دنیا اج وی شاعر دا اعتبار کریندی ہے……. مرشد ساکوں تہاڈے تے پورا اعتبار ہے
ایں دور کوں تہاڈی لوڑ ہئ آوݨ والےدور دے کیتے ہک صدی ہک بندہ ڈیندی ہے جیرا آوݨ والیاں صدیاں وچ ہوندا پیا ہے ساکوں ضرورت ہئ تہاڈی تساں ساکوں دریا دا سونہاں کیتا اساں دریا ڈٹھا … اساں دریا ڈٹھا تاں ایں مہان دیوتا دی ب ادبی تھیندی پئ ایندے وچ لوک گند سٹیندے پے ہن تساں ساکوں آکھیا اناں لوکاں کوں آکھو پھول سٹن اساں آکھا ہے
تساں ساکوں پکھواں دا ڈسا اساں ول پکھواں کوں ڈٹھا اناں ساکوں گاوݨ سݨائے اناں ساکوں قرآن سݨایا
اساں ڈٹھا لوک پکھݨو مریندے ودے ہن تساں اے آکھیا اناں کوں آکھو کونجھ نہ مارو کال کڑیچھی لالی نہ مارو اناں کوں آدر ڈیو اناں دی عزت کرو اناں کوں داݨا پاݨی ڈیو اساں پکھواں دی عزت کیتی
تساں ساکوں بوہڑ ٹالھی دا ڈسا
اساں بوہڑ ڈٹھی اساں ٹالھی ڈٹھی
ٹالھی ساکوں چھاں ڈتی بوہڑ ساکوں دعائیں ڈتن
اساں ڈٹھا آدم زادہ جنگل دے جنگل کھا گئے
تساں اے آکھیا ساڈی چھاں مرویسی ساڈا ساہ گھٹیج ویسی اناں کوں اے ناں مارو
ول اساں ہر شے دے دریا دے ݪالی دے ٹالھی دے سونہے تھیندے گئے ول او ساڈے نال الاوݨ پئے گئے ول اناں کول ساکوں پتہ لگا خدا ہے
ساکوں لالی ڈسایا دریا ڈسایابوہڑ ڈسایا اللہ دے بارے
شاید تہاکوں پہلے پتہ ہئ اللہ سئیں بانگ کول بہر وی ہے مرشد ساکوں تہاذے تے پورا اعتبار اساں تہاڈا اے ماݨ کڈاہیں وی نہ ونجیسوں اعتبار کریسوں
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر