16اپریل 2020:آج پاکستان اور دنیا بھر میں کیا ہوا؟

پاکستان میں کورونا مزید سترہ جانیں نگل گیا، اب تک اموات کی تعداد ایک سو چوبیس ہوگئی، ساڑھے چھ ہزار سے زائد کیسز، تین ہزار سات سو سے زائد کیسز مقامی طور پر منتقل ہوئے، وزیراعظم عمران خان کی رمضان میں اشیائے ضروریہ کی طلب و رسد پر نظر رکھنے کی ہدایت، کہا، حکومت کمزور طبقے کو ریلیف دینے کیلئے ہر ممکن کوشش کر رہی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب حکومت کا کورونا کے پیش نظر رمضان بازار نہ لگانے کا فیصلہ، وزیراعلیٰ عثمان بزدار کی مستحق افراد کو براہ راست مالی امداد دینے کی منظوری، کہا، ناجائز منافع خوری کسی صورت برداشت نہیں کی جائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ میں حجام، دھوبی، درزی، سینٹری، پلمبر، مکینک کی دکانیں کھولنے کی اجازت نہیں دی، مرتضیٰ وہاب کی وضاحت، کہا، لاک ختم یا نرم ہونے کا تاثر غلط ہے، وزیراعظم کی ہدایت پر کنسٹرکشن اور برآمدی صنعتوں کو کام کی اجازت دی، صنعتوں کو ایس او پیز پر عمل کرنا ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاؤن میں نرمی کے بعد ملک میں، بیشتر کاروبار کھل گئے، پنجاب، اور خیبر پختون خوا میں، کتابوں، الیکٹریشن اور ہارڈوئیر کی دکانیں کھل گئیں، اسلام آباد میں دکانداروں کو حکومت کے ایس او پیز کا انتظار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

متحدہ عرب امارات میں پھنسے پاکستانی مزدوروں کیلئے خوشخبری، یو اے ای کا پاکستانیوں کے ویزے کی معیاد میں توسیع کا اعلان، ملازمتوں سے برطرف پاکستانیوں کو مکمل تنخواہ دی جائے گی، کمپنیاں پاکستانی ملازمین کو ائیر ٹکٹ دیں گی، امارات میں رکنے والے افراد کو قانونی تحفظ ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان کو آئی ایم ایف سے ایک اعشاریہ چار ارب ڈالر ملنے کا امکان، وزیراعظم عمران خان کو مشیر خزانہ عبدالحفیظ شیخ کی بریفنگ، گرانٹ کی منظوری کیلئے عالمی مالیاتی ادارے کا اجلاس آج ہو گا، جی ٹوئنٹی نے چھہتر ممالک کو ریلیف دینے کا فیصلہ کیا تھا، وزیر خارجہ شاہ محمود قریشی کہتے ہیں، پاکستان سمیت ترقی پذیر ممالک کو ریلیف دینے کا فیصلہ خوش آئند ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اقوام متحدہ کے سیکریٹری جنرل نے وزیراعظم عمران خان کی قرضوں سے چھوٹ کی اپیل کی حمایت کر دی، ترجمان کا کہنا ہے، عمران خان کا بیان سیکرٹری جنرل کے نظریے کے مطابق ہے، قرضوں میں نرمی کورونا کیخلاف جنگ میں اہم حصہ ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رمضان المبارک میں نماز تراویح کی باجماعت ادائیگی پر وزیراعظم اور علمائے کرام اٹھارہ اپریل کو فیصلہ کریں گے، صدر مملکت عارف علوی کی لاک ڈاؤن میں نرمی کے باجود شہریوں سے احتیاطی تدابیر پر عمل کرنے کی اپیل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلیٰ سندھ کہتے ہیں، سندھ میں گزشتہ چوبیس گھنٹوں میں کورونا کے تین سو چالیس کیسز سامنے آئے، چار مریض جاں بحق ہوئے، کورونا کے ٹیسٹ کم ہونے سے کیسز زیادہ نہیں آ رہے، مارچ سے ہی سخت لاک ڈاؤن کرنا چاہیے تھا، مراد علی شاہ کا گاڑی خود ڈرائیو کر کے سکھر کا دورہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا مریضوں کی تعداد اکیس لاکھ کے قریب پہنچ گئی، ایک لاکھ پینتیس ہزار سے زائد افراد چل بسے، پانچ لاکھ بیس ہزار سے زائد افراد نے بیماری کو شکست دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا میں کورونا وائرس کے باعث ہلاکتوں کی تعداد اٹھائیس ہزار سے بڑھ گئی، چھ لاکھ چالیس ہزار سے زائد مریض، نیویارک میں گیارہ ہزار پانچ سو سے زائد اموات، دو لاکھ چودہ ہزار سے زائد افراد متاثر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا قابو ہے، یہ وقت قوم کے نیک اور ایک ہونے کا ہے، وفاقی وزیر شیخ رشید کہتے ہیں، صوبوں کے درمیان اتفاق رائے کی ضرورت ہے، کورونا سے یہاں وہ تباہی نہیں پھیلی جو یورپ میں ہوئی، وزیراعظم ریلیف فنڈ میں سب سے زیادہ فنڈ دیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس کے مریض اعداو شمار سے زیادہ ہو سکتے ہیں، وزیر صحت کے پی تیمور سلیم کہتے ہیں، کوئی غلط فہمی میں نہ رہے کہ لاک ڈاؤن کا خطرہ ٹل گیا، مشیر اطلاعات اجمل وزیر بولے، غیر معمولی حالات میں کورونا اور بھوک افلاس کے خلاف جنگ لڑ رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اٹلی میں کورونا سے اکیس ہزار پانچ سو سے زائد ہلاکتیں، متاثرہ افراد کی تعداد ایک لاکھ پینسٹھ ہزار سے زیادہ، اسپین میں بھی انیس ہزار سے زائد افراد زندگی کی بازی ہار گئے، ایک لاکھ بیاسی ہزار سے زائد مریض

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فرانس میں کورونا سترہ ہزار سے زائد زندگیاں نگل گیا، ڈیڑھ لاکھ کے قریب افراد وائرس سے متاثر، برطانیہ میں مرنے والوں کی تعداد تیرہ ہزار کے قریب پہنچ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاق سندھ حکومت کی بھرپور مدد کرنے کیلئے تیار ہے، وفاقی وزیر علی زیدی کہتے ہیں، سندھ حکومت کو آئینہ دکھانا ضروری تھا، خراب معاملات کو کون ٹھیک کرے گا؟ ایک ماہ تک باتوں کو گھمایا جا رہا تھا، ہم خاموش تھے، لیکن ہم پنچنگ بیگ تو نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ کہنا کہ سیاست نہ کریں جہالت ہے، سیاست نہ کرنے کی وجہ سے مسائل پیدا ہوتے ہیں، رہنما پیپلز پارٹی قمر زمان کائرہ کہتے ہیں، مراد علی شاہ کی پریس کانفرنس کے بعد حکومتی ترجمانوں  نے یلغار کر دی، وفاقی حکومت وسائل فراہم نہیں کر رہی، جس سے مسائل پیدا ہو رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

منی لانڈرنگ کیس، نیب نے اپوزیشن لیڈر شہبازشریف کو کل طلب کر لیا، جائیداد سے متعلق تفصیلات بھی طلب کر لیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا ریلیف فنڈ میں ایک ارب اُنچاس کروڑ کی رقم جمع، سینیٹر فیصل جاوید کہتے ہیں، وزیر اعظم فنڈ میں پہلے پندرہ روز میں یہ رقم جمع ہوئی، عظیم مقصد کیلئے حصہ ڈالنے پرپاکستانیوں کے جذبے کو سلام

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شوگر ملز ایسوسی ایشن نے چینی تحقیقاتی رپورٹ مسترد کر دی، ایف آئی اے کو جمع کرائے بیان میں کہا، ملز مالکان پر لگائے جانے والے الزامات درست نہیں، تحقیقات میں ہمارا مؤقف شامل نہیں کیا گیا، فرانزک رپورٹ بھی تسلیم نہیں کریں گے، انصاف نہ ملا تو عدالت سے رجوع کریں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں سولہ سو سے زائد کورونا کے مریض صحت یاب، انتالیس افراد کی حالت تشویش ناک

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سعودی عرب میں کورونا سے اموات کی تعداد اُناسی ہو گئی، چھ ہزار کے قریب افراد متاثر، مکہ، طائف، ریاض سمیت مختلف شہروں میں سخت کرفیو

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا اور عالمی ادارہ صحت کے اختلافات، عالمی ادارہ صحت کے سربراہ کا فنڈز روکنے پر اظہار افسوس، امریکی ایوان نمائندگان کی اسپیکر نینسی پلوسی اور بل گیٹس کی ٹرمپ کے فیصلہ پر تنقید

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارت میں انتہا پسندی، اور تعصب، کورونا کے مریضوں میں بھی مودی سرکار نے ہندو مسلم تفریق کرنا شروع کر دی، ریاست گجرات کے شہر احمد آباد سول اسپتال میں ہندو اور مسلمان مریضوں کیلئے الگ الگ وارڈز بنا دئیے گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جرمنی کا چار مئی سے اسکول اور دکانیں کھولنے کا اعلان، اسپین میں محدود پیمانے پر پبلک ٹرانسپورٹ، ڈنمارک میں اسکول کھل گئے، کورونا کے دوران جنوبی کوریا میں ہوئے انتخابات میں حکمران جماعت کامیاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جاپان میں کورونا  سے چار لاکھ کے قریب شہری ہلاک ہو سکتے ہیں، جاپانی محکمہ صحت نے خبردار کر دیا، کہا، ہنگامی اقدامات نہ اُٹھانے کی صورت میں ساڑھے آٹھ لاکھ افراد کو وینٹی لیٹرز کی ضرورت پڑ سکتی ہے، ٹوکیو اور اوساکا سمیت چھ دیگر مقامات پر ایمرجنسی نافذ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کیخلاف لڑنے والی نرس انسانیت پر قربان ہو گئی، لندن میں کورونا مریضوں کا علاج کرنے والی حاملہ نرس جان کی بازی ہار گئی، ڈاکٹروں نے آپریشن کے بعد بچی کو بچا لیا، نومولود کا کورونا ٹیسٹ کرایا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی ریاست کیلیفورنیا میں کسانوں نے تیار فصلوں پر ہل چلا دئیے، کورونا وائرس کی وجہ سے  اشیا کی طلب میں کمی، کسانوں کو شدید مالی نقصان کا سامنا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے لڑنے گاڑیوں کی کمپنی بھی میدان میں، مرسیڈیز فارمولا ون نے سانس لینے کیلئے نئی مشین متعارف کرا دی، ڈیوائس کا لندن کے اسپتال میں آزمائشی طور پر استعمال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس سے گاڑیاں بنانے والے بھی پریشان، امریکی کمپنی فورڈ کو تین مہینوں میں ایک سو ارب روپے نقصان کا امکان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا، شوگر، کے مریضوں کیلئے خطرناک، ووہان یونیورسٹی کے ماہرین کے مطابق، وائرس کے حملے کے بعد پھیپھڑوں میں مدافعتی خلیات کی تعداد بڑھنے سے سانس لینے میں دشواری ہوتی ہے اور اندرونی اعضا کام کرنا چھوڑ دیتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وبا کے بعد بھی ماسک پہن کر باہر نکلنا عام معمول بن جائے گا، ہارورڈ یونیورسٹی کی ایک تحقیق، میں، بتایا گیا دو ہزار چوبیس میں کورونا وبا کے دوبارہ سامنے آنے کا امکان ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کوکین اسمگلنگ کیلئے فیس ماسک کے ڈبوں کا استعمال، برطانوی پولیس نے شاطر اسمگلرز کی چال ناکام بنا دی، لندن میں فیس ماسک کے ڈبوں سے بیس کروڑ کی ہیروئن برآمد کر لی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بنگلہ دیش نے سمندر میں پھنسے سیکڑوں روہنگیا مسلمانوں کو بچا لیا، پناہ گزین ملائیشیا جانا چاہتے تھے، کورونا کے پیش نظر ملائیشین حکومت نے سیکیورٹی بڑھائی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پولینڈ میں تیز رفتار گاڑی کو خوفناک حادثہ، گاڑی راؤنڈ اباوٹ سے ٹکرا کر ہوا میں اُڑتی ہوئی قبرستان میں جا گری، ڈرائیور خوش قسمتی سے محفوظ رہا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ننانوے سالہ برطانوی فوجی کی کورونا کیخلاف جنگ، بارہ ملین پاؤنڈ اکٹھے کر لیے، تھامس مور نے گھر میں،، سو،،، چکر لگائے، فنڈ ریزنگ سے اکٹھی رقم این ایچ ایس کو دی جائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

زیتون کے درختوں کو تباہ کرنے والی بیماری اور خطرناک ہو گئی،  ماہرین کے مطابق، یونان اور اسپین میں درختوں میں لگا بیکٹیریا چند سالوں میں تیس کھرب روپے کا نقصان پہنچا سکتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

متحدہ عرب امارات میں موسلا دھار بارش، گرمی کی شدت کم ہو گئی، بارشوں کا سلسلہ جمعہ تک جاری رہے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جرمن کلب بائرن کے کھلاڑیوں نے ایک ماہ بعد ٹریننگ شروع کر دی، کھلاڑیوں نے ایک دوسرے سے تین فٹ کی دوری رکھی، جوڑیوں کی صورت میں ٹریننگ کرائی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کرکٹ آسٹریلیا نے اپنے عملے کو طویل رخصت پر بھیج دیا، اسٹاف ممبران کو کٹوتی کے ساتھ تنخواہ ملے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایپل کا نیا آئی فون مارکیٹ میں آنے کیلئے تیار، شکل آئی فون ایٹ جیسی مگر خصوصیات آئی فون الیون والی، قیمت تین سو ننانوے ڈالرز یعنی ساٹھ ہزار پاکستانی روپے ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیٹ۔۔۔۔

شعیب اختر کی باؤنسر بہت خطرناک تھی، رکی پونٹنگ نے شعیب اختر کے دو ہزار دس کی باؤلنگ کو اپنے کیریئر کی تیز ترین بال قرار دے دیا، کہا، شعیب اختر اتنی تیز باؤلنگ کر رہے تھے کہ لینگر نے کہا میں پچ کے اس طرف ہی بھلا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیٹ۔۔۔۔

لیجنڈ اسٹیج اداکار ببو برال کو دنیا چھوڑے نو برس بیت گئے، تین عشروں پر محیط فنی زندگی میں ببو برال نے مسکراہٹیں بکھیریں، بیس فلموں میں بھی اداکاری کے جوہر دکھائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ماہرہ خان کی یاد گار تصویر، اپنا پہلا فوٹو شوٹ سب کے ساتھ شیئر کر لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی صدر کو دہشت گردوں سے بچانے کا مشن، فلم ’اینجل ہیز فالن‘ نے امریکا بھر میں بلو رے سیلز سے دو ارب روپے سمیٹ لیے

About The Author

ویب ڈیسک

See author's posts