تھل کینال پراجیکٹ ایریا دیاں رکھوکھ۔۔۔مشتاق گاڈی

تھل کینال پراجیکٹ ایریا تے ایندے نال جڑے علاقیں وچ وائلڈ لائف اتیں فارسٹ ڈیپارٹمنٹ دے کنٹرول وچ نو (9) رکھوکھ آندن جنہیں دا کل رقبہ 57827 ہیکڑ (142893 ایکڑ) بنڑدے۔ انہیں دی اکثریت بکھر ضلع وچ ہے اتیں کُجھ لیہ ضلع دی تحصیل چوبارہ وچ آندن۔

تھل کینال پراجیکٹ دے تحت تجویز اے ہے جو انہیں رکھوکھ دی "پروٹیکٹیڈ لینڈ” دی حیثیت مُکا ڈتی ونجے۔ ٖڈوجھے لفظیں وچ اتھاں الاٹمنٹ دے دروازے کھول ڈتے ونجن۔

انہیں رکھوکھ وچ تیتر تے باز دیاں کُجھ اینجھیاں قسماں وی ہن جیڑھاں جو انٹرنیشنل لیول اُتیں خطرے وچ سمجھیا ویندن اتیں انہیں دی حفاظت کیتے کئی انٹرنیشنل ایگرمنٹ تے نیشنل لازء ہن۔ انہیں دے حفاظت کیتے لاہور ہائی کورٹ وچ ہک مقدمہ وی چلدا پئے تے کورٹ انہیں دا سروے کرنڑ دا آکھیا ہوئے۔

انہیں رکھوکھ دی تفصیل ہیٹھ ٹیبل وچ ڈتی کھڑی ہے۔

[ گریٹر تھل کینال پراجیکٹ ۔۔۔ تھل تے سرائیکیں دی کالونائزیشن دا ننواں منصوبہ ]

مین گریٹر تھل کینال کوں مکمل کرنڑ تے اوندے کمانڈ ایریا دی تیاری کیتے ایشئین ڈیوپلمنٹ بینک کولہوں پنجاب اریگیشن ڈیپارٹمنٹ دی پاسیوں ڈو پراجیکٹس منظوری کیتے گئے ہوئین۔ انہیں دی کل مالیت 40 کروڑ ڈالر (400 ملین ڈالر) بنڑدی ہے۔ جتھاں اے پراجیکٹس تھل دی ایکالوجی تے وسوں کوں پورا وٹا پھیر ڈیسن، اتھاں انہیں دی مدد نال تھل وچ لکھاں ایکڑ رکھوکھ (سرکاری) رقبہ غیر سرائیکیں کوں الاٹ تھیسی تے تھل دے جھنگ، خوشاب، بکھر اتیں لیہ (چوبارہ) وچ پنجابی آبادکاریں دی ننویں لہر چلسی۔

کیا تھل دی کالونائزیشن دے خلاف دھاڑ پٹکار سرائیکی تحریک دی ذمیواری نئیں؟ بھوئیں متوں کوئی قوم نئیں ہوندی تے اے بھوئیں تے وسوں ہولیں ہولیں سرائیکیں کنیں کھسیندی ویندی پئی ہے۔ ہک ڈینہہ اپنڑی بھوئیں تے وسوں وچ آپ اوپرے تھی کھڑسوں