"خیرات”۔۔۔ زکریا قیصرانی

خریت اللہ دے ناں دی ونڈ ساڈی
رات کوں سارے گھر آلے بیٹھے ہاسے سارے سوچیندے پئے ہاسے جو کوئی اللہ دے ناں تیں خریت کرو ہا آخر جوانیں تریمتیں ساریں آپنڑیں آپنڑیں
رائے ڈتے لیکن آخر تیں فیصلہ اوہو تھئے جہرا جوانیں دی رائے ہائی اور فیصلہ اے تھئے کہ ہک گاں گھن کے
اللہ دے ناں تیں خریت کریندے ہیں خیر فجر تھی گئی گھر دےسارے جوان منڈی گئے گاں ڈیکھنڑ منڈی
پہنچ گئے وئے چاچا اے گاں کتنے دی ہے ابا اے 70 ہزار دی اے 70 ہزار دی معافی اتنی مہانگی کیا
کریندے ہیں کرنڑیں تاں خریت اے آپس اچ گالھ کریندے ہوئیں اگوں تیں ودھ ویندن خیر منڈی تیں
ڈو کے چار گھنٹے پھرنڑ دے بعد ہک سستی گاں مل ویندی اے جہری جسمانی لہاظ نال بہوں کمزور ہوندی بس ایہا گاں ٹھیک اے ٹورو ایکوں مارکہ گاں کوں گھر گھن آندے سارےگھر آلے سکے سوہرے کھٹے تھی ویندن ماشااللہ ماشااللہ بہوں چنگی گاں اے اچھا ہنڑ گاں کوں جاہ تیں ونج بدھ کھڑاؤ فجر کوں کوہسوں سارے اپنڑے اپنڑے کم اچ لگ ویندن گاں کوں وی تھوڑی جہیں خوراک کھویندن خیر فجر کو وقتی وقتی گھر اچ شور مچ ویندے اٹھو اٹھو ساریں گاہ ذ بح کرنڑیں اے دروازہ کھڑکدے ونج ڈیکھ آؤ کون آیا کھڑے ابا قصائی آیا کھڑے قصائی گاہ کو ذبح کرنڑ شروع کریندے تاں وڈی بیوا دا پتر ان کے آہدے کلیجی ساکوں ڈیواہے اچھا ٹھیک اے کلیجی توں چا ونجیں کجھ وقت دے بعد موبائل دی گھنٹی وجدی اے ماسی آہدی اوجھری ساکوں ڈیواہے میں پتر کون پٹھیندی پئی ہاں ساڈے بال شوق
نال کھاندن اچھا خیر گاں ذبح تھی ویندی سری پاوے نال آلے یتیم فلاں ہونڑے دے گھر ڈتی آواں نا نا او نئیں پکیندے سرے پاوے ایویں کر سرے پاوے ہک کٹوں اچ پا چا تیں امام دے گھر ڈتی آ ٹھیک اے قصائی گوشت جوڑ بنڑا کے آہدے اچھا میں وینداں پیاں میڈے بالیں واسطے گوشت ڈے چھوڑو تیکوں پتہ تاں ہے اے اللہ دے ناں دی خیر اے خیر اے گوشت چائی ونج ڈو ہڈیاں تیں مینجھ دا ٹوٹا شابراچ پا ڈیندن۔
اچھا مارکہ ہنڑ وڈا تھال چا آؤ پہلے پہلے گھر واسطے چنگا ستھرا گوشت تھال بھرگھنو ہک پیا تھال چا آؤ چنگاں چنگاں ہڈیاں پا گھنو چاول بنڑیسوں بوا دو کلیجی ڈیوا بھیجو
تیں ماسی دو اوجھری وی پٹھوا ڈیوو اپنڑاں تھوڑا نیوے پاتا کجھ بیا وی پا گھنو بال کھاسین اے ساری مینجھ اے چھچھڑے اے ہک پاسے کرو اےسٹ گھتوں نا ایندے
اچ بس ڈو ڈو بوٹیاں رلاؤ ویندے تیں غریبیں دے گھر ڈیوو ویندے بس بس ذیادہ نا پاؤ چنگی بوٹی ویندی پئی اےکھڈ گھن مسیت لگا ونج امام صاحب دو ہک چنگا تھال
بھر کے گوشت دا ڈے آؤ سری پاوے تاں ڈے آئے ہیں بس ایے وی ڈے آس او کھاسن تیں ایں طریقے نال ساڈی خیرات ونڈی۔

About The Author

ویب ڈیسک

See author's posts