پاکستان سمیت دنیا بھر سے آج کی مختصر خبریں

پاکستان میں جولائی کے آخر یا اگست میں کورونا کیسز عروج پر ہوں گے، احتیاط نہ کرنے والے سب کی زندگی اور ملک کو مشکل میں ڈال دیں گے، وزیراعظم عمران خان کہتے ہیں، وائرس نے ابھی پھیلنا ہے، کوشش ہے آہستہ پھیلے، لاک ڈاؤن کی وجہ سے لوگ مشکل وقت سے گزر رہے ہیں، ترقی یافتہ ممالک نے بھی لاک ڈاؤن ختم کر دیا، عوام سے ماسک پہننے کی اپیل بھی کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا کیسز ایک لاکھ سے بڑھ گئے، چوبیس گھنٹوں میں مزید  چار ہزار سات سو سے زائد نئے کیسز رپورٹ، مہلک وائرس سے متاثرہ مریضوں کی تعداد ایک لاکھ  تین ہزار سے زائد، اب تک دو ہزار سڑسٹھ زندگی کی بازی ہار گئے، چونتیس ہزار سے زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں اکتیس ہزار پانچ سو سے زائد افراد میں کورونا کی تشخیص، سندھ میں مریضوں کی تعداد چالیس ہزار کے قریب پہنچ گئی، چوبیس گھنٹوں میں ایک ہزار چار سو سینتالیس نئے کیسز رپورٹ ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ارکان پارلیمنٹ اور سیاسی رہنماؤں میں کورونا کا پھیلاؤ تیز، وزیر ریلوے شیخ رشید اور سابق وزیراعظم شاہد خاقان عباسی کا کورونا ٹیسٹ مثبت آ گیا، پیپلز پارٹی کے رہنما اخوندزادہ چٹان میں بھی وائرس کی تشخیص، بلوچستان اسمبلی کے سابق رکن در محمد ناصر انتقال کر گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رہنما پیپلزپارٹی شرجیل میمن کا کورونا ٹیسٹ مثبت یا منفی؟ شرجیل  میمن  کا سرکاری لیب سے ٹیسٹ مثبت اور پرائیوٹ لیب سے منفی آیا، شرجیل میمن نے وفاق سے لاک ڈاؤن کے فیصلوں پر نظر ثانی کی اپیل کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی اسمبلی میں حکومت اور اپوزیشن ایک پیج پر، اپوزیشن لیڈر شہباز شریف کا ایوان میں پانچ نکات پر بحث کا مطالبہ مان لیا گیا، کورونا صورتحال، آٹا چینی بحرام، ٹڈی دل پر بحث کرائی جائے گی، وقفہ سوالات اور توجہ دلاؤ نوٹسز کو ملتوی کر دیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا کیسز کے پھیلاؤ میں مزید تیزی، پہلے دس ہزار کیسز تک پہنچنے میں  پاکستان کو ستاون روز لگے، آخری دس ہزار کیسز صرف دو روز میں ریکارڈ ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہم کورونا وائرس کی حدت کو محسوس کر رہے ہیں، موجودہ حالات میں لوگوں کی زندگیوں کو خطرات لاحق ہیں، عوام کا تحفظ قانون کے بننے اور اس پر عمل سے ہو گا، چیف جسٹس گلزار احمد کے کورونا از خود کیس میں ریمارکس، جسٹس اعجاز الاحسن نے کہا، وائرس کسی صوبے میں تفریق نہیں کرتا، یہ لوگوں کو مار رہا ہے، عدالت نے ہفتہ اور اتوار کو مارکیٹیں کھولنے کا حکم واپس لے لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپتالوں پر دباؤ بڑھ رہا ہے، کورونا سے بچاؤ کا واحد حل احتیاط ہے، وفاقی وزیر اسد عمر نے خبردار کر دیا، کہا، صحت کے نظام میں صوبوں سے تعاون کر رہے ہیں، ایک ہفتے میں دو سو پچاس وینٹی لیٹر صوبوں کو فراہم کیے جا چکے ہیں، جون میں ایک ہزار آئی سی یو بیڈز کی فراہمی یقینی بنائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈاکٹر جاوید اکرم کا حکومت سے سخت لاک ڈاؤن کا مطالبہ، وی سی یونیورسٹی آف ہیلتھ سائنسز نے کہا، عید کے دنوں میں لاک ڈاؤن میں نرمی کے بعد وبا کا خطرہ بڑھ گیا، پابندیاں نرم نہیں ہونی چاہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک اور ڈاکٹر کورونا کیخلاف جنگ میں زندگی کی بازی ہار گئیں، نشتر اسپتال ملتان کی سینئر ڈاکٹر غزالہ جاں بحق، اب تک نشتر اسپتال کے طبی عملے کے باون افراد کورونا سے متاثر ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلی بلوچستان کی زیر صدارت اجلاس، کورونا وائرس سے متعلق صورتحال پر تبادلہ خیال، جام کمال نے کہا، پرائمری صحت کے نظام کو مزید بہتر بنائیں گے، آئندہ مالی سال کے بجٹ میں شعبہ صحت کو ترجیح حاصل ہو گی، عوام کی بے احتیاطی کے شدید اثرات ہو سکتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ حکومت کا پبلک ٹرانسپورٹ دوبارہ بند کرنے پر عندیہ، وزیر ٹرانسپورٹ اویس شاہ نے کہا، بسوں میں ایس او پیز کی خلاف ورزی ہو رہی ہے، ٹریفک پولیس عملدرآمد کیلئے تعاون نہیں کر رہی، آن لائن بس سروس ایئر لفٹ کی کراچی اور لاہور میں سروس شروع کرنے سے معذرت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پچپن سال سے زائد ارکان اسمبلی کو اجلاس میں شرکت سے روکا جائے، وزیر صحت سندھ عذرا پیچوہو کا اسپیکرسندھ اسمبلی کو خط، کہا، معمر افراد کے کورونا سے زیادہ متاثر ہونے کا خدشہ ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ پولیس کے چار سو پینسٹھ اہل کاروں میں کورونا وائرس کی تشخیص، پنجاب اسمبلی کے مزید پانچ ملازمین کا ٹیسٹ مثبت آ گیا، پنجاب فوڈ اتھارٹی کے پینتیس ملازمیں متاثر، یونیورسٹی آف ہیلتھ سائنسز اور لاہور ایئر پورٹ کے دس دس ملازمین میں بھی کورونا کی تصدیق

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چمن بارڈر پر قائم قرنطینہ کیمپ میں سہولیات کی عدم دستیابی پر احتجاج،، افغانستان سے آنے والے دوسو کے قریب مسافر قرنطینہ کیمپ سے بھاگ گئے، مسافر کیمپ میں سہولیات نہ ہونے پر رجسٹریشن سے انکاری تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کی صورتحال میں مشکل بجٹ پیش کرنے جا رہے ہیں، مشیر خزانہ ڈاکٹر عبدالحفیظ شیخ کی تحریک انصاف کی پارلیمانی پارٹی کو بریفنگ، کہا، مشکل معاشی صورت حال کے باوجود بہتر بجٹ پیش کرنے کی کوشش کر رہے ہیں، کورونا سے متاثر ہونے والوں کو بجٹ میں ریلیف دیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں پانچ منزلہ مخدوش عمارت زمین بوس، جاں بحق افراد کی تعداد چھ ہو گئی، سندھ بلڈنک کنٹرول اتھارٹی کا گرنے والی عمارت کا دورہ، پاک فوج رینجرز اورامدادی اداروں کا ریسکیوآپریشن جاری، عمارت گرنے کی ایک اور ویڈیو سامنے آ گئی، عمارت گرنے کے دوران لوگوں کو دوڑتے دیکھا جا سکتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پی آئی اے طیارہ حادثہ، طیارے کے انجن اور لینڈنگ گیئر کو اتارنے کا کام شروع، حکام کے مطابق، کل تک انجن اور لینڈنگ گیئر اتار لیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جون میں کورونا آؤٹ آف کنٹرول، صرف سات روز میں اکتیس ہزار سے زائد کیسز، پانچ سو سے زائد افراد زندگی کی بازی ہار گئے، مثبت ٹیسٹ کی شرح بائیس فیصد ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں ایک سو تین روز میں ایک لاکھ سے زائد کیسز رپورٹ، امریکہ کو کورونا کے ایک لاکھ کیسز تک پہنچنے میں سینتالیس روز لگے، برازیل کو اڑسٹھ ، اسپین کو چھیالیس، اٹلی کو چوالیس اور برطانیہ کو اکسٹھ  روز لگے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مری میں موسلا دھار بارش اور ژالہ باری، موسم ٹھنڈا ٹھار ہو گیا، ندی نالوں میں طغیانی، اسلام آباد میں بھی ٹھنڈی ہوائیں چل پڑیں، گرمی کے ستائے چہرے کھل اٹھے، شمالی پنجاب، خیبر پختون خوا، گلگت بلتستان اور کشمیر میں بارش کا امکان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک کے سینتالیس اضلاع میں ٹڈی دل کی یلغار، نواب شاہ میں کپاس، پیاز اور سبزیوں کی فصلوں کو نقصان، ، کسان اور انتظامیہ ٹڈیوں کے خاتمے کے لیے کوشاں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

این ڈی ایم اے کو ٹڈی دل کے بارے میں کچھ معلوم نہیں، ہم نے ٹڈی دل کو بچپن میں دیکھا تھا یا اب دیکھ رہے ہیں، چیف جسٹس گلزار احمد کے کیس میں ریمارکس، کہا، ایک ایک چیز کا آڈٹ کرائیں گے، حکومت سے ٹڈی دل سے ہونے والے نقصانات کی تفصیلات طلب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مشیر خزانہ کا زرعی شعبے کیلئے پچاس ارب جلد تقسیم کرنے کا اعلان، ڈاکٹر عبدالحفیظ شیخ نے کہا، کاشت کاروں اور کسانوں کی بھرپور مدد کی جائے گی، بجلی کے ٹیرف، کھاد پر ڈیوٹی اور زرعی قرضوں پر مارک اپ کم کریں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مسلم  لیگ ن کے رہنما احسن اقبال کیخلاف انکوائری انویسٹیگیشن میں تبدیل، احسن اقبال کہتے ہیں، نیب کو اپوزیشن کے خلاف استعمال کیا جا رہا ہے، وزیراعظم کے حکم پر میری گرفتاری ہوئی، جھوٹے گواہ بنائے جا رہے  ہیں، وزیراعظم عمران خان کو تنقید پسند نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر اطلاعات پنجاب فیاض الحسن چوہان کہتے ہیں، آل پاکستان لوٹ مار ایسوسی ایشن چیخ چلا رہی ہے، احتساب سے بچنے کیلئے اے پی سی کا پہاڑا پڑھا جا رہا ہے، لوٹ مار ایسوسی ایشن جتنی چاہے ایڑھیاں گھسا لے، احتساب سے نہیں بچ سکتی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نندی پور کرپشن ریفرنس، چیف جسٹس اطہر من اللہ نے ریمارکس میں کہا، تمام ملزمان کیخلاف شواہد ایک جیسے، کچھ بری ہو گئے کچھ تاحال ملزم ہیں، نیب نے بابر اعوان کی بریت کیخلاف اپیل پر تیاری کے لیے پھر وقت مانگ لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عمران خان مافیا کو لگام دیں گے ان کا احتساب کریں گے، وفاقی وزیر مراد سعید کہتے ہیں، زرداری اور شریف خاندان نے سیاست کو معاشی فوائد کیلئے استعمال کیا، مافیا کو قانون کے مطابق سزائیں ملیں گی، مراد علی شاہ آصف زرداری کی کرپشن کے سہولت کار ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سینیٹ اجلاس میں تعزیرات پاکستان میں ترمیم کا بل پیش، سینیٹر رضا ربانی کے پیش کیے گئے بل میں کہا گیا، تعزیرات پاکستان سے بغاوت سے متعلق دفعہ کو حذف کیا جائے، اب قوم اور حکمران کا تعلق آقا اور غلام کا نہیں، دفعہ کو سیاسی اختلاف ختم کرنے کیلئے استعمال کیا جاتا ہے، وزیر مملکت علی محمد خان کی مخالفت، بل قائمہ کمیٹی کو بھجوا دیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

  اوورسیز پاکستانیوں کا ائیر پورٹ آمد پر کورونا ٹیسٹ ہو رہا ہے یا نہیں؟ سنیٹر شیری رحمان کا ٹوئٹر پر سوال، معاون خصوصی زلفی بخاری نے جوابا گزشتہ رات کی مسافروں کی ٹیسٹنگ کی تصاویر ٹویٹ کر دیں، کہا، پیپلز پارٹی بلنڈرز سے توجہ ہٹانے کیلئے قوم سے جھوٹ بول رہی ہے، اوورسیز پاکستانیوں کو کورونا کے پھیلاؤ کا ذمہ دار قرار دینا بند کیا جائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 کورونا پر سیاست  چمکانے کے بجائے لوگوں میں آگاہی پیدا کریں، وزیر ماحولیاتی تبدیلی زرتاج گل کی پروگرام صبح سے آگے میں گفتگو کہا، سندھ حکومت ملک کیلئے سب سے بڑی آفت  ہے، ترجمان  سندھ حکومت مرتضیٰ وہاب نے کہا، سندھ حکومت وفاق سے تعاون کیلئے تیار ہے، اختلافات بھول کر سب کو ملک اور عوامی فلاح کیلئے آگے آنا چاہیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا بے قابو، نئے کیسز میں پاکستان متاثرہ ممالک کی لسٹ میں چھٹے نمبر پر، ایکٹیو کیسز میں بھی پاکستان صرف پانچ ممالک سے پیچھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 ملک میں پٹرول کا بحران جوں کا توں، کراچی سمیت کئی شہروں میں  پٹرول کی کمی، گوجرانوالہ میں پٹرول کیلئے لمبی قطاریں، کئی شہروں میں پٹرول نہ ملنے پر شہریوں  کا احتجاج

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اپوزیشن لیڈر شہباز شریف کہتے ہیں، پٹرول کا بحران حکومتی نظام کے مفلوج ہونے کی نشانی ہے، حکومت کی بدانتظامی اور نااہلی کا طوطی سر چڑھ کر بول رہا ہے، حکومت پٹرولیم کمپنیوں کے ساتھ بیٹھ کر فوری حل نکالے، عوام کو سزا نہ دی جائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں سیاہ فام شہری کی ہلاکت پر مظاہرے تھم نہ سکے، واشنگٹن میں ہزاروں افراد کا وائٹ ہاؤس کی طرف مارچ، وائٹ ہاؤس کے آس پاس فوج تعینات، امریکی  شہر سیاٹل میں بھی مظاہرے، نامعلوم شخص نے ہجوم پر گاڑی چڑھا دی، مسلح شخص نے فائرنگ کر کے ستائیس  سالہ نوجوان کو زخمی کر دیا، مسلح شخص گرفتار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں نسل پرستی کیخلاف احتجاج میں شدت، لندن میں ہزاروں افراد کا احتجاج، برسٹل میں  غلاموں  کی تجارت  کرنے والےایڈورڈ کولسٹن کا مجسمہ دریا میں پھینک دیا گیا، برسلز میں بھی شہریوں کے نسل پرستی کیخلاف نعرے، تھائی لینڈ میں بھی جارج فلوئیڈ کے حق میں مظاہرہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں اکہتر لاکھ پندرہ ہزار سے زائد افراد میں کورونا کی تشخیص، چار لاکھ چھ ہزار سے زائد اموات، چونتیس لاکھ چوہتر ہزار سے زائد افراد صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا میں امریکہ کورونا سے سب سے زیادہ متاثر، کورونا کے کیسز بیس لاکھ سے بڑھ گئے، ہلاکتیں ایک لاکھ  بارہ ہزار سے زیادہ، صرف نیویارک  میں چار لاکھ کے قریب کیسز، اموات تیس ہزار سے زائد ہو گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلیٰ پنجاب سے اسپیکر چودھری پرویز الہیٰ کی ملاقات، سیاسی صورتحال اور کورونا وبا پر تبادلہ خیال، عثمان بزدار نے کہا، اتحادیوں میں غلط فہمیاں پیدا کرنے کی کوئی سازش کامیاب نہیں ہو گی، پرویز الہیٰ نے کہا، ہمارا اتحاد پہلے سے زیادہ مضبوط ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبوضہ کشمیر میں بھارتی جارحیت، بھارتی فورسز نے مزید چار کشمیریوں کو شہید کر دیا، چوبیس گھنٹوں میں شہادتوں کی تعداد 9تک پہنچ گئی، بھارتی فورسز نے نوجوانوں کو ضلع شوپیاں میں نام نہاد سرچ آپریشن کی آڑ میں نشانہ بنایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان نے بھارتی وزارت خارجہ کے ترجمان کے گمراہ کن بیانات کو مسترد کر دیا، ترجمان دفتر خارجہ کے مطابق، بھارت نے وزیراعظم پاکستان کے بیان کو توڑ مروڑ کر پیش کیا، بیانات مقبوضہ کشمیر میں جاری سنگین خلاف ورزیوں سے توجہ ہٹانے کیلئے مہم کا تسلسل ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بروقت حکمت عملی سے نیوزی لینڈ کورونا کو مکمل شکست دینے میں کامیاب ہو گیا، کورونا کا آخری مریض بھی اسپتال سے ڈسچارج، شادیوں کی تقریب، جنازوں اور عوامی اجتماعات پر سے تمام پابندیاں ہٹا دی گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین پر ایک بار پھر کورونا پھیلانے کا الزام، مہلک وائرس لیبارٹری کا تیار کردہ ہے، ناروے کے سائنس دان کا دعوی، کہا، وائرس قدرتی طور  پیدا نہیں ہوا، یہ حقیقت وقت ضرور ثابت کرے گا، چین اس طرح کے الزامات کو سختی سے مسترد کر چکا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی فشریز میں مچھلی کے شکار پر عائد پابندی ایک ماہ کیلئے ختم، جون میں مچھیرے سمندر سے مچھلیاں پکڑ سکیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کے منچلوں کو لسبیلہ کینال پر پکنک منانا مہنگا پڑ گیا، پابندی کے باوجود لسبیلہ کینال پر آنے والوں کو پولیس نے مٹی پر لیٹا دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملالہ یوسف زئی نے آکسفورڈ یونیورسٹی سے گریجویشن کر لیا، ملالہ نے  فلسفہ، سیاست اور معاشیات کے اہم مضامین کے ساتھ گریجویشن کیا مکمل  کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا نے ملازمین کی تنخواہوں پر وار کر دیا، ایمرٹس ائیرلائن کے ملازمین کیلئے بری خبر، گریڈ چار اور اس سے اوپر تمام اسکیل کے ملازمین کی تنخواہ میں پچاس فیصد کٹ لگے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پشاور کے حیات آباد میڈیکل کمپلیکس میں زیرعلاج اکہتر سالہ کورونا  مریض کی سالگرہ منانے کی خواہش پوری، ڈیوٹی پر موجود میل نرس نے   مریض کی خواہش پوری کر دی، کورونا مریض نے آئسولیشن بیڈ پر سالگرہ کا کیک کاٹا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خبردار بچوں کو گاڑیوں میں چھوڑ کر شاپنگ نہ کریں، والدین کو پولیس کی وارننگ، لاک گاڑی بچوں کی جان کیلئے خطرہ ہے، عجمان میں والدین کو شاپنگ مالز میں داخلے سے سے پہلے خبردار کر دیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جسے اللہ رکھے اسے کون چکھے؟انڈونیشیا کے جزیرے بالی میں چھ روز قبل کنویں میں گرنے والے شخص کو زندہ نکال لیا گیا، چھ روز بعد ایک کسان نے نوجوان کی آواز سنی اور پھر ریسکیو ٹیم کو آگاہ کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جنگل کی سیر کا شوق اُجاگر کرنے کا منفرد طریقہ، امریکہ کے جنگل  سے دس سال پہلے چھپایا گیا خزانہ تلاش کر لیا گیا، سونا چھپانے کا مقصد شہریوں کی جنگلات کی سیر میں دلچسپی کو بڑھانا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فلاڈلفیا میں نیا جوڑا بھی جارج فلوئیڈ کو انصاف کی فراہمی کیلئے ہونے والے احتجاج میں شریک ہو گیا، شرکا کا خوشی اور نیک تمناؤں کا اظہار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کی شکار اداکارہ و ہدایت کارہ روبینہ اشرف کی صحت ناساز، ساتھی اداکاروں نے مداحوں سے دعاؤں کی اپیل کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اداکار و میزبان واسع چودھری کورونا وائرس میں مبتلا، واسع چودھری نے سوشل میڈیا پوسٹ میں ٹیسٹ مثبت آنے کی تصدیق کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فرض اور ممتا، کورونا نے ڈاکٹر ماں کو دو ماہ کیلئے اپنی ننھی بچیوں سے دور رہنے پر مجبور کر دیا، برطانوی اسپتال سے 9ہفتوں بعد واپس لوٹی ماں کی بیٹیوں سے مِلن کی جذباتی ویڈیو سوشل میڈیا پر وائرل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شدید گرمی میں گاڑیوں میں سنیٹائزر اور گلوز رکھنا خطرناک، ابوظہبی میں پولیس نے نئی وارننگ جاری کر دی، گرمی میں اضافے کے باعث سینٹائزر دھماکے اور آگ کا سبب بن سکتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

‎پاکستان سمیت دنیا بھر میں آج سمندروں کا دن، نیول چیف کا کہنا ہے، پاک بحریہ سمندری وسائل کے محفوظ، دیر پا اور جدت پر مبنی طریقوں سے استعمال کیلئے سر گرم ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کی وبا میں سوشل میڈیا کا سہارا، سوشل سرگرمیوں پر پابندیاں لگیں تو سوشل میڈیا ایپس میں دلچسپی بڑھ گئی، دو ہزار بیس میں ٹک ٹاک ایپ کو سب سے زیادہ ڈاؤن لوڈ کیا گیا، زوم، واٹس ایپ، فیس بک اور میسنجر ٹاپ فائیو ایپس میں شامل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فارمولا ای ریس ایٹ ہوم چیلنج کا ٹائٹل بیلجئیم کے اسٹوفل وینڈورن کے نام، کورونا وائرس کے باعث پروفیشنل ریسرز کی گھروں پر بیٹھ کر فارمولا ای ریسز میں شرکت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چاند کی روشنی میں بڑی اسکرین کا جلوہ، یونان میں اوپن ائیر سینما میں شہری فلم سے لطف اندوز ہوئے، ساتھ میں مزے مزے کے کھانے بھی کھائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس سے متاثرہ افراد کی نگرانی کیلئے اسمارٹ واچز متعارف، ابوظہبی میں الیکٹرانک رسٹ بینڈ ڈیوائس سے گھروں میں قرنطینہ ہوئے افراد پر نظر رکھی جائے گی اور انہیں آسانی سے ٹریس کیا جاسکے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ماہرہ خان اور فہد مصطفی کی فلم قائد اعظم زندہ باد کی پہلی جھلک جاری، فلم ممکنہ طور پر بڑی عید پر ریلیز ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا کے سب سے مشہور جاسوس جیمز بانڈ اب باپ کے روپ میں دنیا کو عالمی وبا سے بچائیں گے، نو ٹائم ٹو ڈائے اپریل دوہزار بیس میں ریلیز کی جانی تھی، تاہم کورونا کے باعث اسے نومبر میں ریلیز کیلئے پیش کیا جا سکتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انجلینا جولی کی تجوری پھر ڈالرز سے بھر گئی، ہالی وڈ کی حسینہ کی ایک سال کی کمائی چھ ارب روپے کے قریب رہی

About The Author

dailyswail

See author's posts