سرائیکی وچ اہدن ڈاڈھے دا 100چھی ویہاں ہوندے
ابا خانہ کعبہ دی جھال ڈیندے میں قدمیں ڈاھئے گیم
ابے خوش تھی تے پیکج دا اعلان کیتا jv کر آوے جیہری رقم لگسی میں ڈیساں ابے سینہ کھڑکایا اعظم لشاری دے تھال وانگوں فقیر خوش تھی گیا ڈو سال دانش کدہ کنوں چیل چھٹدی اے ایف اے وی کر گھنساں مئی jv دا ناں پی ٹی سی تھی گیا ہا کورس ڈو سال دا ہا میں گھر بھنا تھی گیم خواجہ صیہب جیہیں وڈے جوان دی چیخ نکل گئی ہئی
( مئی ہم پر مترائی ہم)میڈے سب رشتے مترائے حتکہ ذال مترائی ہئی گھر بھنے کوں انگریزی وچ ہوم سک اہدن میں اماں کوں رپٹ روانگی دا پیغام برائے والد صیہب ڈے تے مسکن چھوڑ ڈتا
میڈا یار ہا ملک حسن ماڑھا میں ہوں کنے پج گیم پوری شخصیت دا خاکہ بنڑاو تاں سہما ہوا ڈروک وسواسی شخص بے بہا دولت دا مالک ھ فضول خرچی ٹکے دی نئیں کریندا
کورونا بہوں جونیئر اے ملک صیہب ترائے سال پہلے عوام الناس تے ساری سنگت نال ہتھ ملاونڑ چھوڑ ڈتا متاں بے دے جراثیم میں ڈو آنون ایندا ہک ہزار روپے دا نوٹ زمین تے ڈھئے پووے تاں نئیں چائندا سامنڑیں بیٹھے دکاندار کوں اہدے پیسے چا گھن پچھدے کیا کیا رکھی پئیں ایویں کئی شئے دا نا گھن تے اہدے ڈیویں سو روپے دی آخری اطلاع اے ھ جو ساڈا یار چھی مہینے کنوں کورونا اعتکاف وچ بیٹھے
ساری سنگت مونجھی اے ہنڑ تاں بہشتی فون نئیں چائندا جئیں ویلھے میں حضرت والے ایندی وساخ تے مہمان ونج تھیاں ایندی جوانی دے شلار ہن ایندے چہرے دے دید نا ٹکدی ہئی رج سوہنڑاں تے رج شریف ہا ۔
اے وی پڑھوجیون پوتھی (1)۔۔۔ صوفی تاج گوپانگ
جاری رہسی
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر