رتھ دھیمیں دھمیں ٹور
ساڈے اٹھ سال بعد کوہ نداتوں ڈوجھاسڈآیاتاں آیم آیم کریندئیں لنگیں دی سریر جھلیم اٹا سمل تھاں تھپا پیسہ ٹکا کپڑا لٹا کیا لاتھے تھیا کیا چا جلوں کینکوں آکھوں کیا کیا سنبروں کیا شے چاووں کیا سٹ گھتوں ہزار سوچاں ہزار وہمے ڈاندیں پیر مہاڑا تھیندا ہا تاں گنہور پیردو ویندے ہاسے سبھ دھنوال تے اجڑ والے کھٹے تھی تے ٹکروصل چیندے ہاسے ہک بے کوں ہکلاں ڈیندے ہاسے
نزرا موسے ماما راضی واحد فقیرا جیون پیرن نانا درن بنگل ڈتہ بگھو پلیا کیڈے گئے وے بھج آوو ووئے گہور پیر دوویندے پئے ہیں جوار دی روٹی پھکے چاول کنٹک دی بھسری بھت سانوک دا اتے سمکا سارے چا بھج پوندے ہاسے
کالے روہ تے بھورا کجلا جھڑ تھیوے ہا کھوڑا نئیں تے مینہہ دی پہلی پھینگ ڈھہن توں پیلے وت سارے جڑ نہندے ہاسے ایں واررغام تے کیڑھا ولیسی دودن دادواتے کریما غازی خاں اتے اللہ ڈیوایا مٹھو خاں وزیر شبیر لنگھڑیں پیٹ رغام تے ویسن حاصل پیرا سوہری والا سوہنا سائیاں محب دریا ایں واری تاں دریاویں دا ساراپانی ساکوں ڈیویں پیارا
پیر ات واری تاں ساڈا بناں ہک ناں ترٹے نویں پرنی ننڈھی چھوٹی نونہہ جےسس دے ڈرتوں لک تے پئے کوں شانداں ڈیوے ہا تاں سس پٹکا گھت ڈیندی ہئی ہے وے لوکو ڈہدے پے وے منتاں من تے نونہہ گھن آئیاں گبھرو پترپر نا ئمیی سرور پیر دے چاڑھے چاڑھیم
حاجی پور دی چادر ڈتم خانپور والے پیریں دے میں ست ست پھیرے کیتم جنج چڑھوایم ڈاہ ڈینہہ دول نغارا وجیا چھی ست پھنڑ راں کٹھیم جنج دی تریہہ لہاون کیتے سارا ڈینہہ میں ڈھاک تے گھڑا چاتم نونہہ اہدی ء سس مرونجے نونہہ دی پھپھڑی پھپھڑی کنبے اکھیں توں پے ہنجوں وہن ہائے ماسی میں کائنی آکھیا حاصل پیردی قسم ہے میکوں جے میں ایویں آکھیا ہووے
جند میڈی تے جندے پیر دا گڑا ترٹے چھوٹے بال کوں جیکر کو ساتھی پووے ہا جڈاں متھا اوندا تپ وینداہا لنگیںدے وچ سول اٹھن ہا بال کوں کنبنی لگ ونجے ہا اماں مریں میں ہن مرداں اہدئیں اہدئیں کھٹ توں ڈھہہ پووے ہا مانکے بال دی ٹیکی بن تے بھوئیں توں اونکوں چاگھندی ہئی
اٹے دی ہک مٹھ بھریندئیں بال دے ہتھ وچ ڈیندی ہئی تے اہدی ہئی ابا میڈا مٹھ اٹے دی جاتے ونج پیا گھر دے پچھوں ککر توڑیں ٹردا ونجیں اٹا نال کریندا ونجیں ول ککر کوں گل چالاویں اونکوں اکھیں سن وے ککر میڈا اٹا سمل مک گئے میڈاکوساہن توں گھن چامیں پیا وینداں اٹا چاون میڈا بچڑا ول جو ولسیں کوسا کائنا ہوسی نانی سگھڑ بھیڈاں گھن تے ویندی پئی ہئی تھڈا آلیس منہہ دے بھرونج ڈٹھی ارکیں توں چم لہہ پیا تے پیردی موہ نکل گئئ
نانا پیارا ڈاچی گھن تے مال دوٹر پیا زال کوں آکھیس پیردو جلوں نانا پیارا نانی سگھڑ قادر پیر دی وستی والے دگ تے ٹرپے قادر پیر کتاباں پھولیاں اکھیں تے چا عینک لالیس ورقہ ورقہ پڑھدئیں چھرکی بھریس
قصہ پہلے سن گھدا ہس آکھس ماسی بھیڈاں گھن تے ویندئیں ویندئیں جیں ویلے توں ڈٹھی ہانویں اوں ویلے تاں اوں بنے تے بال کھڑے ہن جنیں دے بال دے پیرکوں تیڈا پیروی ونج لگاہا بال دا پیوکوڑیج پیاہا اوں ول تیکوں دھکا ڈتا جن اجن وی کاوڑ ئیے پے ہن کالی ککڑ گھن کہاویں سری پاوے اندھے کالے کھوہ وچ سٹیں ماس کوں چاگستان دو ونجیں کہیں جاسٹ تے گھرول آویں
جن دی کاوڑ مٹھی تھیسی ول تیکوں کوئی حینس نہ تھیسی اسلم خاں تے احسن واگھا تاج گوپانگ تے شاہد جتوئ تہاکوں کیا تھئے سوہنا سائیں اساں مٹی گارا لیپ تے ٹردوں ساڈے منہہ وچ ددن موکل سوہنا ویندے ئپے ہیں ٹاٹا بائی بائی کیا آکھئے وے نوں سو چوہے پورے تھی گن ہاسوہنا ایویں سمجھوں سیانے آہدن بھٹ دا راجہ سندھ دھرتی دا گھوٹ سبھاگا
پیرپیا دا ٹردارہ گے لانڈھی توں لس بیلہ گیاہا نیرون کوٹ دا پندھ کیتا ہس تھل دی ریت کوں جھاگیس دریا شاہ دی لہر لہر دا درشن کیتس شہر بھنبھور دی سسی دا وبج پیرا چاتس سوہنی نال دریا وچ لڑھیا مومل کاک محل وچ ڈٹھس بن لاہوتی روہ ڈونگر دے پنیڈے کرتے گورکھ ونج ساہ کڈھیس
اہڈن سوہنا شاہ لطیف شہر مدینے ویندا پیاہا پیدل پندھ کریندا رہ گیا کئی ڈینہیں داکئی کوہیں دا پندھ کیتس تاں ٹوبھا نظر یس پانی پتیس سکے کنڈے چھدری چھاں سوغات ءچ ڈتی شاہ بہہ تھیا اہدن کہیں جا چردئیں چردئیں چردئیں تریہہ لگی تاں بکریاں درکدیاں آئیاں ٹوبھے پج تے گوڈے سٹ تے ڈاڈھی سک نال پانی پیتا وت بکریاں ٹوبھے اندر پہہ گیاں
پانی چھوچھن پئے گیاں کھیڈن پئے گیاں اہدن شاہ پچھوں تے ٹرپیا سک ہک دیددی سٹ نی کھادی تریہہ تاں بک وچ مک ویندی ھے میں جے شہر مدینے گیم تاں ہکے بک نال رج تے پانی چھوچھن پئے ویساں میں نئیں ویندا اساں نہ گنہور پیروے سوہنا اساں نہ شاہ لطیف ساڈا تاں پندھ ڈھیر پیاہے چھوٹا بندا چھوٹے بک وچ ہک گھٹ گھن تے انج تھی بہسی ساڈی کیا اوقات رتھ تے بندی دڑگ نہ سہندی
جاری ہے۔۔۔۔۔
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر