پاکستان سمیت دنیا بھر سے آج کی خبریں،مختصر مختصر

کراچی میں لوڈشیڈنگ کیخلاف سب متحد، پارلیمنٹ ہاؤس کے باہر ایم کیو ایم نے احتجاجی کیمپ لگا دیا، تحریک انصاف، جی ڈی اے، جماعت اسلامی کے ارکان اسمبلی بھی شریک، بلوچستان سے منتخب اسلم بھوتانی بھی کیمپ میں پہنچے، کراچی کے بلدیاتی نمائندوں کا بھی احتجاج، میئر وسیم اختر نے کہا، کراچی کے مسائل کے حل کیلئے سب سراپا احتجاج ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں غیر اعلانیہ لوڈ شیڈنگ ختم کرنے کا وعدہ پورا نہ ہوا، بن قاسم پاور پلانٹ کا ایک یونٹ فنی خرابی کے باعث بند، ایک سو تیس میگا واٹ بجلی سسٹم سے نکل گئی، بجلی کی طلب ورسد میں فرق چار سو میگا واٹ تک پہنچ گیا، شہر کے تئیس فیصد علاقوں میں بجلی غائب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کے الیکٹرک کا معاملہ وفاقی کابینہ اجلاس میں پہنچ گیا، معاملہ انرجی کمیٹی کے سپرد کر دیا گیا، دو روز بعد وزیراعظم عمران خان کی زیرصدارت اجلاس ہو گا، شیخ رشید کا ہوٹلز اور مارکیز کھولنے کا مطالبہ، کہا، عیدالضحیٰ قریب ہے، ایس او پیز کے تحت ہوٹلز کھولے جائیں، علی زیدی کی کابینہ ارکان کو عزیر بلوچ کی جے آئی ٹی پر بریفنگ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

احسن اقبال وزیراعظم عمران خان کے خلاف نیب پہنچ گئے، نارووال اسپورٹس کمپلیکس میں ریفرنس دائر کرنے کی درخواست جمع کرا دی، کہا، پی ٹی آئی نے کرپشن کی فیکٹریاں کھولی ہوئی ہیں، تاریخ کی سب سے بڑی کرپشن بی آر ٹی منصوبہ میں کی گئی، عمران خان کرپشن کی سب سے بڑی چھتری بن چکے ہیں، کیا نیب کو حکومت کی کرپشن نظر نہیں آتی؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیب کی سابق وزیراعظم نواز شریف کیخلاف ایک اور تحقیقات کی منظوری، چیئرمین نیب کی زیرصدارت نیب ایگزیکٹو بورڈ کا اجلاس، شہباز شریف، سرتاج عزیز کیخلاف بھی انکوائری کی منظوری، شہباز شریف، احمد چیمہ اور جاوید محمود کیخلاف انکوائری بند کرنے کی بھی منظوری

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا کا زور کم ہونے لگا، اڑتالیس روز بعد چوبیس گھنٹوں میں رجسٹر ہونے والے کیسز کی تعداد دو ہزار سے کم رہی، چوبیس گھنٹوں میں ایک ہزار نو سو سے زائد نئے کیسز رپورٹ، کیسز کی مجموعی تعداد دو لاکھ ترپن ہزار سے بڑھ گئی،اب تک پانچ ہزار تین سو سے زائد افراد جان سے گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک روز میں کورونا سے زیادہ اموات کے لحاظ سے پاکستان سے پندرہ ملک آگے، نئے کیسز میں پاکستان کا سولہواں نمبر، ایکٹو کیسز میں پاکستان سے نو ممالک آگے، مجموعی کیسز کے لحاظ سے پاکستان کا بارہواں نمبر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سول ایوی ایشن نے غیر ملکی ایئر لائنز میں کام کرنے والے اکیس پائلٹس کو کلیئرقرار دے دیا، سلام ایئر لائنز کے اٹھارہ اور ہانگ کانگ ایئر لائنز کے تین پائلٹس کی تصدیق، سول ایوی ایشن نے پائلٹس کے لائسنس کو تحقیقات کے بعد اصل قرار دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں تیل اور گیس کے نئے ذخائر دریافت، ٹل بلاک کوہاٹ میں نئے ذخائر سے ایک کروڑ اکسٹھ لاکھ مکعب فٹ گیس حاصل ہو گی، ابتدائی نتائج کے مطابق، تین ہزار دو سو چالیس بیرل یومیہ خام تیل حاصل ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

توشہ خانہ ریفرنس میں نواز شریف کی طلبی کا اشتہار احتساب عدالت کے باہر چسپاں، احتساب عدالت نے کہا، نواز شریف جان بوجھ کر عدالتی کارروائی سے مفرور ہیں، نواز شریف کو سترہ اگست تک پیش ہو کر جواب دینے کیلئے آخری موقع

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جعلی بینک اکاؤنٹس کیس، ایک اور ریفرنس میں آصف زرداری پر فرد جرم عائد کرنے کی تاریخ مقرر، احتساب عدالت اسلام آباد کا ٹھٹھہ واٹر سپلائی ریفرنس میں چار اگست کو فرد جرم عائد کرنے کا فیصلہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رمضان شوگر ملز ریفرنس میں شہباز شریف کو چھ اگست کو ہر صورت پیش ہونے کا حکم، ریفرنس میں فرد جرم عائد کرنے کی کارروائی کی جائے گی، نیب دستاویزات کے مطابق، شہباز فیملی کے ارکان کو غیر ملکی شخصیات نے چار کروڑ اکتیس لاکھ روپے سے زائد منتقل کیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر خارجہ شاہ محمود قریشی کہتے ہیں، احتساب کے بغیر شفاف سیاسی قیادت کا سامنے آنا ناممکن ہے، وقت آگیا ہے کہ ہم بے جا کیچڑ اچھالنا بند کر دیں، شاہ محمود قریشی کی طبیعت میں بہتری، ملٹری اسپتال راولپنڈی سے گھر منتقل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور میں پولیو وائرس سے متاثر ایک سالہ بچہ جاں بحق، ترجمان انسداد پولیو پروگرام پنجاب کے مطابق، پولیو کے شکار محمد علی کا انتقال دس جولائی کو ہوا تھا، بچہ فالج کا بھی شکار تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک سال کے دوران ایک کروڑ افراد فاقہ کشی کا شکار، اقوام متحدہ نے بھوک اور افلاس کے اعداد وشمار کی رپورٹ جاری کر دی، لاک ڈاون دنیا کے فوڈ سسٹم کو عدم استحکام کی طرف بڑھا رہا ہے، تقریباً ایک کروڑ بچوں کا دوبارہ سکول نہ آنے کا خطرہ بڑھ گیا، بچوں کی تنظیم کو خدشہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کے ایک کروڑ بتیس لاکھ سے زائد کیسز، اب تک پانچ لاکھ پچھتر ہزار سے زائد افراد زندگی کی بازی ہار گئے، ستتر لاکھ سے زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پشاور کے شہریوں کیلئے بڑی خوشخبری، حکومت نے بی آر ٹی منصوبہ فنکشنل ہونے کی نوید سنا دی، مشیر اطلاعات کامران بنگش نے کہا، بہت جلد عوام بی آر ٹی بسوں میں سفر کریں گے، تجرباتی بنیاد پر بسیں چلنا شروع ہو گئی ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم کے خلاف عدم اعتماد کی تحریک کی کامیابی مشکل ہے، مسلم لیگ ن کے رہنما رانا ثنا اللہ کی ہم نیوز کے پروگرام صبح سے آگے میں گفتگو، کہا، تحریک عدم اعتماد پر حکومت مختلف ہتھکنڈے استعمال کر سکتی ہے، اپوزیشن پر حکومت کے خلاف میدان میں آنے کا دباؤ ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا پر منفی سیاست کرنے والوں کے مذموم عزائم ناکام ہو چکے، وزیراعلیٰ پنجاب عثمان بزدار کہتے ہیں، کورونا کا پھیلاؤ روکنے کیلئے اقدامات بار آور ثابت ہو رہے ہیں، اپوزیشن رہنما محض پوائنٹ سکورنگ میں لگے رہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بلاول اپنے نام کے ساتھ بھٹو لگا کر والد کے جرائم سے چھٹکارا نہیں پا سکتے، وزیر اطلاعات پنجاب فیاض الحسن چوہان کہتے ہیں، احتساب کا لفظ سنتے ہی بلاول اینڈ کمپنی کو اے پی سی اور اٹھارویں ترمیم یاد آ جاتی ہے، ترجمان سندھ حکومت مرتضیٰ وہاب نے کہا، فیاض الحسن کے بیانات سے ان کی تربیت کا اندازہ لگایا جا سکتا ہے، کرپشن کے پیچھے چھپے چہروں کو بے نقاب کرنا ہمارا مشن ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بابری مسجد کو ایودھیا قرار دے کر شہید کرنے والی انتہا پسند بھارتی جماعتوں کا ظلم اور جھوٹ دنیا کے سامنے بےنقاب، نیپالی وزیراعظم کے پی شرما،، نے انکشاف کیا ہے کہ،، بھگوان رام کی جنم بھومی ایودھیا بھارت میں نہیں نیپال میں ہے، بھارتی انتہا پسندوں نے پولیس اور سیکورٹی اہلکاروں کی موجودگی میں انیس سو بانوے میں تاریخی بابری مسجد کو رام مندر بنانے کیلئے شہید کر دیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارت کو ایک اور سبکی کا سامنا، ایران نے بھارت کو چاہ بہار ریل پراجیکٹ سے الگ کر دیا، ایرانی حکومت نے اپنے طور پر ریل لائن کی تعمیر کا فیصلہ کیا، بھارتی میڈیا کے مطابق، ایران نے فنڈنگ میں تاخیر پر بھارت کو پراجیکٹ سے الگ کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میڈ اِن پاکستان زرعی ڈرونز اٹھارہ منٹ تک سولہ لیٹر اسپرے کرنے کی صلاحیت رکھتے ہیں، وفاقی وزیر سائنس اینڈ ٹیکنالوجی فواد چودھری کہتے ہیں، کھیت کی مکمل مانیٹرنگ کی صلاحیت سے لیس ڈرونز زراعت میں نیا انقلاب ہوں گے، پہلے پورا کھیت اسپرے کیا جاتا ہے، اب سنسرز بتاتے ہیں کہ فصل کے کس حصے کو بیماری ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی حکومت کا کامیاب جوان پروگرام کا دوسرا مرحلہ فوری شروع کرنے کا فیصلہ، حکومت نے دوسرے مرحلے کیلئے پچیس ارب روپے جاری کر دئیے، دوسرے مرحلے کیلئے مارک اپ چھ سے کم کر کے تین فیصد کر دیا گیا، قرض کے زیادہ سے زیادہ حد پچاس لاکھ سے بڑھا کر ڈھائی کروڑ کر دی گئی، نوجوان کاروبار کیلئے ایک لاکھ سے ڈھائی کروڑ تک کا قرض لے سکیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چیئرمین این ڈی ایم اے لیفٹیننٹ جنرل محمد افضل کہتے ہیں، امید ہے عوام عید پر تمام ایس او پیز پر عمل کریں گے، عیدالفطر جیسی صورتحال نہیں ہو گی، ایس او پیز پر عمل ہوتا رہا تو کورونا وبا کا خاتمہ ہو جائے گا، کورونا کے خلاف ڈاکٹروں کا کردار قابل ستائش ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بچی اغوا کیس کو غلط رنگ دیا گیا، سینیٹر سرفراز بگٹی کی پریس کانفرنس، کہا، ایک باپ اپنی بچی کا کیسے اغوا کر سکتا ہے، کیس میں گھسیٹا گیا جو سمجھ سے بالاتر ہے، یقین ہے سپریم کورٹ سے انصاف ملے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

صادق آباد میں معلم نے چار بچوں پر تیزاب پھینک دیا، بچے زخمی حالت میں اسپتال منتقل، والدین کے مطابق، معلم نے بچے سے زیادتی کی کوشش بھی کی تھی، ملزم گرفتار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کے علاقے سرسید میں مٹھائی کی دکان پر ڈکیتی، واردات کی سی سی ٹی وی فوٹیج منظر عام پر آ گئی، واقعہ میں گارڈ سے فائرنگ کے تبادلہ میں ڈاکو زخمی ہوا، جو بعد میں اسپتال میں دم توڑ گیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سخت احتیاطی تدابیر اختیار نہ کیں تو کورونا مزید پھیلے گا، ڈبلیو ایچ او نے خبردار کر دیا، کہا، بنیادی اصولوں پر عمل نہ کیا تو کورونا وبا خطرناک حد تک بڑھے گی، حکومتوں کو اپنے شہریوں کو اعتماد میں لے کر نئی پالیسی بنانی چاہیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں ہیلتھ ورکرز کو ناکافی سہولیات میسر ہیں، ایمنسٹی انٹرنیشنل کا ہیلتھ ورکرز کی حالت زار پر اظہارِ افسوس، کئی ملکوں میں ہیلتھ ورکرز کی تنخواہ کم، کام زیادہ لیا جا رہا ہے، کورونا وائرس کے باعث تین ہزار سے زائد ہیلتھ ورکرز جان سے گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میکسیکو کورونا وائرس کے تین لاکھ کیسز والا آٹھواں ملک بن گیا، امریکہ، روس، برازیل، بھارت، پیرو، چلی اور اسپین میں بھی کیسز کی تعداد تین لاکھ سے زائد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جانوروں کی خریداری مقرر کردہ مویشی منڈیوں سے کریں، بچے اور بوڑھے منڈیوں میں جانے سے گریز کریں، منڈی جانے کیلئے ماسک اور گلوز کا استعمال لازمی کریں، اجتماعی قربانی کو ترجیح دیں، عید سادگی سے منائیں، آئی ایس پی آر نےعید الاضحیٰ کیلئے ایس او پیز پر مشتمل ویڈیو جاری کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قد میں چھوٹا مگر قیمت میں بڑا، کراچی کی مویشی منڈی میں ڈھائی فٹ کے شیرو کی دھوم، شہری قیمت جان کر محض سیلفی لے کر چلے جاتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دو روز کے وقفے کے بعد آج پھر بادل برسیں گے، محکمہ موسمیات نے اسلام آباد، بالائی پنجاب اور بالائی خیبر پختون خوا میں بارش کی پیش گوئی کر دی، کراچی میں ہلکی بارش اور سکھر میں گرد آلود ہوائیں چلنے کا امکان، لاہور، گوجرانوالہ اور میانوالی میں گرج چمک کے ساتھ بارش ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی صدر ٹرمپ اور کورونا ٹاسک فورس کے سربراہ ڈاکٹرفاؤچی میں اختلافات، ڈاکٹر فاؤچی نے لاک ڈاؤن میں نرمی سے متعلق ٹرمپ کی پالیسی پر تنقید کر دی، ٹرمپ نے کہا، فاؤچی اچھے انسان ہیں، مگر ان کی بات ٹھیک نہیں، وائٹ ہاؤس نے اختلافات کی خبریں مسترد کر دیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں چوبیس جولائی سے دکانوں اور سپر مارکیٹس میں ماسک پہننا لازمی قرار، قوانین پر عمل نہ کرنے والے پر سو پاؤنڈز سے زائد تک جرمانہ ہو سکتا ہے، برطانوی حکومت کا اعلان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انگلینڈ کو دنیائے کرکٹ کا چیمپئن بنے ایک برس بیت گیا، انگلینڈ نے نیوزی لینڈ کو شکست دے کر پہلی بار ٹرافی اٹھائی، سنسنی خیز فائنل میں دونوں ٹیموں کے اسکور برابر رہے، سپر اوور بھی ٹائی ہوا، انگلینڈ کو میچ میں زیادہ باؤنڈریز کی بنیاد پر فاتح قرار دیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں پاکستان کرکٹ ٹیم کا چودہ روز کا قرنطینہ مکمل، قومی ٹیم ووسٹر شائر سے ڈربی پہنچ گئی، کل سے ٹریننگ اور پریکٹس شروع، سترہ سے بیس جولائی تک انٹرا اسکواڈ میچ کھیلے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خوفناک حادثے سے چند قدم کی دوری، امریکی ریاست وسکونسن میں طوفانی بارش کے دوران درخت گر گیا، نوجوان نے پھرتی سے اپنی جان بچائی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیویارک میں ٹرمپ ٹاور کے سامنے سڑک پر بلیک لائیوز میٹر دوبارہ لکھ دیا گیا، پیلےرنگ سے لکھے بلیک لائیوز میٹر پر نامعلوم افراد نے سرخ رنگ گرا دیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خراب موسم متحدہ عرب امارت کے مریخ مشن کے آڑے، مریخ کیلئے مشن کو اب سترہ جولائی کو روانہ کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شہد کی مکھیوں سے گھر خالی کرنے کا انوکھا طریقہ، شہری نے ملکہ مکھی پکڑ لی، باقی مکھیوں نے اس کے ہاتھ کو ہی چھتا سمجھ لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آسٹریلیا میں کوالا کو پھر اپنا گھر مل گیا، تباہ کن آگ کے بعد کوالا کو دوبارہ جنگل میں چھوڑ دیا گیا، اپنے گھر کو دیکھ کر خوشی سے نہال کوالا نے درختوں کی جانب دوڈ لگا دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ریال میڈرڈ نے لالیگا میں گرینیڈا کو دو ایک سے زیر کر لیا، چیمپئن کی ٹرافی اٹھانے کیلئے صرف ایک جیت درکار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فلم زندگی تماشا پر تمام اعتراضات ختم، سینیٹ کمیٹی انسانی حقوق کی فلم کو ریلیز کرنے کی اجازت، چیئرمین مصطفیٰ نواز کھوکھر نے کہا، فلم میں کوئی بھی قابل اعتراض مواد نہیں، روکنے کا جواز نہیں بنتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارتی شہری کیمرے کا دیوانا، کیمرے کی محبت میں کیمرے کی شکل کا ہی گھر بنوا لیا، بچوں کے نام بھی کیمرا بنانے والی کمپنی کے نام پر رکھ دئیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

روسی ایئرلائن میں پانی ٹپکنے پر مسافروں کو چھتریاں نکالنی پڑ گئیں، چھت سے ٹپکنے والا پانی بارش کا نہیں، ائیرکنڈیشن نظام میں خرابی کے باعث مسافروں پر گرا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک سو تین سال کی عمر میں پیراشوٹ سے چھلانگ، سان مرینو کے شہری نے ورلڈ ریکارڈ قائم کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہیپی برتھ ڈے ماہ نور، اداکارہ ماہ نور بلوچ نے کئی ڈراموں میں اداکاری کے جوہر دکھائے، فلموں میں بھی کام کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رسل کرو گلیڈی ایٹر کے سیکوئل میں کام کرنے کے خواہش مند، کہا، فلم میں ان کے کردار کی موت ہو جاتی ہے، لیکن سیکوئل میں واپسی کا کوئی راستہ نکالا جا سکتا ہے

About The Author

ویب ڈیسک

See author's posts