پاکستان میڈیکل اینڈ ڈینٹل کونسل سے اہم ریکارڈ سمیت 5 گاڑیاں، 3 لیپ ٹاپ اورہارڈ ڈسک غائب ہونے کا انکشاف ہوا ہے۔
رجسٹرار پی ایم ڈی سی حفیظ الدین نے اسلام آباد ہائی کورٹ میں تحریری رپورٹ جمع کرادی۔
رپورٹ میں بتایا گیا ہے کہ پی ایم ڈی سی کی بحالی کے بعد مختلف ڈیپارٹمنٹس کا ریکاڑد غائب پایا گیا۔
چابیاں، 3لیپ ٹاپ ، ہارڈ ڈسک ، وائی فائی ڈیوائس، پی ایم ڈی سی کی ملکیت 5گاڑیاں غائب ہیں۔ جو گاڑیاں موجود ہیں ان کی چابیاں موجود نہیں۔
پی ایم ڈی سی کی ملکیت والے 3گھروں کی چابیاں بھی ابھی تک واپس نہیں کی گئیں۔
رپورٹ میں کہا گیا ہے کہ کالعدم قرار دیئے گئے پاکستان میڈیکل کمیشن کے سیکرٹری اور وزارت صحت کو صورتحال سے آگاہ کیا لیکن جواب نہیں ملا۔
سیکرٹری کمشن ڈاکٹراسلان حیدر نے وزارت صحت سے بات کرنے کا کہا۔
رپورٹ میں یہ بھی لکھا گیا ہے کہ پی ایم ڈی سی نے کورونا کے باعث ابھی صرف 45 ملازمین کے محدود سٹاف کے ساتھ کام شروع کیا ہے۔
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد