سابق وزیراعظم یوسف رضا گیلانی کورونا وائرس سے متاثر

پاکستان پیپلزپارٹی کے سینئر رہنما اور سابق وزیراعظم پاکستان یوسف رضا گیلانی بھی کورونا سے متاثر ہو گئے۔

یوسف رضا گیلانی کے بیٹے قاسم گیلانی نے سوشل میڈیا پر اپنے والد کی قومی احتساب بیورو میں پیشی کی تصوریر شئر کرتے ہوئے کہا کہ ان کے والد سابق وزیراعظم یوسف رضا گیلانی کا کورونا وائرس ٹیسٹ مثبت آیا ہے۔

Thank you Imran Khan’s govt and National Accountibilty Burearu! You have successfully put my father’s life in danger. His COVID-19 result came postive. pic.twitter.com/VxiEXFOkZA

— Kasim Gilani (@KasimGillani) June 13, 2020

قاسم گیلانی نے اپنے ٹوئٹر پیغام میں کہا ہے کہ ‘ شکریہ عمران خان حکومت اور قومی احتساب بیورو میرے والد کی زندگی کو خطرے میں ڈالا، اب ان کا کورونا وائرس ٹیسٹ مثبت آگیا ہے۔’

پاکستان مسلم لیگ (ن) کے صدر اور قائد حزب اختلاف شہبازشریف کا سابق وزیراعظم اور پی پی پی رہنما یوسف رضاگیلانی کے کورونا پازیٹو ہونے پر اظہار افسوس اور صحت کی دعا کی ہے ۔

شہباز شریف نے کہا ہے کہ یوسف رضاگیلانی نے ملک اور جمہوریت کے لئے گراں قدر خدمات انجام دی ہیں۔ اللہ تعالی یوسف رضاگیلانی سمیت تمام مریضوں کو صحت کاملہ عطا فرمائے

About The Author

ویب ڈیسک

See author's posts