پاکستان سمیت دنیا بھر سے آج کی خبریں،مختصر مختصر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پائلٹ اور ایئر ٹریفک کنٹرولر کراچی طیارہ حادثہ کے ذمہ دار قرار،عبوری تحقیقاتی رپورٹ قومی اسمبلی میں پیش، وزیر ہوا بازی غلام سرور کہتے ہیں، ائیر ٹریفک کنٹرولر نے تین بار پائلٹس کی توجہ مبذول کرائی کہ لینڈنگ نہ کریں،پائلٹس نے ہدایات کو نظر انداز کیا،پہلی بار لینڈنگ کی کوشش پر رگڑ سے طیارے کے انجن سے آگ نکلی، کنٹرول ٹاور نے پائلٹ کو آگاہ نہیں کیا، طیارہ پرواز کیلئے سو  فیصد فٹ تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پائلٹس کے ذہنوں پر کورونا سوار تھا، دونوں پائلٹ آخری وقت تک کورونا پر گفتگو کرتے رہے ،وزیر ہوا بازی غلام سرور کہتے ہیں،پائلٹس کے خاندان کورونا سے متاثر تھے،ایئر ٹریفک کنٹرولر نے طیارے کی بلندی زیادہ ہونے سے آگاہ کیا تو پائلٹ نے کہا وہ مینج کر لے گا،کراچی طیارہ حادثے میں ستانوے افراد جاں بحق ہوئےتھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پیپلزپارٹی کے سات ارکان قومی اسمبلی نے این آر او مانگا، ایک تو اس وقت بھی اسمبلی میں موجود ہیں ، وفاقی وزیر مراد سعید کا الزام ،کہتے ہیں ، سوشل میڈیا پر میرے خلاف منظم مہم چلائی گئی، سیاسی مخالفت کے نام پر میرے خاندان کی تضحیک  کی گئی، میں اتنا ہی برا ہوں تو میرے پاس اپنی فائلیں کیوں لے کرآگئے؟ چار کو بے نقاب کیا مزید تیس کو بے نقاب کروں گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں جمہوریت نہیں ، کوئی مان گیا، کوئی کچھ عرصے میں مان جائے گا ،رہنما مسلم لیگ ن خواجہ سعد رفیق کا قومی اسمبلی میں اظہار خیال، کہا ،تحریک انصاف کےمطابق سارے چوراپوزیشن میں ہیں،کوئی اِن کو سمجھائے مخالفین کو مقدمات میں الجھانے سےملک نہیں چلتا،حکومت سیاسی اختلاف کو سیاسی دشمنی میں تبدیل کررہی ہے، حکومت ٹڈی دل کا مقابلہ نہیں کرسکتی، کورونا کا کیا مقابلہ کرے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک بھر میں کورونا سے ایک روز میں ساٹھ اموات، گزشتہ بائیس روز کے دوران یہ سب سے کم ہونے والی اموات ہیں،اب تک مجموعی اموات کی تعداد تین ہزارسات سو پچپن ہوگئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں ایک روز میں تین ہزار آٹھ سوبانوے نئے کیسز رپورٹ،جون کے پورے مہینے میں اب تک کے سب سے کم کیسز رجسٹر ہوئے، متاثرہ افراد کی مجموعی تعداد ایک لاکھ نواسی ہزار کے قریب پہنچ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا ٹیسٹ منفی یامثبت؟ معاملے نے کرکٹرزکوبھی الجھا دیا، محمد حفیظ کا پہلے پی سی بی نے کورونا ٹیسٹ کرایا جو مثبت آیا ، حفیظ نے دوسرا ٹیسٹ ذاتی حیثیت میں کرایا جو منفی آگیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دورہ انگلینڈ کیلئے قومی ٹیم میں شامل کاشف بھٹی، محمد رضوان اور وہاب ریاض کا کورونا ٹیسٹ مثبت آگیا، فخر زمان، عمران خان اور محمد حسنین بھی بیماری میں مبتلا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد میں بڑھتے کورونا کیسز، سیکٹر جی سکس ون، جی سکس ٹو، جی سیون ٹو، جی ٹین فور کو سیل کرنے کا فیصلہ،علاقوں کو آج شام سات بجے سیل کردیاجائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور میں زیادہ کورونا کیسز والے مزید سات علاقوں کو سیل کرنےکا فیصلہ، گلبرگ، ماڈل ٹاؤن، فیصل ٹاؤن، گارڈن ٹاؤن، ڈی ایچ اے، گلشن راوی اور والڈ سٹی مکمل بند رہیں گے، علاقےرات بارہ سے سات روز کیلئے بند رہیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ممتازماہر تعلیم پروفیسر ڈاکٹر مغیث الدین شیخ کورونا کے باعث انتقال کر گئے ،لاہور میں  سپرد خاک، ڈاکٹر مغیث الدین جامعہ پنجاب میں شعبہ ابلاغیات سے وابستہ رہے، دنیا میں ان کےپچاس سےزیادہ ریسرچ پیپرزشائع ہوچکے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ اسمبلی کے اجلاس میں مسلسل تیسرے روز ہنگامہ،اپوزیشن اور حکومتی ارکان کے درمیان سخت جملوں کا تبادلہ، مکیش کمار چاولہ نے کہا ،اپوزیشن ارکان ہماری خواتین کی عزت نہیں کرتے،نصرت سحرعباسی  بولیں،اپنی پارٹی کی خواتین ارکان کو بھی اخلاقیات سکھائیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان کو عالمی مالیاتی اداروں سے ایک ارب ڈالر موصول ہوگئے، اسٹیٹ بینک کے مطابق ،پچاس کروڑ ڈالر ایشیائی ترقیاتی بینک اور پچاس کروڑ ڈالر ورلڈ بینک سےملے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک لاکھ ساٹھ ہزار عازمین حج کو پچاس ارب روپے واپس کیے جائیں گے ،وفاقی وزیر مذہبی امور نورالحق قادری کی ہم نیوز کے پروگرام ’’بڑی بات‘‘ میں گفتگو ، کہا ،سعودی حکومت نے حج کی میزبانی نہ کرنے کے فیصلے پر اعتماد میں لیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان اور بھارت میں سفارتی جنگ ، بھارت نے بےبنیاد الزامات پرنئی دہلی میں پاکستان کا سفارتی عملہ آدھا کردیا، پاکستان نے بھی بھارتی عملے میں پچاس فیصد کمی کردی، بھارتی ناظم الامور کی دفتر خارجہ طلبی،ویانا کنونشن کی خلاف ورزی کےالزامات مسترد، انڈین عملے میں کمی کے فیصلے پر سات روز میں عمل کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارت جیسا کرے گا، ویسا ہی جواب  دیا جائے گا ،وزیرخارجہ شاہ محمود قریشی کادو ٹوک  پیغام ، کہا ، بھارت فالس فلیگ آپریشن کے بہانے تلاش رہا ہے، نئی دہلی کےعمل پراسلام آبادردعمل ظاہر کرےگا، چین کاخطے میں امن کےلیےبھارت کےخلاف  اقدام درست تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان نے اقوام متحدہ کی پابندیوں کی فہرست میں چار بھارتی شہریوں کو شامل کرنے کی تجویز دے دی، چاروں بھارتی شہری پاکستان میں دہشت گردی کیلئے منظم کارروائیوں کی سرپرستی کرتے رہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں بجلی کی طویل بندش سے شہریوں کا جینا محال،دورانیہ بارہ گھنٹے تک پہنچ گیا، شہریوں کا شارع قائدین پر کے الیکٹرک کے خلاف احتجاج،شہر میں بجلی کا ترسیلی نظام مفلوج ہونے لگا ،مختلف علاقوں میں گزشتہ گھنٹوں کے دوران آٹھ  ٹرانسفارمر جل گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ میں کورونا کیسز کی تعداد چوہتر ہزار سے بڑھ گئی ، چوبیس گھنٹوں میں چودہ سو چودہ نئے کیسز رپورٹ ،مرنے والوں کی تعداد گیارہ سو اکسٹھ ہوگئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک دن میں کورونا سے زیادہ اموات کےلحاظ سے پاکستان تیرہ ممالک سے پیچھے،نئے کیسز میں پاکستان کا نمبر ساتواں ،ایکٹو کیسز میں بدستور پانچواں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جون میں کورونا کی خطرناک صورتحال، تئیس روز میں بائیس سو کے قریب اموات ، کورونا کیسز کی تعداد ایک لاکھ سترہ ہزار سے بڑھ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں کورونا وائرس ری انفیکشن کا پہلا مبینہ کیس یا غلط ٹیسٹنگ ؟؟پی آئی سی کے کارڈیک سرجری کے سربراہ میں صحتیابی کے بعد پھر کورونا کی تشخیص ہوگئی، پنجاب انسٹی ٹیوٹ آف کارڈیولوجی کے سربراہ اس سے قبل اپریل میں بھی موذی وبا سے متاثر ہوئے تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پندرہ اگست سے پہلے کوئی اسکول نہیں کھل رہا،وزیرتعلیم پنجاب مرادراس نے واضح  کردیا ، ہم نیوز کے  پروگرام ’’صبح سے آگے‘‘میں گفتگو میں کہا، اسکول کھولنے سے متعلق خبریں بےبنیاد ہیں، پرائیویٹ اسکولز انتظامیہ کے دباوَمیں  ہم  نہیں آئیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب میں دہم جماعت کے پرچے چیک کرنے کی اجازت ، ایگزامینر دوران ڈیوٹی ماسک اور گلووز استمعال کریں گے، اپنی استعمال کی اشیا کسی سے شیئر نہیں کریں گے، سماجی فاصلے کا خیال  بھی رکھا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اپوزیشن لیڈر شہباز شریف کی معاشی پالیسی پر تنقید ، کہا ، معیشت خلا میں تباہ نہیں ہوئی اور نہ ہی قیمتیں اچانک آسمان پر پہنچی ہیں، وزیراعظم عمران خان ! یہ سب آپ کی پالیسیوں کے سبب ہوا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رہنما پیپلز پارٹی قمرزمان کائرہ نے کہا ہے کہ ، فواد چودھری نے بیان دیا نہیں اِن سے دلوایا گیا ، پہلے ہم کہتے تھے ، اب حقیقت وزرا کی زبان پر بھی آ رہی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کینٹ ہاؤسنگ سوسائٹی سیالکوٹ کیس،نیب  نےمسلم لیگ ن کے رہنما خواجہ آصف کو چھبیس جون کو طلب کرلیا ،خواجہ آصف پر موجودہ اراضی سے زیادہ فروخت کرنے کاالزام ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد میں غلاف کعبہ کی دس روزہ نمائش کا افتتاح ،وزیر مذہبی امور نور الحق قادری کہتے ہیں، روزہ رسول کی زیارت کے خواہشمند افراد کو  نمائش سےراحت ملے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا میں کورونا سےصحت یاب ہونےوالوں کی تعداد زیادہ ، مریض  کم ، اب تک پچاس لاکھ پینسٹھ ہزار سےزائد مریض بیماری کو شکست دے چکے ، چار لاکھ اسی ہزارسے زائد اموات

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی طیارہ حادثے کے بتیس دن بعد احمد مجتبی اور عبدالقیوم کی میت کا معاملہ حل، چھیپا سرد خانے سے تیس مئی کو ڈسچارج ہونے والی میت احمد مجتبی کی تھی، سرد خانے میں موجود میت فلائٹ اسٹیورڈ عبدالقیوم کی ہے، میت ورثا کے حوالے کردی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چترال طیارے کا واقعہ تکنیکی خرابی کی وجہ سے پیش آیا، بوجا ائیر کریش خراب موسم اور انتظامی غفلت کا نتیجہ تھا،ائیربلیو کےکریونے پروسیجرز کی خلاف وزری کی تھی، وزیر ہوا بازی غلام سرور نے قومی اسمبلی میں تفصیلات پیش کر دیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غلام سرور خان کہتے ہیں، پاکستان میں پائلٹس کی سیاسی بھرتیاں ہوتی ہیں، دو سو باسٹھ پائلٹس کے لائسنس جعلی نکلے، کئی پائلٹس کے پاس جہاز اڑانے کا تجربہ نہیں، ان معاملات پر ایکشن لیا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گلگت بلتستان میں ن لیگ کی پانچ سالہ مدت مکمل،آئندہ انتخابات کے انعقاد کیلئے نگران حکومت قائم ، نگران وزیراعلیٰ میرافضل خان نے حلف اٹھالیا، نگران حکومت دو ماہ میں انتخابات کرائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تحریک انصاف کے رکن قومی اسمبلی ریاض فتیانہ کہتے ہیں، کہا جا رہا ہے کہ ٹڈی دل کھانے سے کورونا نہیں ہوتا، حکومت اِس بات کی تحقیقات کرائے، اگر یہ درست ہوا تو پاکستانی قوم خود ہی ٹڈی دل کا تیا پانچا کر دے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں سوتیلی ماں کا بچوں پر تشدد کا کیس،جوڈیشل مجسٹریٹ نے بچوں کو ایدھی چائلڈ سنٹر کے حوالے کردیا، عدالت نے بچوں کے حقیقی والدین کو طلب کرلیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کہیں رم جھم، کہیں بوندا باندی، لاہورسمیت پنجاب کے کئی شہروں میں بادل برس پڑے، گرمی کی شدت میں کمی ، اسلام آباد میں بادلوں کے ڈیرے، اسلام آباد، خیبر پختون خوا اور بالائی پنجاب میں مزید بارش کی پیش گوئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلیٰ پنجاب سےارکان صوبائی اسمبلی کی ملاقات، عثمان بزدار کہتے ہیں ،ترقیاتی کام ترجیحی بنیادوں پرہوں گے، کورونا کا پھیلاوَ روکنے کیلئے متاثرہ علاقے سیل کئے، عوام احتیاطی تدابیر کوعادت بنالیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان کا کرنٹ اکاؤنٹ خسارہ سرپلس ہوگیا،اسٹیٹ بینک کے مطابق،مئی دوہزار بیس میں کرنٹ اکاؤنٹ خسارہ ایک کروڑ تیس  لاکھ ڈالر سرپلس رہا، اپریل میں ترپن کروڑ ڈالر کا کرنٹ اکاونٹ خسارہ تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان سمیت دیگر ممالک کے اقامہ ہولڈرز جلد سعودی عرب واپس نہیں آسکیں گے، سعودی محکمہ پاسپورٹ نے کہا ، کورونا کے خاتمے تک واپسی ممکن نہیں ہوگی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یورپی یونین کا امریکی شہریوں کے داخلے  پر پابندی کا عندیہ، یورپی یونین ایک لاکھ افراد میں سے پچاس سے کم کورونا مریضوں والےملکوں کو داخلے کی اجازت دے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں کورونا مریضوں کی تعداد چوبیس لاکھ سے زیادہ ، ایک لاکھ تئیس ہزار سے زائد اموات

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رواں سال کے آخر یا آئندہ سال کے آغاز تک کورونا ویکسین تیار ہوجائے گی، امریکی ڈاکٹراینتھونی فاؤچی نے دنیا کو امید دلا دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹینس اسٹار نواک جوکووچ کا کورونا ٹیسٹ مثبت آگیا،عالمی نمبر ون نے خود کو گھر میں قرنطینہ کرلیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آسٹریلیا میں ایک ماہ میں کورونا سے پہلی  ہلاکت، ریاست وکٹوریا میں اسی سالہ شخص چل بسا، آسٹریلیا میں اب تک  سات ہزار سے زائد کورونا کیسز، ایک سو تین اموات رپورٹ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عالمی جنگ میں جرمنی کےخلاف فتح کی سالگرہ، روس کے دارالحکومت ماسکو میں کورونا خدشات کے باوجود ملٹری پریڈ،ہزاروں اہلکاروں کی شرکت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا کی جنگی طیارے سے ایٹم بم  گرانے کی مشق ،جدید ترین ایف تھرٹی فائیو اے طیارے سے فرضی ایٹم بم گرانے کی تصاویر جاری

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میکسیکو میں سات اعشاریہ چار شدت کا زلزلہ ، چار افراد ہلاک، درجنوں زخمی ،کئی عمارتوں کو نقصان،کورونا کے مریض اور ڈاکٹر اسپتالوں سے باہر نکلے آئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گاڑی لاک کرنی ہو یا اسٹارٹ ،، اب چابی کی ضرورت نہیں ، یہ کام موبائل کرے گا، اپیل کا آئی فون میں نیا فیچر شامل کرنے کا اعلان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کوسنجیدہ نہ لینے پر برازیل کے صدر کو تنقید  کا سامنا ، وفاقی جج کا صدر کو ماسک پہننے کا حکم، برازیل کے صدرنے گزشتہ ہفتے ماسک کے بغیر کئی پرہجوم مقامات کا دورہ کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دوسو نوے میٹر بلندی پر ملازمت، آسٹریلوی شہری سڈنی کے بلندترین ہوٹل میں کام کرنے پر خوش

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ویت نام میں پچیس منزلوں پر مشتمل سونے کا ہوٹل ،دنیا کے سونے سے تعمیر پہلے  ہوٹل کی دیواروں پرگولڈ ٹائلز کا استعمال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیویارک میں ساحل کو تیرا کی کیلئے کھولنے کا اعلان،یکم جولائی سے شہری ساحل کا رخ کرسکیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپین میں گرمیوں کو خوش آمدید کہنے کا روایتی تہوار ، ساحل سمندر پر آتش بازی کا شاندار مظاہرہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فن کے سلطان ،،، سلطان راہی کے مداح آج اُن کی بیاسی ویں سالگرہ منارہے ہیں، سات سو سے زائد پنجابی فلموں میں صلاحیتوں کا لوہا منوایا،سلطان راہی گنیز بک آف ورلڈ ریکارڈ میں آنے والے پہلے پاکستانی فنکار بھی ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔

فاسٹ باؤلر محمد عامرنے مکی آرتھر کو مصباح الحق سے بہتر کوچ قرار دےدیا، کہا، دونوں کا موازنہ کرنا بے وقوفی ہے،مصباح کو کوچ بنے چھ ماہ ہوئے ہیں ،انہیں کوچنگ سیکھنے میں وقت لگے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹوٹنم کی ویسٹ ہیم کے خلاف اہم جیت ،، دو صفر کے اسکور کے بعد میزبان ٹیم لیگ میں ساتویں نمبر پر آگئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہیپی برتھ ڈے میسی ، اسٹارفٹ  بالر تینتیس برس کے ہو گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جنگل میں جادوئی درخت کی تلاش اب اگلے سال ،، ایڈوینچر سے بھرپور ’’دی جنگل کروز‘‘ کو اب جولائی دوہزار اکیس میں ریلیز کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

About The Author

ویب ڈیسک

See author's posts