کیا ساڈا جیون جوگ واقعی ساڈی تھوڑی بہت مرضی نال ھے یا ول دھوکہ سراب ھے۔۔۔۔ساڈی بولی۔۔مثی۔۔۔گھر۔۔وسیب۔۔۔ساڈا جغرافیہ نال تال میل ھے یا کینا۔۔۔۔ایویں لگدے کجھ وی ساڈے وس اچ نیں۔۔بے وسی ھے۔۔۔
منہ اچ لوظ اوپرے ھن۔۔یتھ اچ موبائل اوپرا ھے۔۔۔بستے دی کتاب اچ لکھیے سبق۔۔تختی دی تحریر۔۔دیوار تیں لکھیے نعرے۔۔۔مسیت لکھی نصیحت اوپری ھے ۔۔دوا اوپرا ھے۔۔علاج اوپرا ھے۔۔۔یار۔۔وسیب دے مسلے۔۔۔ضابطے۔۔رسم رواج کلچر اوپرے ییں۔۔۔ساڈی چال کٹھ پتلی ھے۔۔
ساڈا حال کھوپے لگیا ڈاند کار ھے۔۔۔۔ساڈا ویس ساڈا دیس اچ کوئی اجنبی راج دا سایہ ھے۔۔ساڈی فصل ساڈی نیں۔۔ساڈا دریا ساڈا نیں۔۔جنگل بیلا۔۔تھل۔۔دمان روہ۔۔روھی۔۔گھر دے اگو سڑک۔۔لگدے کوئی باہرو دے کہیں جن دی بھوت دی ھے۔۔ائے جن وی اوپرا ھے۔۔
بھوت وی ساڈے بھوپے دے وس دا نیں۔۔۔ساڈے مال۔۔ساڈے مویشی ساڈے لباس۔۔ساڈے دماغ۔۔ساڈے حال و بے حال اپڑیں نیں۔۔کہیں بیے دی ڈتی ڈات ھن۔۔۔گچی بدھی گانی ھن۔۔ھتھ بدھی ہتھکڑی ھن۔۔پیر بدھی بیڑی ھن۔۔۔۔ ول اساں کون دا پتہ رل گئے۔۔اساں پتھر۔۔سل۔۔گارا۔۔جھوک۔۔۔پتنڑ۔۔۔رول کھڑے۔۔۔۔پار اروار ونجا کھڑے۔۔۔۔
ساڈے سر تیں کہیں حاکمیں دا شامیانہ ھے۔۔ساڈے لکیے بدل۔۔کھیمنڑ ۔۔واچھڑ پچھو کوڑا مینہہ ھے ملہار ھے۔۔۔چو چودھار ھے۔۔۔کہیں عالمی غاصبی پینٹنگ دا بنڑیا نیلا بناوٹی اسمان ھے۔۔۔۔ساڈے واسطے سچل بس قبرستان ھے۔۔۔روح سچل ھے۔۔روح دی تسکین۔۔۔بخشش دے بول ساڈے نیں۔۔۔اساں اپ دے نیں۔۔۔۔
کوئی منتر گولوں۔۔اتھوں نکلنڑ دا۔۔۔اپ کوں گولنڑ دا۔۔۔ول ونڑ توں پچھوں۔۔پکھیاں توں۔۔بولیاں توں۔۔پرانے ٹبیاں توں۔۔اپنے وڈکیاں توں۔۔چھل توں مینگھ ملہار توں۔۔مہری توں مہار توں۔۔
کئی پرانے ٹرئے وافلے توں۔۔کوئی نویں تکھیں دیدیں توں۔۔دلیلیں توں۔۔۔اساں اپڑاں ھنڑ ونجا نسے سگدے۔۔۔منہ اپڑیں دا لقمہ انہاں کوں کھوا نسے سگدے۔۔۔۔
سر جوڑوں۔۔۔ہتھ چاوں ۔پیر ٹوروں۔۔۔۔تحریر ٹوروں۔۔۔شعر ٹوروں۔ اساں وہمی جیون توں اپڑیں دائمی جیون دا اہر کروں۔۔۔فخر کروں۔۔۔۔
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر