۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیر ریلوے شیخ رشید کہتے ہیں حالات بہتری کی طرف جا رہے ہیں، کچھ نہیں ہونے جا رہا، وزیر اعظم عمران خان وقت کی ضرورت ہیں، اپنی مدت پوری کریں گے، اگلے دو ماہ میں حکومت اور اپوزیشن کے تعلقات بہتر ہو جائیں گے، سردار اختر مینگل کہیں نہیں جا رہے، فوج ہرمشکل میں حکومت کے ساتھ کھڑی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چیئرمین پیپلز پارٹی بلاول بھٹو اور اپوزیشن لیڈر شہباز شریف میں رابطہ، ترجمان پیپلز پارٹی کے مطابق بلاول بھٹو نے شہباز شریف سے ان کی صحت کے متعلق دریافت کیا، دونوں رہنماؤں کا بجٹ کو مکمل طور پر مسترد کرنے پر اتفاق، اگلے ہفتے آل پارٹیز کانفرنس بلانے پر بھی اتفاق
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیر اعلیٰ سندھ مراد علی شاہ سندھ روشن کیس میں نیب راولپنڈی طلب، وزیر اعلیٰ سندھ کو چھ جولائی کو طلب کیا گیا، مراد علی شاہ اس کیس میں پہلے بھی پیش ہو کر بیان ریکارڈ کروا چکے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی میں بجلی کی طلب اور رسد میں چار سو میگا واٹ کا فرق، آٹھ سے بارہ گھنٹے کی لوڈ شیڈنگ برقرار، کے الیکٹرک نے فرنس آئل اور گیس کی عدم فراہمی کو وجہ قرار دیا، ترجمان سوئی سدرن گیس کمپنی کے مطابق کے الیکٹرک کو دو سو چالیس ملین مکعب فٹ گیس فراہم کی جا رہی ہے،،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیراعلیٰ سندھ مراد علی شاہ کی کراچی میں طویل لوڈشیڈنگ کی مذمت،،، کہا کے الیکٹرک کہتی ہے گیس اور فرنس آئل نہیں ملتا،، سوئی سدرن اور پی ایس او کہتے ہیں فراہمی جاری ہے،، تینوں محکمے وفاقی حکومت کے ماتحت ہیں،، وزیراعظم کیوں خاموش ہیں؟۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک بھر میں کورونا کیسز میں کمی آنے لگی، چوبیس گھنٹے میں دو ہزار سات سو پچھہتر کیسز رپورٹ، ملک بھر میں کورونا کیسز کی تعداد ایک لاکھ پچانوے ہزار سات سو پینتالیس ہو گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان میں کورونا چوبیس گھنٹے میں انسٹھ جانیں لے گیا، ملک بھر میں اموات تین ہزار نو سو باسٹھ ہو گئیں، کورونا کے چوراسی ہزار ایک سو اڑسٹھ مریض صحت یاب
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی میں کورونا کیسز کی تعداد انسٹھ ہزارسے تجاوز کر گئی، 24 گھنٹوں کے دوران شہر میں ایک ہزار پچاس نئے کیس رپورٹ ہوئے، وزیر اعلی سندھ کے مطابق سندھ میں کورونا کیسز کی تعداد چھہتر ہزار سے زیادہ ہو گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سابق امیر جماعت اسلامی سید منور حسن کراچی میں انتقال کر گئے، ان کی عمر 78 برس تھی، بیٹے کے مطابق والد کی طبعیت اچانک خراب ہوئی، اسپتال لے جانے پر ڈاکٹرز نے انتقال کی تصدیق کر دی، منور حسن دو ہزار نو میں جماعت اسلامی کے چوتھے امیر منتخب ہوئے تھے، نماز جنازہ کل نماز ظہر کے بعد ادا کی جائے گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صدر مملکت عارف علوی، وزیر خارجہ شاہ محمود قریشی اور وزیر اطلاعات شبلی فراز کا منور حسن کے انتقال پر اظہار افسوس، سابق صدر آصف زرداری، اپوزیشن لیڈر شہباز شریف اور چودھری شجاعت حسین کا بھی سابق امیر جماعت اسلامی کے انتقال پر اظہار افسوس، پسماندگان کے لیے صبر کی دعا، گورنر سندھ عمران اسماعیل، میئر کراچی وسیم اختر اور دیگر رہنماؤں کا بھی گہرے دکھ کا اظہار
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سپریم کورٹ کا کورونا سے بچاؤ کا حفاظتی سامان مہنگے داموں فروخت کرنے والوں کے خلاف کارروائی کا حکم،، کورونا وائرس پر یکساں پالیسی بنانے کے معاملے پر اٹارنی جنرل سے رپورٹ طلب ،،عدالت نے سندھ حکومت کو مہنگی گاڑیاں خریدنے سے روک دیا۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان میں کورونا وائرس کی ٹیسٹنگ کس حد تک مصدقہ ہے؟ پنجاب کے چیئرمین کورونا ایکسپرٹ ایڈوائزری گروپ نے خطرے کی گھنٹی بجا دی، پروفیسرڈاکٹر محمود شوکت نے کہا کہ کورونا ٹیسٹ رپورٹس تیس سے چالیس فیصد غلط ہو سکتی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسلام آباد میں طوفانی ہواؤں اور موسلادھار بارش نے گرمی کا زور توڑ ڈالا،، کالے بادلوں سے دن میں رات کا سماں بنا رہا، مری میں بھی بارش اور ٹھنڈی ہوائیں، بالائی خیبر پختون خوا، گلگت بلتستان اور آزاد کشمیر میں بھی بارش کی پیش گوئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسلام آباد کے مزید دو سب سیکٹرز آج شام سات بجے سیل کر دیئے جائیں گے، غوری ٹاؤن فیز فور اور فائیو کو بند کیا جائے گا، صرف اشیائے ضروریہ کی دکانیں کھلی رہیں گی
۔۔۔۔۔۔۔۔۔۔۔۔۔۔۔۔۔۔۔۔۔
جون میں کورونا کی خطرناک صورت حال، پچیس روز میں 24 سو کے قریب اموات، پچیس روز میں ایک لاکھ چوبیس ہزار کے قریب کیسز سامنے آئے
۔۔۔۔۔۔۔۔۔۔۔۔۔۔۔۔۔۔۔۔۔
ایک دن میں کورونا سے زیادہ اموات کے لحاظ سے پاکستان سے چودہ ملک آگے، نئے کیسز میں پاکستان کا بارہواں نمبر، ایکٹو کیسز میں صرف چار ملک پاکستان سے آگے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
احتیاط نہ کی گئی تو کورونا کیسز میں مزید اضافہ ہو گا، وفاقی وزیر اسد عمر نے خبردار کر دیا، کہا کورونا کا واحد حل احتیاطی تدابیر ہیں، 30 جون تک دو لاکھ پچیس ہزارکے قریب کیسز متوقع ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیخ رشید نے کہا ریلوے کا سارا نظام بدل دیں گے، ایم ایل ون کے حوالے سے اسد عمر اورعاصم سلیم باجوہ نے میری خواہش پوری کی، وفاقی وزیر کا محکمہ ریلوے میں ایک لاکھ ملازمتوں کا اعلان، کہا ریلوے میں میرٹ کا نیا نظام لائیں گے
۔۔۔۔۔۔۔۔۔۔۔۔۔۔۔۔۔۔۔۔۔
پشاور میں نوجوان پر پولیس تشدد کے خلاف دوسرے روز بھی احتجاج، مظاہرین کا پشاور پریس کلب سے اسمبلی چوک تک مارچ، پولیس اور نجی گاڑیوں پر پتھراؤ کیا، پولیس کی مظاہرین کو منتشر کرنے کے لیے آنسو گیس کی شیلنگ، مشیر اطلاعات خیبر پختون خوا اجمل وزیر کہتے ہیں تہکال واقعے کی انکوائری کے لیے چیف جسٹس پشاور ہائی کورٹ کو خط لکھ دیا، حکومت انکوائری کمیشن کی رپورٹ پبلک کرے گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رہنما مسلم لیگ ن احسن اقبال کہتے ہیں، حکمران ایک ایک کر کے ہر شعبے کو تباہ کر رہے ہیں، عمران خان سے بی آر ٹی کی کرپشن کا حساب لیا جائے گا، نیب والے قبر سے مردے نکال لیتے ہیں، گواہ کس طرح نہ آئیں،نارووال اسپورٹس سٹی کمپلیکس کیس کی سماعت 20جولائی تک ملتوی، نیب نے ریفرنس کے لیے ایک ماہ کا وقت مانگ لیا
۔۔۔۔۔۔۔۔۔۔۔۔۔۔۔۔۔۔۔۔۔
پاکستان میں ادویہ سازوں کا بہت بڑا مافیا ہے، ڈرگ ریگولیٹری اتھارٹی آخر کیا کر رہی ہے؟ چیف جسٹس گلزار احمد کے ادویات کے قیمتوں میں اضافے سے متعلق کیس کی سماعت میں ریمارکس، کہا حکومت کو معلوم ہی نہیں کہ کرنا کیا ہے، حکومت میں فیصلہ کرنے کی ہمت نہیں، فیصلہ کرنے کے لیے معاملہ ہمارے گلے ڈال دیا جاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مشیر خزانہ حفیظ شیخ سے چینی سفیر یو جنگ کی ملاقات ،، کورونا کی صورت حال اور باہمی تعاون کے امور پر تبادلہ خیال،،مشیر خزانہ کہتے ہیں سی پیک کے مشترکہ مقاصد کا حصول یقینی بنایا جائے گا۔۔
۔۔۔۔۔۔۔۔۔۔۔۔۔۔۔۔۔
کراچی میں لیاری ایکسپریس وے پر ٹریفک حادثہ، چار افراد جاں بحق، ایک زخمی، تیز رفتار کار فٹ پاتھ پر بیٹھے افراد کو کچل کر پل سے نیچے گر گئی، کار میں سوار تین افراد بھی زخمی، جاں بحق افراد لوڈشیڈنگ کی وجہ سے فٹ پاتھ پر بیٹھے تھے، ڈرائیورکا بیان ریکارڈ
۔۔۔۔۔۔۔۔۔۔۔۔۔۔۔۔۔۔۔۔
سابق وزیر اعظم شاہد خاقان عباسی کا کورونا ٹیسٹ منفی آ گیا، ترجمان مسلم لیگ ن مریم اورنگ زیب نے تصدیق کر دی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پی ٹی آئی کے رکن سندھ اسمبلی ارسلان تاج میں کورونا کی تشخیص، ارسلان تاج نے 20 جون کو سندھ اسمبلی کے بجٹ اجلاس میں بھی شرکت کی تھی، ہم نیوز سے گفتگو کرتے ہوئے کہا 3دن سے بخار تھا ، ٹیسٹ کرانے پر رپورٹ مثبت آئی، گھر میں ہی خود کو آئیسولیٹ کر لیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معاون خصوصی عثمان ڈار نے 125 ہائی فلو آکسیجن بیڈز کا انتظام کر لیا،، مخیر حضرات کے تعاون سے 3 کروڑ روپے کی لاگت سے جدید ترین ٹیسٹنگ لیب بھی قائم،،، عثمان ڈار کہتے ہیں آئندہ چند دنوں میں 75 آکسیجن بیڈز مزید حاصل کر لیں گے۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عدلیہ مخالف توہین آمیز ویڈیو پر از خود نوٹس کی سماعت،، سپریم کورٹ نے ڈی جی ایف آئی اے کو آئندہ سماعت پر طلب کر لیا، چیف جسٹس نے کہا ایف آئی اے کچھ نہیں کر رہی، ایف آئی اے کے پاس ججز کے دیگر معاملات بھی ہیں، افتخار الدین مرزا کو نوٹس جاری، سماعت دو جولائی تک ملتوی
۔۔۔۔۔۔۔۔۔۔۔۔۔۔۔۔۔۔۔۔
کراچی طیارہ حادثے کی عبوری رپورٹ تحقیقات پر اثر انداز ہو سکتی ہے، انٹرنیشنل فیڈریشن آف ایئر لائن پائلٹس اور انٹرنیشنل فیڈریشن آف ایئر ٹریفک کنٹرولر کا رد عمل، کہا تحقیقاتی رپورٹ کو الزام اور بہتان تراشی کے لئے استعمال کرنا ٹھیک نہیں، فضائی حادثے کی تحقیقاتی رپورٹ پر انتظامی یا عدالتی کاروائی نہیں کی جاسکتی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پارک لین ریفرنس میں سابق صدر آصف علی زرداری اور دیگر پر فرد جرم مؤخر، احتساب عدالت نے فرد جرم عائد کرنے کے لئے 6 جولائی کی تاریخ مقرر کر دی، جج نے کہا کوئی مسئلہ ہے تو آصف زرداری کو الگ بلا کر دستخط لے لیتے ہیں
۔۔۔۔۔۔۔۔۔۔۔۔۔۔۔۔۔۔۔
خواجہ آصف نیب لاہور میں پیش نہ ہوئے، نیب نے 3 جولائی کو طلب کرلیا، نجی ہاؤسنگ سوسائٹی سے متعلق دستاویزات ہمراہ لانے کی ہدایت، مسلم لیگ ن کے رہنما پر سوسائٹی انتظامیہ کی ملی بھگت سے اراضی کی غیر قانونی فروخت کاالزام ہے
۔۔۔۔۔۔۔۔۔۔۔۔۔۔۔۔۔۔۔۔۔
اسپیکر اسد قیصر کی زیرصدارت قومی اسمبلی کا اجلاس، سی پیک اتھارٹی، نجکاری کمیشن، پٹرولیم اور پاور ڈویژن کے مطالبات زر منظور، خارجہ امور ڈویژن، ہاؤسنگ اینڈ ورکس اور انسانی حقوق ڈویژن کے مطالبات زر کی بھی منظوری
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مقبوضہ کشمیر میں انسانی حقوق کی خلاف ورزی پرعالمی برادری بھارت سے جواب طلب کرے، وزیر اعظم عمران خان کا تشدد کے شکار افراد کی حمایت کے عالمی دن پر ٹویٹ، کہا مقبوضہ کشمیر میں عورتوں اور بچوں کو جنسی ، ذہنی اور جسمانی تشدد کا نشانہ بنایا جا رہا ہے،، وزیراعظم عمران خان مظفرآباد پہنچ گئے۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
مقبوضہ کشمیر میں بھارتی مظالم میں اضافہ ہوگیا،، پاکستان عالمی برادری کے سامنے بھارت کا مکروہ چہرہ بے نقاب کرتا رہے گا،،، وزیراطلاعات شبلی فراز کہتے ہیں مقبوضہ کشمیر میں پانچ اگست سے لاک ڈاؤن ہے،، کورونا اور لاک ڈاؤن کے باوجود کشمیریوں کا قتل عام جاری ہے۔۔
۔۔۔۔۔۔۔۔۔۔۔۔۔۔۔۔۔۔۔۔۔
امریکی صدارتی امیدوار جو بائیڈن کا بھارت سے مقبوضہ کشمیر میں پابندیاں ہٹانے کا مطالبہ، سابق نائب صدر نے کہا بھارت کشمیریوں کے بنیادی حقوق فوری طور پر بحال کرے، جو بائیڈن کی بھارت کے شہریت کے متنازعہ قانون پر بھی تنقید
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مقبوضہ کشمیر میں بھارتی ریاستی دہشت گردی ، ضلع پلوامہ میں بھارتی فوج کی فائرنگ سے تین کشمیری شہید، دو روز میں بھارتی فائرنگ سے شہید کشمیریوں کی تعداد پانچ ہو گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایل او سی پر سیز فائر معاہدے کی خلاف ورزی پر پاکستان کا بھارت سے شدید احتجاج، سینئر بھارتی سفارتکار کی دفتر خارجہ طلبی ، ترجمان دفتر خارجہ کے مطابق بھارتی فورسز کی فائرنگ سے 28سالہ خاتون زخمی ہوگئی تھی، رواں سال بھارت سیز فائر معاہد ے کی ایک ہزار87بار خلاف ورزی کر چکا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسلام آباد پولیس کے دو افسروں کو شہید کرنے والے 2 خطرناک افغان ملزم پولیس مقابلے کے بعد گرفتار، پولیس نے گولڑہ کے علاقے میں ایک گھر پرچھاپہ مارا، دو ملزم اندھیرے کا فائدہ اٹھا کر فرار ہو گئے، گرفتار ملزموں کے قبضے سے اسلحہ برآمد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور کے علاقے ڈیفنس میں ملازم اسٹیٹ ایجنسی سے چار کروڑ پچھتر لاکھ روپے کی رقم لے اڑے، پولیس سی سی ٹی وی فوٹیج کی مدد سے ملزموں کی تلاش میں مصروف
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مشیر اطلاعات خیبر پختون خوا اجمل وزیر کہتے ہیں صوبے میں کورونا کی ٹیسٹنگ کی صلاحیت تین ہزار آٹھ سو تک پہنچ گئی، اسے دس ہزار یومیہ تک لے جائیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔
وفاقی وزیر نور الحق قادری کہتے ہیں عید پر قربانی کو محدود یا ختم کرنے کا حکومت کا کوئی ارادہ نہیں، حکومت چاہتی ہے کہ اس مرتبہ حفظان صحت کے اصولوں کے مطابق قربانی کی جائے، ایس او پیز کا مکمل خیال رکھا جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا بھرمیں کورونا کیسز ستانوے لاکھ سے بڑھ گئے، ہلاکتیں پانچ لاکھ کے قریب ، ترپن لاکھ کے قریب مریض صحت یاب
۔۔۔۔۔۔۔۔۔۔۔۔۔۔۔۔۔۔۔۔۔
روسی صدر ولادی میر پیوٹن دو ہزار چھتیس تک عہدے پر رہنے کے خواہشمند، آئین میں دو سو ترامیم اور پیوٹن کے دوبارہ انتخاب لڑنے سے متعلق ریفرنڈم جاری، ساڑھے پانچ کروڑ افراد حق رائے دہی استعمال کریں گے
۔۔۔۔۔۔۔۔۔۔۔۔۔۔۔۔۔۔
امریکی سیاہ فام شہری جارج فلائیڈ کی پولیس کے ہاتھوں ہلاکت کو ایک مہینہ ہو گیا، جارج فلائیڈ کےقتل پر شروع ہونے والا احتجاج، تحریک میں تبدیل، امریکا کی تمام ریاستوں میں مظاہرے، پچاس شہروں میں کرفیو لگایا گیا، امریکی پولیس کے خلاف دنیا کے کئی ملکوں میں بھی احتجاج کیا گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا وبا کے باعث ڈنمارک کی وزیر اعظم کی شادی تیسری بار ملتوی، شادی سترہ جولائی کو ہونا تھی، کورونا وبا پر یورپی یونین کے اجلاس کے باعث تاریخ ایک بار پھر آگے بڑھا دی گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پی سی بی نے کورونا سے متاثرہ کھلاڑیوں کو تنہا چھوڑ دیا،،، سابق کپتان انضمام الحق کی کرکٹ بورڈ پر تنقید،، کہا بورڈ کو مشکل میں کھلاڑیوں کے ساتھ ہونا چاہیے،، حفیظ نے بھی ٹیسٹ رپورٹس سوشل میڈیا پر شیئر کرکے غلط کیا
۔۔۔۔۔۔۔۔۔۔۔۔۔۔۔۔۔۔۔۔۔۔
دورہ انگلینڈ کے لیے قومی کرکٹرز کا بائیو سیکیور ماحول میں تیسرا روز، کرکٹرز آن لائن فون کالز کے ذریعے گھر والوں سے رابطے میں، اظہر علی، سرفراز اور یاسر شاہ نے اپنے بچوں سے باتیں کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مانچسٹر سٹی چیلسی سے ہار گئی، انگلش پریمیئر لیگ کا مقابلہ دو ایک سے چیلسی کے نام
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انگلش پریمئیر لیگ کا تاج لیور پول کے سر سج گیا، لیور پول نے تیس سال بعد لیگ کی ٹرافی اپنے نام کی، ابھی لیگ میں لیور پول کے سات میچز باقی، مداحوں کا جشن
۔۔۔۔۔۔۔۔۔۔۔۔۔۔۔۔۔۔
ماہرہ خان اور بلال اشرف سمیت شوبز اسٹار اور سیلبریٹیز کا منفرد فوٹو شوٹ، فاصلے کی اہمیت کا خیال رکھتے ہوئے دور دور کھڑے ہو کر تصاویر بنوائیں، کراچی کے فوٹو گرافر جعفر حسن نے سب کو کیمرے میں قید کر لیا
۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا کی وجہ سے ہیری پوٹر کی پھر انٹری ،، ہیری پوٹر سیریز کی فلمیں بزنس میں امریکا کے ڈیجیٹل چارٹ میں ٹاپ ٹوینٹی میں آگئیں
About The Author
اے وی پڑھو
سیت پور کا دیوان اور کرکشیترا کا آشرم||ڈاکٹر سید عظیم شاہ بخاری
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ