(ملتان سر جہان دی ملکہ ثریا ملتانیکر دے آدر وچ )
جیویں سر دے نیلے فلک اتیں
کوئی سرت سویل اشا تھیوے
جیویں سر دے تاج ہمالیہ توں
ست رنگیں دا دریا تھیوے
جیویں سر دے پورب پچھم تائیں
کہیں پیت دی راند رسائی ہووے
جیویں سر دے تخت ثریا تیں
کہیں "کافی شام ” منائی ہووے
جیویں سر دے مٹھن کوٹ اندر
کوئی رادھا رقص کریندی ہے
جیویں سر دے پیلھوں پک گئے ہن
کوئی جال "خیال” سنڑیندی ہے
جیویں سر دے سندھو ساگر وچ
کہیں دیوی دا امکان ہووے
جیویں سر دے سورج مندر وچ
کوئی جھمدا مولھستان ہووے
جیویں سر دی دھرتی ما ساکوں
کوئی مٹھڑے بول سنڑیندی ہے
جیویں سر دے صوفی میلے وچ
ساکوں لعلنڑ آپ بنڑیندی ہے
About The Author
اے وی پڑھو
اُچ ڈھاندی ڈیکھ تے چھوراں وی وٹے مارے ہن۔۔۔|شہزاد عرفان
ریاض ہاشمی دی یاد اچ کٹھ: استاد محمود نظامی دے سرائیکی موومنٹ بارے وچار
خواجہ فرید تے قبضہ گیریں دا حملہ||ڈاکٹر جاوید چانڈیو