ضیاء الحقی وائرس اور اصول پسند سیاسی کارکن۔۔۔ عامر حسینی

ایک طرف مولوی طارق جمیل کے درباری پن، جاھلانہ دعوؤں اور اُس کی جانب سے عورت جات کو کورونا وائرس کی وبا کی وجہ بتانے پر حرف ہائے مذمت برسائے جاتے ہیں، اُس کی جنسیت زدگی کا مذاق اڑایا جاتا ہے تو دوسری جانب سیاسی مخالف کی بیوی کو لیکر میل شاؤنزم کے سہارے سیاسی مخالف کو زچ کیا جاتا ہے…

یہ کیا ہے؟ مسلم لیگ نواز کے اسحاق ڈار، خواجہ آصف، پی پی پی کے تاج حیدر سمیت درجنوں لوگ ہیں جنھوں نے دوسری شادی کی ہے….. اور شادی شدہ عورتوں سے کی ہے…… کیا وہ عورت جو ایک یا دو مرتبہ طلاق لینے کے بعد تیسرے مرد سے شادی کرتی ہے وہ ‘اجڑا چمن’ ‘کھڑکی کھڑکائی’ ہوتی ہے؟ کیا انٹرکورس فقط یک طرفہ عمل ہوتا ہے؟ عورت اُس میں محض معروضی کردار یا اوبجیکٹ ہوتی ہے؟ باکرہ عورت ہی سرسبز و آباد گلشن کی ترکیب سے منسوب ہونے کی سزاوار ہے؟ کمرشل لبرل ایسی چغل ماریں تو سمجھ آتی ہے لیکن فاطمہ جناح، بیگم نصرت بھٹو، بی بی شہید کے سپاہی ایسی باتیں کریں تو افسوس ہوتا ہے…….. بشری بی بی کو ‘سو لفظوں کی بکواس’ کرنے والے نے ‘پُرانی گیند’ کہہ کر اُس کے سوئنگ زیادہ ہونے جیسا شرمناک جُملہ ٹوئٹ کیا تھا…. خبیث نے اپنی معصوم بیٹیوں پر شیاطین کے حملے کی ازخود دعوت دی اور جب اپنی منڈلی پر آگ برسی تو مگرمچھ کے آنسو بہاکر مظلومیت کی آڑ لیکر ہمدردیاں سمیٹنے لگا تھا…… ایسا مت کیجیے….. یہ نہ تو مزاح ہے اور نہ ہی طنز لطیف….. یہ پوہڑ پن ہے….. جہالت کی ایک انتہا کے جواب میں دوسری جہالت ہے….