٹ، مجموعی کیسز کی تعداد دو لاکھ سڑسٹھ ہزار سے بڑھ گئی، ایک روز میں اڑتیس افراد زندگی کی بازی ہار گئے، اب تک مرنے والوں کی تعداد پانچ ہزار چھ سو سے زائد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

صدرِ مملکت ڈاکٹر عارف علوی کا نیشنل کمانڈ اینڈ آپریشن سینٹر کا دورہ، کورونا وبا سے متعلق فیصلوں پر آگاہ کیا گیا، شعبہ صحت کی بہتری کے اقدامات اور سہولیات پر بھی بریفنگ، صدر عارف علوی کی عیدالاضحیٰ پر صوبوں کو ایس اوپیز پرعملدارمد یقینی بنانے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک روز میں کورونا سے زیادہ اموات کے لحاظ سے پاکستان سے انیس ممالک آگے، نئے کیسز میں پاکستان کا تیئسواں نمبر، ایکٹیو کیسز میں پاکستان سے بارہ ممالک آگے، مجموعی کیسز کے لحاظ سے پاکستان کا بارہواں نمبر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں لوڈ شیڈنگ کا مسئلہ جوں کا توں، کراچی کے مختلف علاقوں میں آٹھ سے بارہ گھنٹے تک بجلی کی لوڈ شیڈنگ جاری، بجلی کی طلب و رسد کا فرق پانچ سو میگاواٹ تک پہنچ گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سول ایوی ایشن نے کراچی اور لاہور ریجن کے ساتھ اسلام آباد ریجن بھی فعال کر دیا، نئے ریجن کے اضافے سے یورپ، کینیڈا اور خلیجی ممالک سے آنے والی پروازوں میں اضافہ ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائنسی لحاظ سے ذی الحج کا چاند نظر آگیا، چاند مفتی منیب الرحمان یا میرے کہنے پر نظر نہیں آتا، وزیر سائنس و ٹیکنالوجی فواد چودھری کی ہم نیوز کے پروگرام صبح سے آگے میں گفتگو، کہا، عقیدے قانون سے نافذ نہیں ہوتے، دل کا معاملہ ہوتا ہے، اگر عینک لگا کر چاند دیکھنا صحیح ہے تو ٹیکنالوجی کی مدد لینے سے دیکھنا بھی ٹھیک ہے، جمہوریت کا یہی حسن ہے کہ ہر قسم کی رائے کی قدر ہونی چاہیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فواد چودھری اور رویت ہلال کمیٹی کا تنازعہ ختم ہونا چاہیے، چیئرمین اسلامی نظریاتی کونسل ڈاکٹر قبلہ ایاز کہتے ہیں، رویت ہلال کے بغیر چاند کا اعلان نہیں کیا جا سکتا، ٹیکنالوجی کے استعمال اور رویت ہلال کمیٹی دونوں کو لے کر آگے بڑھا جائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کیسز ڈیڑھ کروڑ سے بڑھ گئے، کورونا کے پہلے پچاس لاکھ کیسز ایک سو پچاسی دنوں میں سامنے آئے، آخری پچاس لاکھ کیسز صرف پچیس روز میں رپورٹ ہوئے، کورونا کا پہلا کیس سترہ نومبر دو ہزار انیس کو رجسٹر ہوا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا کورونا کیسز میں سب سے آگے، امریکا میں کورونا مریضوں کی تعداد چالیس لاکھ سے بڑھ گئی، پہلے دو لاکھ کیسز ایک سو چوہتر دنوں میں رپورٹ ہوئے، آخری دس لاکھ کیسز صرف سولہ روز میں سامنے آئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دوسروں کو نصیحت، خود میاں فصیحت، امریکی صدر ڈونلڈ ٹرمپ کا امریکی عوام کو ماسک پہننے کا مشورہ، خود پریس بریفنگ کے دوران ماسک ہی نہ پہنا، ٹرمپ نے امریکیوں کیلئے پھر خطرے کی گھنٹی بھی بجا دی، کہا، کورونا وبا ختم ہونے کی بجائے بڑھے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گندم کرپشن اسکینڈل، پنجاب کی فلور ملز سے بیس کروڑ روپے سے زائد ریکور، اینٹی کرپشن حکام کے مطابق، فلور ملز مالکان نے سبسڈائزڈ گندم فروخت کر کے کروڑوں روپے کی کرپشن کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ کابینہ میں گندم کی صورتحال پر بریفنگ، حکام نے بتایا، سندھ واحد صوبہ ہے جس نے ہدف سے زیادہ گندم کی پیداوار کی، صوبے میں گندم کا اسٹاک موجود ہے، قیمتیں بڑھنے کی وجہ گندم کی بین الصوبائی ٹرانسپورٹ ہے، گندم امپورٹ پر انفراسٹرکچر استثنا کیلئے سمری بھیجنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تعلیمی بورڈ پشاور کا میٹرک کے سالانہ امتحانات کے نتائج کا اعلان، طلبا کو بغیر امتحانات وضع کردہ فارمولے کے تحت پروموٹ کیا گیا، چونسٹھ ہزار اسکولز کے طلبہ پروموٹ ہو گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کولمبیا میں فوجی ہیلی کاپٹر گر کر تباہ، 9فوجی اہلکار ہلاک اور چھ زخمی ہوئے، دو فوجی لاپتہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارت میں مون سون بارشوں اور سیلاب نے تباہی مچادی، چنئی کی کچی آبادی میں سڑک پر پڑنے والے گڑھے نے درختوں سمیت گھر کو بھی نگل لیا، ریاست آسام میں سیلاب سے چوبیس اضلاع متاثر، مختلف حادثات میں سو سے زائد افراد ہلاک

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلیٰ پنجاب کا راولپنڈی میں بیٹے کے ماں پر تشدد کا نوٹس، آر پی او راولپنڈی سے رپورٹ طلب کر لی، پولیس نے مقدمہ درج کر لیا، بیٹے نے پیسے کی لالچ میں ماں پر تشدد کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

افغانستان میں لڑکی کا گھر پر حملہ کرنے والوں کا بہادری سے مقابلہ، حملہ آوروں نے لڑکی کے ماں اور باپ کو قتل کیا، بیٹی نے بندوق اُٹھا کر جوابی فائر کھول دئیے، دو حملہ آور مارے گئے، متعدد زخمی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے نوبل انعام کی تقریب بھی متاثر، ساٹھ سال بعد تقریب منسوخ، نوبل انعام پانے والوں کے نام اور ان کی کارکردگی کا اعلان نئے طریقے سے کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا نے امریکا میں بھی حجاموں کو سڑکوں پر کھڑا کر دیا، ریاست کیلی فورنیا میں نئے ایس او پیز کے تحت حجام، دکانوں کے باہر کام کرنے کے پابند ہوں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کوسٹاریکا میں کشتی سے تین ہزار کلو سے زائد کوکین برآمد، پولیس نے سات ملزمان کو گرفتار کر لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایلن مسک دنیا کے پانچویں امیر ترین شخص بن گئے، اثاثوں کی مجموعی مالیت چوہتر ارب ڈالر یعنی ایک سو چوبیس کھرب روپے سے زائد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کرتب بازکا انوکھا ریکارڈ، پہلے ہیلی کاپٹر سے چھلانگ لگا کر پیرا شوٹ کی مدد سے برف سے ڈھکی چوٹی پر لینڈنگ کی، پھر جمپ سوٹ پہن کر نیچے چھلانگ لگا دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی ریاست نارتھ کیرولینا میں پولیس کا ننھی بچی سے مقابلہ، بچی نے اپنی فٹنس سے پولیس افسر کو ہرا دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کمپیوٹر گیم کھیلتے بچے نے سترہ دن میں ماں کی زندگی بھر کی کمائی اڑا دی، فورٹ نائٹ گیم کھیلتے بچے نے ماں کے اکاؤنٹ سے چونتیس لاکھ روپے کی ادائیگی کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گھومتی گیندوں سے کئی بڑے کھلاڑیوں کو گھمانے والے مر لی دھرن، آج کے روز لیجنڈری کھلاڑی نے ٹیسٹ کرکٹ میں آٹھ سو وکٹیں مکمل کیں، بارہ سال پہلے آج ہی کے روز ٹیسٹ کرکٹ کو خیر آباد کہہ دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پریمئیر لیگ میں آسٹن وِلا کی کامیابی، آرسنل کو ایک صفر سے شکست دے دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اطالوی لیگ میں میلان نے ’ساسیو لو‘ کو ہرا دیا، حریف کلب کے خلاف ایک کے مقابلے میں دو گول

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برف سے ڈھکے پہاڑوں کے دامن میں صاف شفاف پانی، استور کی رامہ جھیل سیاحوں کیلئے جنت، لاک ڈاؤن میں نرمی کے بعد جھیل کی رونقیں بحال، سیاح نظارہ کرنے جا پہنچے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسٹنٹ ماسٹر نہیں یہ ماڈلز ہیں، اٹلی میں سرکس کے طرز پر فیشن شو، سفید خوبصورت گاؤن پہن کر ماڈلز نے پریوں کی طرح پرفارم کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مستقبل کا بادشاہ سات برس کا ہو گیا، شہزادہ جارج الیگزینڈر لوئی کی سالگرہ کی تصاویر جاری، شہزادہ جارج اپنے دادا اور والد کے بعد برطانوی شاہی تخت کیلئے تیسرے نمبر پر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نامور موسیقار خلیل احمد کو مداحوں سے بچھڑے تئیس برس بیت گئے، خلیل احمد نے فلم، ٹی وی اور ریڈیو کیلئے بے شمار گیت، غزلیں اور ملی نغمے تخلیق کیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

معروف ہالی ووڈ ڈائریکٹرکرسٹوفر نولان کی نئی فلم ’ٹینیٹ‘ کی ریلیز ایک بار پھر مؤخر، فلم بارہ اگست کو ریلیز ہونا تھی، رواں سال ہی سینما گھروں کی زینت بننے کا امکان

About The Author

ویب ڈیسک

See author's posts