18اپریل2020:آج پاکستان اور دنیا بھر میں کیا ہوا؟

کورونا کے کیسز مزید بڑھیں گے، پندرہ سے پچیس مئی کے دوران سب سے زیادہ مشکل پڑ سکتی ہے، وزیراعظم عمران خان کہتے ہیں، کیسز بڑھنے سے اسپتالوں پر بوجھ پڑے گا، کورونا سے بڑا خطرہ غریب عوام کی بھوک ہے، ڈر ہے کہ لوگ سڑکوں پر آئے تو لاک ڈاؤن کا فائدہ نہیں ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کہا گیا کراچی میں سب لوگ  کورونا سےمرے ہیں، یہ غیر ذمہ دارانہ بیان ہے، خوف پھیلانے سے گریز کیا جائے، وزیراعظم عمران خان کہتے ہیں، اعداد و شمار چھپانے سے حکومت کو ہی نقصان ہو گا، کچھ لوگ کورونا کے زیادہ نہ پھیلنے سے مایوس ہیں، کرائسز میں سیاست نہ کریں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حکومت کی باجماعت نماز، جمعہ اور تراویح کی مشروط اجازت، صدر مملکت کی زیر صدارت اجلاس میں بیس نکات پر اتفاق، ڈاکٹر عارف علوی نے کہا، مساجد کے احاطے میں نماز تراویح کا اہتمام کیا جائے، سڑکوں، فٹ پاتھوں پر نماز تراویح پڑھنے سے اجتناب کریں، موجودہ صورت حال میں بہتر ہے کہ اعتکاف گھر پر کریں، اجتماعی سحر یا افطار پر پابندی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نمازیوں میں چھ فٹ کا فاصلہ لازمی قرار، گھر سے وضو کرنے اور ماسک لگانے کی تاکید، دریاں یا قالین بچھانے پر پابندی ہو گی، مسجد کے فرش کو صاف کرنے کیلئے جراثیم کش محلول سے دھویا جائے گا، مسجد میں نماز کیلئے کھڑے ہونے کیلئے نشان لگایا جائے گا، کوئی بھی نمازی کسی سے بغل گیر ہو گا نہ مصافحہ کرے گا، مجمع لگانے سے گریز کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پچاس برس سے زائد عمر کے افراد، نابالغ بچوں اور بیمار افراد کے مساجد میں آنے پر پابندی ہو گی، صدر عارف علوی کہتے ہیں، خلاف ورزی اور وبا کے پھیلاؤ پر حکومت کو مداخلت کی اجازت ہو گی، عبادات کے ساتھ حفظان صحت کے اصولوں کا خیال رکھا جائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کی علما سے احتیاطی تدابیر پر عمل کرانے کی اپیل، کہا، صدر مملکت کی علما سے ملاقات میں کافی چیزیں طے ہو گئیں، مساجد میں کورونا پھیلنا شروع ہوا تو مساجد ویران ہو جائیں گی، عوام احتیاط کریں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں کورونا سے جاں بحق افراد کی تعداد ایک سو تینتالیس ہو گئی، سات ہزار چار سو سے زائد کیسز، اٹھارہ سو سے زائد صحت یاب ہو گئے، چار ہزار پانچ سو سے زائد کیسز مقامی طور پر منتقل ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لوگوں کی مشکلات سے پیسہ بنانے والوں کو نہیں چھوڑیں گے، وزیراعظم عمران خان کی اسمگلرز اور ذخیرہ اندوزوں کو وارننگ، کہا، خدشہ ہے کورونا سے ذخیرہ اندوز فائدہ اٹھانے کی کوشش کریں گے، اسمگلنگ اور مصنوعی مہنگائی کرنے والوں کو معاف نہیں کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ میں چھوٹے تاجروں کو ہوم ڈیلیوری کے ذریعے کام کی اجازت، چھوٹے تاجروں کو روٹیشن کی بنیاد پر دکان کھولنے کی تجویز، صوبائی وزرا پر مشتمل کمیٹی قائم، وزیراعلیٰ مراد علی شاہ کا ٹیکسز کی مد میں رعایت دینے کا اعلان، کہا، وفاقی حکومت سے بات کر کے ایس او پیز کے تحت مکمل اجازت دیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کہتے ہیں، اٹھارویں ترمیم کے بعد صوبوں کے پاس اختیارات ہیں، فیصلہ کیا ہے کہ آہستہ آہستہ لاک ڈاؤن میں نرمی کریں گے، پولیس عوام کو ڈنڈے مارنے کی بجائے لاک ڈاؤن سے متعلق سمجھائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میرے دم کرنے سے شہبازشریف کل گرفتاری سے بچ گئے، شہبازشریف لندن جائیں گے یا اندر جائیں گے، وقت فیصلہ کرے گا، وزیر ریلوے شیخ رشید کہتے ہیں، وزیراعظم عمران خان کرپشن کرنے والوں کو نہیں چھوڑیں گے، دنیائے سیاست میں عمران خان کا کردار یاد رکھا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پی آئی اے کا برطانیہ کیلئے فلائٹ آپریشن جزوی طور پر بحال، کل سے لاہور اور اسلام آباد سے لندن، مانچسٹر اور برمنگھم کیلئے پروازیں شروع ہوں گی، سول ایوی ایشن اتھارٹی کی بین الاقوامی اور علاقائی فضائی آپریشن کی بندش میں تیس اپریل تک توسیع، ریلیف پروازیں اور کارگو طیارے ہی آپریٹ ہوں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ کی جانب سے بھارت کو ہارپون میزائل۔۔۔۔ ٹار پیڈوز کی فروخت پر پاکستان کا شدید تحفظات کا اظہار، ترجمان دفتر خارجہ نے کہا، بھارت کورونا وائرس کیخلاف جنگ کی آڑ میں کوئی جعلی آپریشن کر سکتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سعودی مفتی اعظم کی نماز تراویح گھروں میں ادا کرنے کی ہدایت، شیخ عبدالعزیز نے کہا، کورونا نہ تھما تو نماز عید بھی گھر پر ہی ادا کرنی چاہیے، نماز عید کھلی جگہوں اور مساجد میں نہ ہوئی تو خطبہ کے بغیر گھروں پر ادا کی جائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا ڈیڑھ لاکھ سے زیادہ جانیں نگل گیا، بائیس لاکھ اکسٹھ ہزار سے زائد افراد وائرس سے متاثر، پانچ لاکھ اناسی ہزار سے زائد افراد نے وائرس کو شکست دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا میں کورونا مریضوں کی تعداد سات لاکھ سے بڑھ گئی، مزید دو ہزار پانچ سو سے زیادہ اموات، تعداد سینتیس ہزارسے زائد ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر اسد عمر کہتے ہیں، بیماری کے ساتھ ساتھ روزگار کو بھی بچانا ہے، مکمل لاک ڈاؤن ممکن نہیں، صحت سہولتوں میں اتنا اضافہ نہ کر سکے جتنی کوشش تھی، اندازے کے مطابق ملک میں کورونا سے اموات بہت کم ہوئیں، مربوط طریقے سے فیصلے کر رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سچائی سے لوگوں کو کورونا سے بچانے میں مصروف ہوں، فیصلوں میں غلطیاں بھی ہوئیں، وزیراعلیٰ سندھ کی ڈاکٹروں کے وفد سے گفتگو، کہا، پندرہ مارچ سے لاک ڈاؤن کرنا چاہتا تھا، لیکن ہو نہ سکا، پی ایم اے کا لاک ڈاؤن مزید سخت کرنے کا مطالبہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیویارک میں کورونا سے دو لاکھ تینتیس ہزار سے زائد افراد بیمار، سترہ ہزار سے زائدہلاکتیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا میں ساٹھ  ہزار سے پینسٹھ ہزار افراد کورونا کا شکار ہو سکتے ہیں، صدر ڈونلڈ ٹرمپ کہتے ہیں، اموات کو ایک لاکھ سے کم رکھنے کیلئے کوشاں ہیں، زرعی شعبے کیلئے انیس ارب ڈالر کے امدادی پیکج کا اعلان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آئی ایم ایف نے ٹیکس وصولیوں میں کمی کی پاکستانی درخواست منظور کر لی، ایف بی آر کا ٹیکس وصولی ہدف آٹھ سو پچانوے ارب روپے کم کر دیا گیا، مجموعی حکومتی آمدن میں ایک ہزار پچپن ارب روپے کمی کی منظوری

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تنقید کرنے والے پہلے حقائق جانیں اور پھر بولیں، فردوس عاشق اعوان کہتی ہیں، بلا جواز تنقید کرنے والوں کی لاعلمی پر افسوس ہی کیا جا سکتا ہے، وزیراعظم عمران خان نے مستحق افراد، مزدورں اور محنت کشوں کیلئے ملکی تاریخ کا سب سے بڑا پیکج دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تحریک انصاف کے کراچی سے رکن قومی اسمبلی نجیب ہارون حکومتی کارکردگی سے مایوس، قومی اسمبلی کی نشست سے استعفی دے دیا، نجیب ہارون نے دس مارچ کو ہم نیوز کے پروگرام پاکستان ٹو نائٹ میں وزرا کی مایوس کن کارکردگی اور حکومت میں بیٹھے کچھ کرپٹ لوگوں کی طرف اشارہ کرتے ہوئے کہا تھا،،، ساری ذمہ داری کپتان پر ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رہنما پیپلز پارٹی شیری رحمان کہتی ہیں، پیپلز پارٹی نے کوئی گالی گلوچ اور ہیٹ اسپیچ کا بازار نہیں لگایا، تقسیم کی کوشش کے بجائے معاونت اور امید کا پیغام دیں، شازیہ مری نے کہا، حکومت کو ترجیحات واضح کرنے کی ضرورت ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ماضی کی حکومتوں نے عوام کو خالی نعروں سے بہلایا، اپوزیشن جماعتیں زبانی جمع خرچ کر رہی ہیں، وزیراعلیٰ پنجاب عثمان بزدار کہتے ہیں، اپوزیشن نے مشکل گھڑی میں عوام کے ساتھ کھڑا ہونے کی بجائے انہیں تقسیم کرنے کی کوشش کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں ساڑھے چودہ ہزار سے زائد اموات، ایک لاکھ آٹھ ہزار سے زائد کیسز، ملک بھر میں لاک ڈاؤن میں سات مئی تک توسیع

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپین میں کورونا بیس ہزار سے زائد جانیں نگل گیا، ایک لاکھ نوے ہزار سے زائد افراد وائرس سے متاثر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عالمی ادارہ صحت کا اینٹی باڈیز سے کورونا کے علاج پر شکوک و شبہات کا اظہار، کہا، اینٹی باڈیز ٹیسٹوں پر بہت زیادہ رقم خرچ نہ کی جائے، ابتدائی شواہد کے مطابق بڑی تعداد میں مریضوں کے اندر وائرس کے بعد اینٹی باڈیز نہیں بن پائیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین میں کورونا سے مرنے والوں کی تعداد امریکا سے زیادہ ہے، امریکی صدر ڈونلڈ ٹرمپ نے چین کے اعدادو شمار کو غلط قرار دے دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اٹلی میں کورونا سے بائیس ہزار سات سو سے زائد اموات، کیسز کی تعداد ایک لاکھ بہتر ہزار سے بڑھ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فرانس میں مہلک وائرس سے اموات کی تعداد ساڑھے اٹھارہ ہزار سے بڑھ گئی، ایک لاکھ سینتالیس ہزار سے زائد مریض

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ماسکو میں آئندہ دو سے تین ہفتوں میں کورونا تیزی سے پھیل سکتا ہے، شہری انتظامیہ کا انتباہ، ڈپٹی میئر کی شہریوں سے احتیاط برتنے کی اپیل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سعودی عرب میں ایک روز میں کورونا کے ریکارڈ سات سو باسٹھ کیسز، مجموعی طور پر سات ہزار سے زائد مریض، ستاسی افراد چل بسے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارتی مصنفہ ارون دھتی رائے نے بھارت میں مسلمانوں کی نسل کشی کا خدشہ ظاہر کر دیا، کہتی ہیں، صورت حال مسلمانوں کی نسل کشی کی جانب بڑھ رہی ہے، دنیا بھارت کے معاملات پر نظر رکھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایران میں قومی آرمی پریڈ ، فوجی سامان کے بجائے جراثیم کش گاڑیاں ، موبائل اسپتال اور دیگر طبی اسٹالز کی پریڈ میں شرکت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا میں غوطہ خوری کیلئے استعمال ہونے والے ماسک کا بطور فیس ماسک استعمال، ماہرین کے مطابق، معمولی تبدیلی سے اسنورکل ماسک ،،این نائنٹی فائیو ماسک کا بہترین نعم البدل ثابت ہو سکتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاؤن میں لوگوں کو گھروں میں کھانا ڈلیورکرنا ہوا آسان، کولمبیا میں روبوٹس سڑکوں پر نکل آئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شارجہ میں آخری گیند،،،، چار رن درکار،،، اور چھکا،،، بھارت کیخلاف جاوید میانداد کے یادگار چھکے کو آج چونتیس برس ہو گئے، پاک بھارت ٹاکرے کا سب سے یادگار لمحہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محمد صلاح رفتار میں بھی  بہت تیز،، لیورپول کی گول مشین کا دنیا میں ساتواں نمبر، اوسط رفتار پینتیس کلو میٹر فی گھنٹہ ریکارڈ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جراسک ورلڈ تھری اگلے سال ریلیز ہوگی یا نہیں؟ کورونا کی وجہ سے شوٹنگ کینسل، آگے کا شیڈول بھی متاثر ہونے کا امکان

About The Author

ویب ڈیسک

See author's posts