جیکرساڈا اپنابندہ تہاڈے دین تے آوسی ساڈے شہرتوں نکل کراہیں تہاڈے شہردوآوسی واپس ڈیسو
جےول تہاڈا کوئی بندہ دی ساڈے پاسے آیااساں کائناڈسوں اے وی ٹھیک ء۔۔۔۔۔۔۔۔۔ہر عرب قبیلہ حق رکھدے جوجیندی سنگت چنگی لگس اندے کٹھے تھیوے ۔۔ اینکوں وی منظور کریندوں
چھیکڑی گالھ ہن اے وی سنو 10 سالیں تائیں جنگ نہ تھیسی اساں ساریاں شرطاں منیاں
ساڈیاں کوئی وی شرطاں کائنی ایہے شرطاں آکھو
اوندی ہرہک گالھ دے اتے سبھامنا آکھو
ابو جندل بکھ نبھیندارہ گئے چٹے ڈینہہ کوں اہڑدی دھپ ء ریت تے کنڈرگڑیندارہ
گئے کئی دیھئیں تائیں تسارہ گئے سنگتی یار بھرادی بھج گئے ول وی ایہواہدارہ گئے جیکوں منیم ۔۔ہونکوں منیم بے کوں کیویں مناں
ابو جندل شہرمدینے آیا
کاکا کیڈے ؟واپس ول ونج۔
بکھ تے تریہہ نبھیدارہ گیاں چٹکے دے وچ ریت تے سمھ تے ڈینہہ دے تارے ڈہدارہ گیاں کنڈتے کوڑے کھاندا رہ گیاں ہتھیں وچ زنجیراں پاتے دھرتی تے گھلویندارہ
گیاں خیرءخیرء میڈی خیرء صدقے تھیواں گھولیا ونجاں تیکوں جے کوئی ودھ گھٹ آکھے میں
ایں زہر کوں پی نئیں سگداجے کر آکھیں آپنے ہتھیں اپنی گچی کپ کراہیں تیڈے اگوں رکھاں
کاکا جندل قول کوں کوڑا نہ کر واپس ول ونج اتھاں نہ ٹک وینداں سوہنا واپس وینداں
مسرت خلیل حال ڈے محترم عرب خاتون نال شادی کرتے عربیں تیکوں جوانتر ا منیایا نہ شہریت تاں مل گئی ہوسی ۔۔ کائنا ۔۔۔۔۔اہدن
اے تاں پہلی شادی ءجے ڈوجھی ایران تریجھی الجزئر تے چوتھی مصروچ کیتوتاں کتھوں کتھوں دی شہریت گھنسیں
کھبے سجے پاسوں کیڑھا پہاڑء۔۔۔۔۔۔۔۔۔ہن وی ہے اتھاں بندہ ونج سگدے
ہوسی پر میں کڈاہاں نہیں گیااے وی تھی سگدے جو پہاڑصاف تھی گیا ہووے بھلااے نشانیاں کیوں ومجیندے ویندن
اہدن جو مرکزیت بیت اللہ دی ء ۔بیت اللہ سانویں بی کوئی جاہ نہیں ۔جے لوک بیت اللہ توں زیادہ بنھیں جاہیں تے توجہ ڈیون یا جیکر جاہ تے ودے سجدے کرن تاں بیت اللہ دا شان کیا رہسی ایں واسطے اوبیاں نشانیاں سنبھال نہیں رکھدے یا انھیں دے آسوں پاسوں آڑا کاڑا ڈے سٹیندن یاول میس چھوڑیندن
مسرت خلیل تے ظفر اقبال نال گالھیں تھیندیاں رہ گیاں گاڈی چلدی رہ ۔گئی شیور لیٹ زمین دے تناویں پئی چھکیندی ہئی 29 کلومیٹر دا سفر لحظئیں وچ گزرگیا جیں جاہ کوں ڈیکھن سانگے میں اٹھ سال دی عمرءچ اپنے پیوما نال پنج ڈینہہ تے پنج راتیں ٹردارہ گیم لسبیلے کنوں تربت تائیں سی دے سفریں وچ جتھ پنل گلیندارہ گیم تھکے ترٹے قافلے نال وت پچھلے پیریں ول گیم اج وت ہک لنگ ولاساڈھے اٹھ سالیں دے بعداوں جاہ دے نیڑے آیا
وداں ایں جاکوں کروڑاں انسانیں ڈٹھا کروڑاں ڈیکھسن اربا ں ڈیکھن دی حسرت گھن تے ٹرگئین اساں مکے شہردی حدوچ داخل تھیندے پیوں
ہے عشق دا جلوہ ہرہر جاہ
اے وی پڑھو:سینے جھوکاں دیدیں دیرے(5)۔۔۔ نذیر لغاری
جاری ہے۔۔۔
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر