اشو لال سئیں سرائیکی زبان دا بھاڳوند تخلیق کار ھے۔ انھیں دی شاعری حیاتی دیاں ݙونگھیں رمزیں اچوں الویندی ھے۔ کئی وار انھیں دے شعر راہیں جیوݨی دیاں کئی ڳجھیاں پرتاں اساں تیں پہلی واری کہیں اصلوں نویں تے نہوکڑے مفہوم تے معنی نال کھلدین۔ انھیں دی شاعری اساݙے ڄاݨ سندھ وادی دے تہذیبی ول پیچ اچوں اوندے اڄوکے بندے کوئی پورے مکھ مہاندرے نال لبھݨ دی الاوݨی دی آتم جاہ تک گھن ویندی ھے۔ انھیں دی ہک نظم دا کجھ حصہ ݙیکھو ۔اساں تاں ول ول پڑھدین ہیں تے ہر واری جیوݨی دی ہک نویں تاکی کھل پوندی ھے۔ بے انت محبت اشو سئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اندھیاں نال آکھے آسوں کتیں
اپݨی اپݨی آکھ بݨوا کے
دیغر نال ای کندھلی اتوں
چوݙویں رات دا چندر چڑھا کے
ݙہدیں سیتی
گوݙے اپݨے ہاں نال لا کے
ساکوں اپݨی ما دے پیٹ اچ
نندر آ ڳئی ھے
ساکوں نہی پتہ
اتنا گھپ اندھارا ہوسی
اکھیں لدھیں
۔ ۔ ۔ "گوتم نال جھیڑا وچوں”
گوتم نال جھیڑا پڑھن سانگے کلک کرو
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
اسلم انصاری :ہک ہمہ دان عالم تے شاعر||رانا محبوب اختر
موہری سرائیکی تحریک دی کہاݨی…||ڈاکٹر احسن واگھا